|
مقتطفات من شعراء بني رشيد
السلام عليكم ورحمه الله وبركاته
مساء الخير على الجميع وصباح الخير وردت بخاطري الفكره ان اختار مقتطفات ابيات من قصايد شعار بني رشيد سواء شيلات او ابيات عسى ان تنون على اعجاب الجميع ابو شهد نبارك لك أفتتاح مدونتك مدونة شعراء بني رشيد ونتمنى لك التوفيق واسمح لي على الدخول بصفحتك من حبي لك |
نبا نصلي ركعتيـن استخـارة
ونسلم الموضوع رب السماوات= لولاالحلاوه ماعرفنـا المـرارة ولولااللعانه مااكتشفنا الحركات= ولولا الحوايج مانبيع بخسـارة ولولا التعاسة ماعرفنا المسرات= ولولا الكسر ماقد عرفنا الجبارة ولولاالتركد كان اكلنا المطبات= وكلن حسب عقلة يصدر قرارة عيد بن مربح |
|
حبي وحبه صـدق مافيـه تزويـر
الله يعلـم فـي خفايـا القلـوبـي جاهل وأنا جاهـل وللحـب تبريـر حكمه مجاز(ن) فيه بعض العيوبـي يقول ويش الحب شرح(ن) وتفسيـر وأقول لـه وأنـا خفوقـي يذوبـي خلك على حشمه وشيمـه وتقديـر وأبعد معي عـن مايثيـر العزوبـي يامـن تخدّرنـي بحمـر ومغاتيـر من بينهن حلـو المصفّـى يروبـي العب على كيفك وصم يـوم تكفيـر كانك تحسب إنك على بـاب طوبـي يمكن بما سويت تجـزاء زمهريـر وأنـا بمـا سويـت يغفـر ذنوبـي عايض الرشيدي |
|
|
سلمنا الجود والمعروف مع طيب نيه
ونعطينا نجود ابطيبـات العطـا يـا وجارنا والخوي والضيف اله مقدريه وفي نهار الملاقا مانهـاب المنايـا ويوم زرق الرماح بهيجة الجاهليـه لابتـي بالملاقـا ييتمـون الصبايـا كم عقيدٍ غزاهم وركبـوه اردعيـه عن جواده تعشاه السبـاع القوايـا والشجاعه مواهبهـا الكـل البريـه ماحوينا الشجاعه عن وساع النحايا وتم جزل الكلام اللي اكتبتـه ايديـه من ابيوت القصيد الوافيات الملايـا ناصر خنيفر |
|
|
اسرجت خيل الكتابه وأمتطيت الدليـل
ا فسًراحلام طفلاً مـات قبـل الفطـام طفلاً بدى بالعواطف ونتهـى بالعويـل ا سرع قضية غلا وأقسى محطه ختـام هزمت رحلت شهريار وقتلت الدخيـل وأغلقت باب التفاهم عن هديل الحمـام وشعاد لوكنت في بعض المواقف بخيل شربي على كف غيري فيه عيب وحرام اعزنفسي عن الهزعـه وأ رد الجميـل دايم وأنا مجلسي بين الرجال العضـام حجاج العريض |
|
ماصارحتـنـي بالخفـايـا المبـاهـيـم
همـومِ اكتبهـا... والاحــداث تمـلـي ..ليـن احرمتنـي منـك ياقايـد الـريـم والا,,قبـل فـرقـاك يـاخـف حمـلـي تركتـنـي لامــواج بـحـرٍ ملاطـيـم بحـر خيالـك عايـشٍ فيـه كـم لــي أحسبـك حولـي’’ واتوهمـك توهـيـم علـى الطبيعـه صورتـك تنرسـم لـي تبقى معي صاحـي ..وتبقـى معـي نيـم صوتي يجاوب صوتـك اللـي زهـم لـي نتـرك لقـانـا.. للـقـدر والمقاسـيـم والمعجزه فـي جمـع ,,شملـك وشملـي مات... الأمل واضحت... قصوره مهاديم.. واليـاس عقـدٍ بالحيـاة ..انتظـم لــي بندر الرشيدي |
|
الناس ماتعطـف عليـك وتـرزك
ارفع مقامـك وارتفـع ياكحيـلان والموقف اللي هز قلبـك وهـزك لاتلتفت للي غدى ماضـيٍ كـان يحز بالخاطر وانـا ادري يحـزك انك تشوف الذل من اقرب انسـان اصبر على همومٍ كثيـره تلـزك وقف على حيلك ولو كنت تعبـان عاند زمانك فـي طمـوحٍ يكـزك لو قالوا : ان معاند الوقت خسران قلوب خلـق الله بعضهـا تعـزك واكثر من اللي تعزك قلوب عدوان ثامر شبيب |
قصيده ليلان الرشيدي بصوت المنشد عساف الحربي
http://www.youtube.com/watch?v=FD7RZiJWGVU |
يافيصـل الدنيـا حظـوظ ومقاسيـم
احد(ن) شقي فيها والآخر سعيـدي والرجـل يحتـاج لمواهـب وتعليـم ومن مـدرك الثنتيـن مايستفيـدي وانته من ارجال(ن) حرارٍ صواريـم نظراتهـا ماهـي قريـب بعـيـدي ربع(ن) لها عندي معـزه وتحشيـم هذا الكـلام اللـي نقـول الاكيـدي وانا مـع الطيـب علـي الملازيـم لاخضع براس(ن) من زمانه عنيدي الطيب وهبه لاهـل الطيـب تكريـم والوقت له في كل يـوم(ن) جديـدي كم واحد(ن) مابين صبـر وتواهيـم وكم واحد(ن) خلاه وقتـه وحيـدي وكم واحد(ن) حصل من الوقت تحطيم راحت حياتـه بيـن كيـد ونكيـدي وكم واحد(ن) من عاكسين المفاهيـم طغى وشاف الناس عنـده عبيـدي وهو من اول لـو تشـد المحازيـم تلقاه عنـد امـه شبيـه الهريـدي وهذي هي الايام سـود(ن) مفاطيـم احد(ن) غني فيها والآخـر زهيدي ناصر صويان |
العلم لوهو من ورى كوكـب زحـل
ماهو على أهل الطايله صعب المنال الله خلقـنـا للعـبـاده والعـمـل نسعى بمناكبها ورى كسب الحـلال والنوم هو ساس البلاوي والفشـل مامن ورى نوم الضحاوي راس مال يانايمٍ في مضجعـك قـم واشتغـل ترى الرجل لابـد يضربـه مثـال اما يقـال فـلان والنعـم الرجـل وإلا بعكس المـدح شـئً مايقـال خل الكسل وابـدا حياتـك بالأمـل يانائـمٍ تحـت المكيـف والظـلال الوقت مثل السيف يمضي في عجل أن ماقطعته يقطعـك مابـه مجـال العمر فرصـه واستغلـه واحتمـل صبرك على نفسك ولا صبرٍ محـال أشغل حياتك في ذكر ربـك وصـل ماينـدرى عـن ماتحفيـه الليـال ولاترافق الجاهل يزيدك فـي جهـل فعل اليمين أخير من فعـل الشمـال والصاحب اللي كل ماينصح زعـل خل العوض في صحبته قطع الوصال جمعان خلف |
ان كان تنشدنى ترانى رشيدى اصلى وفصلى يافتى من بنى عبس بنى رشيد اللى تضد الضديدى كان الشفاه من الزعل ريقها يبس اسئل وتلقا للفعايل شهيدى فعايل ٍ زيزومها جاسم الحبس سيد الاسود وبالملاقا عنيدى خيالها راعى البويضا اليا لبس له ماقف ٍ عنه الافاعى تحيدى ليث(ن) اليا منه وقف ماقفه ضبس حباب بن سندي |
لقيت العلة اللي مالها عند البشر دكتور
ولالها علاج بالدنيا سوى القرآن والسنه يشيب الطير الاسود ما سمع من طاح فيها.. الشور هوا نفسه يسوقه لو عيونه مايقدنه عسى ماني لهم شامت ولاكاشفْ لهم مستور ولا لوم الشريف اللي ظروف الوقت حدنه أخايل بارق المنشأ وخاطر ناظري مسرور تناهبني مفاريق الدروب وتزعج الونه كذا الايام بافكار البنادم تقتلب وتدور يوراله بماوافق هواه وصدقه ظنه يلام بحال وألا بحال لوما يعتذرمعذور مايدرا عن مقابيل الليالي وش يجيبنه الشاعر المنتدى شاعر معيوف بن زهيميل |
مقـرود يـامـن بــدل الـلـون iiبالـلـون
بعـض الكـلام يحرفـه عـن صحيحـه والصدق هو والكـذب ماهـو iiبمقـرون كـان إنهـا تـدرس بلهجـه iiفصيـحـه مايمـدح الـرجـال بالشـكـل iiوالـلـون إبحـث معـه لينـك تـعـرف iiالقريـحـه تـراك تعـرف عـنـه وأنـتـم iiتهـرجـون يبيـن لـك مـن كـل جــودٍ iiنضيـحـه المستريح اللي مـن الشـك مامـون مـع كـل خلـق الله علومـه iiمليـحـه كـم واحـدٍ حـيٍ لـه الـنـاس يثـنـون وإلا تــوفــى قــالـــوا الله iiيـبـيـحــه وكم واحـد لـو هـو باالألحـاد iiمدفـون ذكـراه عنـد النـاس بيضـا iiصفيـحـه وكـم واحـدٍ يجمـع ملاييـن iiوخــزون مــالٍ تنمـيـه الـيـديـن الشحـيـحـه لا تشكـره رمـلـى ولا فــك iiمـديـون ولا حـل مشكلـة النطيـح iiونطيـحـه ولا له على جاره من الفضل iiماعون لــو إن جيـرانـه تـشــوف الذبـيـحـه وكـم واحـدٍ جيـران بيـتـه iiيحـمـدون للـجـار ريــف وللجـمـاعـه منـيـحـه وكـم واحـدٍ منـه الـعـوادي iiيخـافـون زبن المخيـف اللـي كثيـرن فحيحـه ربعـه نـهـار الضـيـق فـيـه يـتـذرون لا جــا نـهـارٍ فـيـه لـجـه iiوصـيـحـه وبعض الرجال بهم شريفين iiوعفـون كلـن علـى مـاقـال يـرجـع iiلكيـحـه وبعض الرجال بضحكهـم iiيستغلـون يجيبـهـا مــن نــوع زلـقـه iiبطيـحـه هـذاك بيـن لـه مـن الهـرج iiمـدفـون خـلـه إلا شـافـك يـزيـن iiسمـيـحـه الـهـرج لــه نـقـال والــرد iiلـلـشـون مــزح الـجـزع يـثـر بكـبـدك جريـحـه مرشد البذال |
صبـاح الخيـر ياخيـرن جمـع خيـر البشـر iiكـلـه
صباح أحلا مـن اشعـور الضريـر بلحظـة إبصـاره صباحك فـي عيونـي غيـر يهـد القلـب ويشلـه صباحـك يآخـذ ألـوان الفجـر فــي فـجـة أنــواره ألا ياضحـكـة إفــواد العلـيـل الـلـي بــرد غـلــه عقب ما كـان فـي قلبـه تشـب وتنطفـي iiنـاره ألا يافرحـة اللـي ضـم عقـب طـول الجفـا iiخلـه عقب ما كان يشكي من ظروف الوقت iiوأشـراره ألا عيـن منهـو شـاف عقـب طـول البطـا iiحـلـه عقـب مـا كـان فـي ديـره بعيـده عـن ثــرا iiداره هلابـك قلتهـا بشوفـك ودمعـي عينـهـا iiتهـلـه هـلابـك يابـعـد منـهـو مـشـت بـــالأرض iiأدواره عشقتك عشق لو شانت ظروف الوقت ما أملـه عشقتك عشق من حاول يعرف الغيب iiوأسراره أنـا عقبـك حياتـي هـم ونفـس الــروح iiمنهـلـه مـن جـروح الـزمـان ولـوعـة أيـامـه مــع أقــداره حبيبـي والفـرح لحظـه نعيـش ابهـا بــلا iiمـلـه إذا قلـبـك عـشـق قلـبـي بلـيـا صــد iiوإنـكـاره حبيبي والعذول إن جاك علـى سيـره بـلا iiأدلـه أبيـك تصـد عـن وجهـه وإذا مـا كفكـف iiأنـظـاره أبيك..!!! ( تكشر) أنيابك عليـه بشـد ثـم قلـه:: خلاك!!! بعيد (( يالواطي)) خلاك!!! البيد وأجحاره وإذا مـا فـاد باللـي قلـت تجنـب عـن ذرا iiظـلـه ترا لـو جـاب لـك خيـره جيـوش الشـر iiبأسـراره حبيـبـي والـعـواذل مــا تـحـب الـخـيـر لا iiلَـلَــه تحـب الشـر بيـن أهـل المحبـه تجنـي أثـمـاره سعودالذيابي |
ان قلـت احبـك ليـه تزعـل iiوتغـتـاض
تزعل علـى شانـك عرفـت iiالحقيقـه! ياليتـنـي ساكت...وبـارقـك مـانــاض وكـل" لحالـه ماشـي" فــي طريـقـه وليت اللسـان لغـزوة البـوح iiماخـاض لــو انتـصـر قلـبـي بهـمـه iiوضـيـقـه انـا احسبـن اسـلا بدنيـاي iiواعتـاض والمشكلـه مـن صـارحـك iiماتطيـقـه محمد الراشد |
|
|
|
وأنا بنفسـي قـول يطـري علاهـا
أردده لا مني أصبحـت و أمسيـت ما كل نفسً تظهـر اللـي بخفاهـا ولا كل قولً ينوخذ كل مـا أوحيـت الشاعر محمد بن صبح |
الشدايـد مالهـا غيـر فكـاك الخـصـام
ما يجيها رجلن ايسنـد الـرأس ابمخـده ليت بعض الناس ريح على ريـش النعـام ما نهض نفسه مع أهل المواقف و الأشده تفرق عروق السدر عنك ياعـرق البشـام من جهلهن فالثـرى عروقهنـه مستمـده من تخلف عـن دروب الأدب و الإحتـرام قل مقداره مـع النـاس قاصيهـا و بـده من يريد المجد يتعب علـى ركـز العـلام العـلام اللـي ردي العـرب حيلـه تهـده الليـالـي علمتـنـا دروسً بإفـتـهـام والحقايق كل ما جت على الباطـل تقـده والجدار اللي بـلا سـاس قافيـه الهـدام ما يـدوم بنـاه و الوقـت لابـده يهـده والدرر ما جابها كـل مـن فالبحـر عـام الدرر من دونها البحر في جـزره و مـده يامجمعة الهـروج الضعيفـه مـا تسـام والثمينه كـل تاجـر عليهـا يزيـد مـده هرجة الناقص ما تجرح رفيعيـن المقـام كنها القطره ببحر الخليـج و بحـر جـده يسري الطرقي و عين الذيابـه مـا تنـام الذيابـه كـل ذيـبً و إلـه نـابً يحـده يتعب الطرقي ما يلقاء شرابـه و الطعـام الضـواري جايعـه و المسافـه مجرهـده ما تعايشنا زمان الفتـن فـي هـرج نـام سيف أبو طالب علي يقطعه من ناش حده الحموله جاء لها شعيـل مـردوم السنـام يا مرخيت الحبال الحبل جاء مـن يشـده تارد أهل الطيـب للطيـب ميـراد الحيـام يوم بعض الناس يقصر عن الميراد جهـده واهني الطيـر رفـرف بجنحانـه و حـام وان لقاء له صيدةً يخبـط الصيـده بيـده والله إنـا مـا نلحقـك يالطيـب مــلام الرجل وإن طاب من طيب أبوه و طيب جده ولا رضينا بالخطاء و العلوم إلهـا زمـام يالمكلـف بالخـبـر دوك ود العـلـم وده وإختتمها في صـلاةً علـى خيـر الأنـام عد من يبدي سلامه و عـد اللـي يـرده الشاعر محمد بن صبح |
|
|
|
|
|
|
|
|
|
|
| الساعة الآن +4: 04:29 AM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
