سلام الله عليكم وإحذروا من قوة الزلزال=تراها قوةٍ لا وصلت الديرة تدمرها
ابا أحذر وابا أنذر وأبا أقول الصحيح يقال=وأبا آحط العرب مابين ماضيها وحاضرها

هلا يا مرحبابك يالمسلم والحمل ينشال = على ضهور الجمال وف البحر تشلع بواخرها
ليامنك نويت العلم عندي والحروب سجال = تمتع في زمانك والحوادث لاتباشرها

يدوم الك البقا والحمل برك له ثلاث جمال=ولا حملتها بحمولها حاول تثورها
جهازات الندا ترسل ولاحدِ يسمع الإرسال=مواردها بعيدة وأنته أبخص في مصادرها

تقوله وانت ضيف وفي محل رجال يارجال = سلوم جدودنا في صرحنا الشامخ نسطرها
ليامني عرفتك ياسنافي حلها حلال = نعبر كل حجه يا سنافي مع معابرها

أنا ماقلت حاجة لكن الشكة لها مدخال=لكن أبا أنشدك عن عبس ويش يقول شاعرها
أبا أعطيك النصيحة دامك أجهر والدروب طوال =ليا شكيت فيها صد عنها لاتكبرها

انا ماشك فيها والمراوغ حيلة الانذال = عطيتك مافهمتة منك وانته لاتحدرها
نبيك اتصير في الميدان وانته من وراء خيال = تستر والتستر بعض الانفس ما يقدرها

لا بالله مالحقك الشك لكن ماتعرف تحتال=يازين الستر لو بعض العرب مالله بساترها
تريح لا توهق نفسك وتبلش وتعطى فال=تراي أشوفك من البارحة وأنته تدورها

عليك مخالفة يابو حمد لاتقفل الجوال = اشوف معاملة تصدر ولا يدرى من يصدرها
هلا بك في مضارب عبس ماهي لعبة الجهال = تواريخ (ن) على وضح النقاء يتعب مسايرها

علامك قمت تضربها مع الغبشة يمين شمال=يبيلك وقت حتى موهبتك آعرف أطورها
بقيتي يامضارب عبس وأنت الأعور الدجال=كذا ولاَ كذا تبطي عظم مانته مغيرها

بقينا في مضارب عبس والى من ربوعي شال = على السودان والسودان يسعد من يسافرها
صحيح ان الدهر مذكور يومنه علينا مال = لاكن الحرار بشاية الله في مواكرها

اقتباس من مشاركة الاجهر (المشاركة 18492) بقينا في مضارب عبس والى من ربوعي شال = على السودان والسودان يسعد من يسافرها صحيح ان الدهر مذكور يومنه علينا مال = لاكن الحرار بشاية الله في مواكرها