قبيلة بني رشيد - محاورة بين الشاعر محمد معيوف الشويلعي والشاعر دحيم الخياري

قبيلة بني رشيد (http://ban3abs.com/aa/index.php)

- منتدى المحــــــــــــــاوره (http://ban3abs.com/aa/forumdisplay.php?f=13)

محاورة بين الشاعر محمد معيوف الشويلعي والشاعر دحيم الخياري

[[أعزائي محبي ومتابعي منتداكم المحبوب كما وعدناكم بتقديم ماهوجديد للشاعر
( محمد معيوف الشويلعي ) ها نحن اليوم نقدم إليكم احد محاوراته الصيفية مع شاعر من ابرز شعراء قبيلة بني رشيد وشعراء القلطة في المملكة الشاعــــــر
( دحيم عبد الرحمن الرشيدي ) . متمنين أن تحوز على رضاءكم.....
وتقبلوا تحيات أخيكم ( إحساس شاعر ) . وتطلعوا إلى المزيد والجديد إن شاء الله

محمد معيوف :

مرحبا ترحيبة ٍ تاصل حدود السحــــــاب
المثير يقودها والهجوس تسوقهــــــــــا
يادحيم سيف عنتر قبل شلفا ذيـــــــــاب
والمخيله ثوّر العج دون بروقهــــــــــــا

دحيــــم :

البقا للشاعر اللي فتح للّعب بــــــــــاب
من هجوس ٍ يحتفظ بالذهب صندوقهـــــا
انت يامحمد صواب وبدا رميك صواب
كل شجرة تشرب الما تعيش عروقهــــا

محمدمعيوف :

انت كبسولة فضانا وخشت بالضبــاب
يالله انك بالفضا لاتقرب عوقهـــــــــــــــا
الوفا طبع الرجل والحسد طبع الغراب
خل ناس ٍ ناشب ٍ هرجها بحلـــوقــهــــــا

دحيــــم :

القمر ماغاب لو قالوا الجهال غــــاب
اعرف أن الحق شمسه يبين شــروقـهـــا
العيون ألحاسده ماملاها ألا التــراب
والرجال اللي توفـــــ الرجال حقــوقـهــــا

محمدمعيوف :

كل شايب مر عصر الجهالة والشباب
وكل نفس الله خلقها وعينه فــــوقـهــــــا
الله انه لايعوّد سميرا مع ربــــــــــاب
المعادن غاليه وانت تعرف ســوقــهــــــا

دحيــــم :

انت شاعر لك مهابة وترد ولاتهـــــــــاب
مير والله سكرة الموت غير تذوقــهــــــــا
عـمّـر الله داركم ياعزيزين الجنــــــــــاب
عبلة العبسيه آكيد عنتر شــوقـــهــــــــــا

محمدمعيوف :

من تورّى في جهنم مصيره للعـــــــــذاب
والحمامة لوترفرف عليهـــا طــوقـهـــــا
يادحيم طامحة في مطوعة الصعــــــــاب
وكل عينن هلت الما وينثر مــــوقــهـــــا

دحيــــم :

ما ارتفع فوق الجبال الطوال ألا العـقـاب
والصقور اللي تتل اليدين سبــــــوقــهـــا
اعرف إن الناقصة لاتجيب ولاتجـــــاب
مير خل الملعبة ينجرد طــــاروقـــهـــــا

محمدمعيوف :

الشياطين الرجيمه لها خلق الشهـــــاب
ومن نثرها فوق الارض الجلاد يحوقهـا
جعلها فدوتك تذهب ضحاضيح السـراب
كل تلعه عارف ٍ وسعها من ضـــوقهــــا

دحيــــم :

احتكم بشداد ريمه ونحسب لك حســـاب
واترك البدوان تسرح وتضوي نــوقـهــا
مايجوّد شذرة السيف ياغير النصـــــاب
ولايخرب نظرة البشت غير شقــوقـهــــا

محمدمعيوف :

درهمت مع جرهد العز لحضور وغياب
والكنــــانــه قبــرها واســع ٍ فـاروقـهـــا

مشاركة: محاورة بين الشاعر محمد معيوف الشويلعي والشاعر دحيم الخياري

محاوره ممتازه ولكن محمد معيوف وش يرجع

مشاركة: محاورة بين الشاعر محمد معيوف الشويلعي والشاعر دحيم الخياري

الف شكر خوي حساس شاعر

وصح السان الشاعر محمد معيوف

وصح السان الشاعر دحيم عبد الرحمن

والحقيقه محاوره طيبه وشعراء غنين عن التعريف

شكراً لك اخي الكريم

مشاركة: محاورة بين الشاعر محمد معيوف الشويلعي والشاعر دحيم الخياري

بيض الله وجهك وبارك الله فيك

على هذا النقل الطيب

وصح الله لسان الشعراااااااء الكبار

لاهنت ولاهانووووو

ننتظر الزيد

:o

مشاركة: محاورة بين الشاعر محمد معيوف الشويلعي والشاعر دحيم الخياري

مشكور اخوي احساس شاعر
علي النقل ومحاوره قويه
من شاعرين غنيين عن التعريف
محمد معيوف يرجع اخوي
النجم الي (فخذ الشوالعه)
:o