قبيلة بني رشيد - محاورة حبيب العازمي وابن شايق

قبيلة بني رشيد (http://ban3abs.com/aa/index.php)

- منتدى المحــــــــــــــاوره (http://ban3abs.com/aa/forumdisplay.php?f=13)

- - محاورة حبيب العازمي وابن شايق (http://ban3abs.com/aa/showthread.php?t=1593)

محاورة حبيب العازمي وابن شايق

السلام عليكم ورحمة الله وبركاته

أقدم إليكم هذه المحاوره بين الشاعرين عبدالله بن شايق وحبيب العازمي في زواج السامر

وهي المحاوره الوحيده بينهم الي الان

حــــــبــــــيــــــب

سلامي على ال سعود وضيوف ال سعود=سـلام بمسـك العـود نسمـة هبوبـه
وطنـا وطنـا منبـع العـز والـجـود=ودحر المعـادي كـان شبـت شبوبـه

بــــــــن شــــايــــق

انـا بالنيابـه قمـت والخيـر ماجـود=عن الاسـره اللـي ضيفهـم رحبوبـه
بلدنـا مجندنـا وحنـا لــه جـنـود=على السلم سلـم وللمشاكـل عقوبـه

حــــــبــــــيــــــب

ترى العاقل اللي يعرف النقص والـزود=قبـل مايعـرف الـدار يعرفـه دروبـه
بذلنا على وضح النقـاء كـل مجهـود=لكـن انـت لابـدك تلقـي صعـوبـه

بــــــــن شــــايــــق

ترى العاقل اللي ياخذ الحـق بشهـود=ونفسك على الطرقه مهيـب مغصوبـه
ليا صـار فالميـدان حـاوي ومـردود=انا اصل العرب واصلي يعرف العروبـه

حــــــبــــــيــــــب

ليا قلتهـا قلـت لـك مانيـب محـدود=ولكـن داب الغـار ينـفـخ ذروبــه
زمان مضى والنـاس طـارد ومطـرود=كثير العـرب ناخـذ شماغـه وثوبـه

بــــــــن شــــايــــق

توقـع تـرى فالعـب نـار وبــارود=وراع العيوب اصـد ماكشـف عيوبـه
وانا اقول ليلـن قربـك جعلـه يعـود=وانـا عـارف قلبـك يحسـب ذنوبـه

حــــــبــــــيــــــب

رصاص المقمع صفـر مافيـه عبـرود=ولايـشـفـي الـغـازيـن لــــو حاربوبـه
وانا اقول صعبه طقـت العـود بالعـود=ولكـن حاسـب والعلـوم محسـوبـه

بــــــــن شــــايــــق

كثير العرب لو مـات ماهـوب مفقـود=وانا يوم جيت السوق شفـت الجلوبـه
اشهد عليـك احمـد وحمـاد وحمـود=ارويـك وانـت تصـد منتـه بصوبـه

حــــــبــــــيــــــب

يـاراع المنيحـه ردهـا لاخـر الـذود=تبـي تحتلبهـا بـس جتـك محلوبـه
زمان الهوايل يجمع البيـض والسـود=واشوف الهوايل جات والوقـت دوبـه

بــــــــن شــــايــــق

ياويلك من اللي صار والبـاب مسـدود=ترى راعي الساحـل يعـرف الرطوبـه
انا لي يمين وديـن ووعـود وعهـود=لاقـوم اتعجبـك واحـطـك عجـوبـه