|
مسـآحــــــــه لـ الـذآئــقـه الـشـعـريـه
قفّلْت بيبان الضماير بْمفتاح
واللّي عطاني بالموده عطيته درّة بحر ما جابها كل سبّاح مكتوب سرّي للعرب ما قريته إمنوّل أجاوب مع الوِرق لاناح واليوم كل الحزن راحُ وْنسيته وًلا غَبطت أهل التجارة والأرباح واللّي على سطح القمر حط بيته - ّشعر: عبدالله بن صنعا العاطفي . |
عووافي ع الطرح
|
يعافيك ربي ويسلمك
|
أنا صديق الطيبين المناعير اللي لهم كسب المعالي عشاقه حضر وبدو نطاحه الشر والخير صادقتهم وأخذت منهم صداقه حلالة المشكل كبار المخاسير ياسعد منهم له عضود ورفاقه زبن المخيف إلى رمته المقادير بالجاه والا المال والا الحماقه وأخذ من أرياهم قوي المشاوير والطيبه ماهيب منهم شفاقه - عبد الله اللويحان . |
* * *
دنياك لا تخفض جناحك عليها الا لبر الوالدين بتفانيك نفسك رضا الله من رضا والديها مرضاتهم شفاعتك يوم تدعيك لا تطلب الجنه ولا تحتريها ان ما بدت من والدينك حسانيك واعرف عيالك لو تجملت فيها فعلك بشيبانك، يجي فعلها فيك - فالح الظفيري . |
* * * ترى الولد ما يظهره غير يمناه عزم وجزم وتصير كبده متينة لا وفقه جزل العطايا ومشاه نال العلا في همته من يمينه والصدق بين الناس ماله ملاداه ويكمّل الرجال يا طاب دينه تشوف كل اللي حواليه تدراه حشمة وتقديرٍ وربه يعينه - سالم بن تويم . |
يا اعذب , وأرق من الندى عند الاشراق والطف من النسناس لا اسرج ركابه تدري وش اللي.؟,, محرق قلبي احراق انك بعيد , وحزن الايام غابة - عاقل الزيد . |
للشاعر / غازي مهنا الشيباني : ... راعي القلم يفنى .. ويبقن الأقلام والحب عقب القرب تمحيه الأبعاد كم واحدٍ عن مصدر الرزق نوّام قليل ميز .. ولايسمع بالارشاد وإليا نصحته جيت من عرض الأخصام ما قال هذا لي نصوحٍ .. ونقّاد . |
قصيدة اليوم للشاعر رشيد الزلامي التي جادت بها مشاعره الصادقة ، حيث امتزجت بالأسلوب الرائع ، والجمال المبهر ، والعطاء المتميز:
... ياعاشق الدنيا ترى مالها جار كم واحدٍ في حبها طار شوعه اليوم تضحك له وتعطيه الانذار وبكره تلحويها محاني ضلوعه خلك على صكات الايام صبّار ويومٍ يفوتك لاتمنى رجوعه اقفى على مافيه من خير .. واشرار نجمٍ هوى ما يندرى عن طلوعه وماهي على كيفك تمنى وتختار ابعد على المخلوق من حب كوعه يخبرك من ذاق المتاعب والامرار وحاول ولا جاله زمانه بطوعه . |
الشاعر صنيتان المطيري .. قال:
- الله واكبر من يقول الهناء دام شوفي عجايب لعبة الوقت فيني قبل أمس لاغبتي يجي الليل ما نام واليوم صرت أستغرب إنِّك تجيني نضحك على أنفسنا والأيام قدّام نحلم.. ونحلم والحقيقة تبيني ! |
الشاعر ماجد الشاوي: - ذي رسايلك تحرقها براكين غلِّي * وبين طيفك وقلبي كبريائي ستار |
الأمير الشاعر سعود بن بندر :
- حبي لك أبلغ من جميع الأساطير ماله بقاموس الهوى وصف ثاني لا شك أنا أشعر بالنهاية وش تصير وأحسب حساب فراقنا بالثواني بيني وبينك واقع الحال تحذير وعند الموادع ما تفيد الأماني ! |
ابن شريم :
- يا طول ما طاول نسيم الهوى لي من قبل يبدي لي من الوقت مجفاه اعتضت من عقب الجديد السمالي ولا ينفع الفايت ولو قيل ما أحلاه |
الشاعر أبي فراس الحمداني :
- مُعَلِلَتي بِالْوَصْلِ والْمَوْتُ دُونَهُ إِذا متُّ ظَمْاناً فَلاَ نَزَلَ الْقَطْرُ |
الشاعر أبو العتاهية :
سَيُعْرَضُ عَنْ ذِكْري وَتُنْسَى مَوَدَّتي وَيَحْدُثُ بَعْدِي لِلْخَلِيلِ خَلِيلُ ! |
الشاعر مجنون ليلى :
وَقَدْ زَعَمُوا أَنَّ المُحِبِّ إِذَا دَنَا يَمِلُّ وَأَنَّ الْبُعْد يَشْفِيْ مِنَ الْوَجْدِ بِكُلٍ تَدَاوَيْنَا فَلَمْ يُشْفَ مَا بِنَا عَلَى أَنَّ قُرْبَ الدَّارِ خَيْرٌ مِنَ الْبُعْدِ |
.
الذنب ذنبي والخطايا خطاياي والاَّ إنت ما جاء منك ذنب وخطيّه ذنبي وعذري فالهوى طيب مبداي ضحّيت لجلك لين صرت الضحيّه ! - الشاعر/ رشيد الدهام |
على طاري الغيبه وعذرٍ رجع مافاد وش علوم جرحٍ سود الأيام زادنِّنه ؟ على غير عاده جبت لك دمعتين جداد تبيهن يوفنّ العذر منك واخطنِّه - الشاعر/ هلال المطيري |
الكذب والغيبه والإسفاف والشمت الكفو يحرص لا تجي في كلامه يا حبني للمنطق الزين والصمت صمت العقل ما هو بصمت الرخامة - الشاعر/ علي بن نايف الغامدي . |
قال الشاعر الشعبي محمد العبدالله القاضي:
من جاد ساد ومن يشح بحلاله ما أدرك مرام ولا صعد مصعدٍ عال والفقر هدّامٍ براسه صعاله والجود من ماجوده إن ثار بعقال ولا يفتخر من جاد عمّه وخاله هي بالهمم لا بالرمم مثل ما قال ومن قالب الدنيا بالأريا لحاله أخطا وأصاب وله دليلٍ بالأقوال كم خيّرٍ ما نال فيها سواله وكم ثور هورٍ ساعفت له بالاقبال . |
قال الشاعر المعروف ناصر القزلان ودِّي ولكن كيف تحقيق ودِّي عيَّا زماني لا يجيلي على الكيف لقيت من وقتي عناد وتحدِّي يمرني عمري مثل عابر الطيف |
اليوم ذكرى الفراق ومرت اول سة * اليوم لي عام متغرب وحيد وحزين اليوم انا ضيف جرحي جيت باطمنه * إني جمعت الدموع وجبت امانة امين ما يجرح الصادق الا غدر من يامنه * لا جت من احباب قلبك لا تلوم السنين - طلال الرشيد |
مشكور بارك الله فيك وفي جهودك
|
وأنا يوم أمس بطانها ما عليّه.. من * يدين الهوان إن حطّت اللوم وان شالت عليها الملام ولا عليها السلام.. أبدن * يدينٍ تبي قصرت يديني ولا طالت - الشاعر/ مساعد الرشيدي . |
الشاعر عبدالله بن عون
- قبيح الكلام اللِّي ليا منّه اجترى على عرض غافل قام يسرد سرايده وإن قلت له مخطي على الهرج بالقفا درعت بنشب يالله إنك تهايده يمثل لعنتر بالشجاعة وبالفخر وهو لو تجيه الأرنب أخذت فوايده هذا يالله إنك لا تكثِّر نمونته وليا مدّ جعله ما تثني مدايده فلا ناقصٍ حيٍّ يفارق نزولهم وحيٍّ يبي يلفيه ماهوب زايده أقوله وأنا مالي مع الخبل ملتزم ولاهوب رايدني ولا نيب رايده غرامي رجال الجود والمجد والوفا أهل ماقفٍ يثنى عليه بحمايده . |
يعافيك ربي يامشرفنا
|
.
نَقّيت الأصحاب من بين البشر نقوه خوَّه وعونٍ لدرب البر والتقوى وقت الرخا كلهم جوني على الهقوه ووقت الشدايد: ثلاث ارباع ما تسوى ! - الشاعر: مرزوق الروقي . |
يقول إبرهيم ناحي:
. أي سرٍ فيك إني لست أدري كل ما فيك من الأسرار يُغري خطر ينساب من مفترّ ثغر فتنة تعصف من لفتة نحر قدر ينسج من خصلة شعر زورق يسبح في موجة عطر في عباب غامض التيار يجري وأصلاً ما بين عينيك وعمري.! . |
صابرٍ واخفي على الناس حزني لايبين خايفٍ ان الناس من نقص حالي ينشدون ما لقيت اذل واسحى من الشخص الحزين يحسب ان الناس باللي حصل له يفهمون - سالم المري . |
للشاعر علي بن الجهم: وَعَاقِبَةُ الصَّبْرِ الجَمِيلٍ جِمِيلَةٌ وَأفْضَلُ أخْلاَقِ الرِّجَالِ التَّفَضُّلُ وَلاَ عَارَ إِنْ زَالَتْ عَنِ المَرْءِ نِعْمَةٌ وَلَكِنَّ عاراً أنْ يَزُولَ التَّجَمُّلُ . |
ترى صباح الخير مثل البشاره لا قلتها للِّي تحبّه وتغليه ولا قلتها للغير.. ما هي خساره تكسب ردود الخير بأجمل معانيه - الشاعر: فهد السياري . |
.
الخليل بن أحمد : - لَوْ كُنْتَ تَعْلَمُ ما أقُولُ عَذَرْتَني أوْ كنْتَ تَعْلم مَا تَقُولُ عَذلْتكَا لَكِنْ جَهِلتَ مَقَالتِي فَعَذَلْتَنِي وَعَلِمْتُ أنَّكَ جَاهِلٌ فَعَذَرْتُكَا . |
صح السانك
تحياااااااااتي |
.
. لا تعاتب سامح بليّا عتب هات وردك لو عطاك الناس شوك للزعل اضحك ولا تدوّر سبب لا تغيّر ضحكتك لو غيرّوك حِب كل الناس واعرف من تحب صير درب أخضر بعين اللِّي مشوك لا تضيق إن ضاق وقتك واغترِب تلقى في صدرك فضا لو ضايقوك وان نزفت وسالت جروحك غصب وامتليت بذكريات اللي نسوك وانكتب لك همّ فوق اللي انكتب ما يشيل الهم عنّك مثل اخوك وان شكت روحك مشاوير التعب ضُمْ حضن امك وقبل راس ابوك - الشاعر/ علي الضوي . |
http://s.alriyadh.com/2015/08/08/img/171495024114.jpg
ليتني ما شفت في عينك دموع منظر الدمعة على خدك هلاك يامضوي في دجى عمري شموع الحزن ما خلق لعيون الملاك اتحمل عنك كل أمر يروع خذ هنا قلبي وخلف لي عناك - شعر الأمير عبدالله الفيصل - رحمه الله - . |
لا تقول ان المرض هذا خطير كم مريض سلم ومباريه مات والقدر وان حل ما يفيد الغرير لو على بابك اقفولٍ مغلقات المنايا ما تطرش لك نذير وغارة الدنيا توجه بغفلات - مرشد البذال . |
البُعد عن غبر الوجيه المقاريد
سود القلوب مضيعين العقيده جحّادة المعروف ريف المناقيد أهل البرايز والحيل والمكيده ألذّ من طرد القوانيص للصيد وأقرب طريق للحياة السعيده - فلاح محمد القرقاح. . |
يقول بن الزيات:
.. فَدَيتُكِ قَد كَفَفتُ عَنِ العِتابِ لما حاذَرتُ مِن سوءِ الجَوابِ وَلَم أَرَ حيلَةً تُجدي لِنَفعٍ لَدَيكُم غَيرَ صَبري وَاِحتِسابي وَأَعمَلتُ الأَماني فيكِ حَتَّى كَأَنِّي قَد مَلَكتُكِ في الحِسابِ أُعاتَبُ في الهَوى وَأَقَلُّ وَجدي بِمَن أَهوى يَجل عَنِ العِتابِ.. . |
يقول الأمير بدر بن عبد المحسن: -- اخطيت واخطيت كافي عتاب إنطق بحكمي وريحني ياصاحبي ماقطعت أرقاب عدلٍ قصاصي وتذبحني ولاني بعد أجمل الأصحاب الأجمل إنك تسامحني . |
.
يقول/ يوسف محمد المطلق: - وين انت يالغالي عسى مابك اخلاف لك مدّةٍ ما بان نورك علينا ترى القمر لا غاب .. لابد ينشاف لجل الغلا حنّا ترانا عنينا . |
| الساعة الآن +4: 02:25 AM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
