يا نفس لا تطرين فرقى الحبايب=الله على جبر الخواطر عويني
لاعاش راسي كان بيعيش هايب=و الموت فالي قبل تقصر يديني
يا قلب تكفى لا تجيب المصايب=ما اظن ودك تشمت القوم فيني
ادفن همومي خلف عوج حدايب=زادت همومي وشفتها تحتويني
المشكله حظي على الدوم خايب=مليت من حزني و شوق دفيني
مانيب طالب في قصيدي وهايب =و كاني بخلت اقطع بكفي يميني
توي شباب و عايش بفكر شايب=اعسف عن الزلات كفي وعيني
قلبي غدا من يوم رحتي خرايب=وينك تعبت اقولها وضعت ويني
ازريت ارد اهل الردا والنشايب=اضحك بوجه عداي وادفن ونيني