اتلمّس في دجى الظلما دهاليز الضمير =وأتدبّر وأتفّكر وألتفت قدم و ورا
واتكاثر ضيقة الخفاق والدرب العسير = واتحاشى عن هوى الغربي وأدورلي ذرا
وأتثاقل خطوتي والرجل يحداها المسير = للحبيب اللي نهض عزمه وعن عيني سرا
جيت له والليل دلقس في تعاريف الضرير = وازدريته في عيونٍ ما لقت حلو الكرا
ثم نشدته عن معاويق المُعذبْ والكسير =والغريب اللي توّلع واشلعت قلبه مرا
ليه دمعاته تهادت وأصبحت مثل الغدير =والهبايب من طربها تقبل وترجع ورا
وليه جسمه لاتناهض واصفقه لفح الهجير = شلهبت مجمل ضلوعه واشعمت فيه اجمرا
وليه حبك لا عرضله لاعب غصون الشعير = والغصون اليّا تدلت عاتبت عرق الثرا
المحبه سرمدية والهجر بئس المصير = والرشيدي من قهر صدك على وضعه زرا
لاتراخى في وصالك وألبس الثوب الحرير = ثوباً مرتب وضافي زاهي اللون اخضرا
مد وصلك وأحسن الهقوات واستاق البشير = وعل حايل عقب طيبه والخُبر شعري ترا