لا خَانك الوَقتْ الرّدي و مَا للحَديد إلا الحَديدْ
 

http://img252.imageshack.us/img252/6...eb82e1evj7.gif

إلى متى يَ ضيقَة الخَاطرْ عَلى مَجرَى الوريدْ
ما عَاد باقي مِن دَمي قَطرَه مِهي مِستَوجعهْ !



أنا دِخيلكْ يَ وفَا قلْبي تسَافر بي بعيييدْ
طمُوحك الربّان و جروحكْ بـ قَلبي الأمتعَهْ !



وَجه الزّمَن مَا عاد يَغري وانقفَل بَابْ البَريدْ
و إنته وفَاي اللّي لو أخدَع دنيتي مَا أخدَعهْ !



لا صَارت الدّنيا مصَالحْ وَ الوفَا كَم فـ الرصيدْ !
انو السّفر يَم الأمَل و أفردْ جِميع الأشْرعَه



بَسْ البَلا لا صَارت أمْواج التَّعاسهْ مِن جَليدْ
و إنْ صَاح جَرحك مَا لقيتْ اللّي يِحن و يَسْمعهْ



من لا يقدّر خوتي فـَ أبرك سَنه فرقَاه عيدْ
أمّا الرفيقْ الغَالي إليا غَاب خَذا قَلبي مَعهْ !



البَارحَه هَبتْ هَواجيسي فِـ صَدري مِنْ جديدْ
سوالفٍ تَشرهْ عَلى قَلبي بـ حلمٍ ضيّعَهْ



لاهنت يَ جَرح الزّمنْ حَقق مرادك مَا يريدْ
أهْديتْ للخَافق جرُوح و هو رفَعلكْ قبعهْ !



يَ ويلْ حَالي مِن شقَى اللّوعَه و يَ قَطع الوَريدْ
عَلى آخر جُروح الصّداقه و الطّعُون المُوجعَهْ



قَلبي مصَفّي نيته لَو كل مِن حُوله ضديدْ
يبقَى الجبَل مهمَا وطتهْ الريحْ مَا هِي تزعزعَهْ !



مِن طاحْ مِن عيني مَا عَاد يهمْ يَنقصْ أَو يزيدْ
اللي ينزلْ قَدرهْ بـ نفسَه هُو اللي يرفعَهْ !



ريحت قَلبي مِن عَنا الدّنيا و أنَا اللّي مستفيدْ
مَا دامْ قَلبي ما لقى فِي الوَقت شيٍ يقنعَهْ !



إلا رفيقٍ يجبر الكَسر وعلى الشّده عَضيدْ
هَذا منَى قَلبي عَلى الدّنيا و هَذا مَطمَعَهْ



أَضحَك لَو إن الضّيقَهْ اللي فِي الحَنايا تستزيدْ
لينْ أقْهَر الضّيقَهْ و أخَليها تفَارق فَـ السّعهْ !



لا خَانك الوَقتْ الرّدي و مَا للحَديد إلا الحَديدْ
اللّي شَراك أهدَه وفَا و اللّي خَذل عَهدك بعهْ



تَمشِي المقَاديرْ بـ هَوى الراضِي و تلعَبْ بـ العَنيدْ
صدْق اللّي قَال إنْ طَاعكْ الوَقت الرّدي و إلا طعَهْ !



العمر بـ أيّامَه قطَار و راكبٍ سكّة حَديدْ
و تمرْ لَحظاتَه ما بينْ المحزِنَهْ وَ المُمتعَهْ



كِل الحَياه دروس والدنيا عِبر و المستفيدْ !!
اللي خَذا من [ جملةْ الدّنيا ] دروسٍ تنفعهْ


رررراااااااااااقت لي

http://upload.arabia4serv.com/images...3788735396.gif

الله الله

عن جد راائعه ذا الابيات

تسلمين سحايب

العفو حلو التصميم سلمت يدينك

يسلمك ربي ياسند
شاكره لك مرورك

صح بدنك ومشكورعلى مرورك الراقي

ومرورك اكثرتميز لاهنتي....

يعافيك ربي عايد لاهنت

أَضحَك لَو إن الضّيقَهْ اللي فِي الحَنايا تستزيدْ
لينْ أقْهَر الضّيقَهْ و أخَليها تفَارق فَـ السّعهْ !



لا خَانك الوَقتْ الرّدي و مَا للحَديد إلا الحَديدْ
اللّي شَراك أهدَه وفَا و اللّي خَذل عَهدك بعهْ



تَمشِي المقَاديرْ بـ هَوى الراضِي و تلعَبْ بـ العَنيدْ
صدْق اللّي قَال إنْ طَاعكْ الوَقت الرّدي و إلا طعَهْ !....يسلمووووويالغلا

يسلمك ربي مشكورعلى مرورك

صح لسانك مشكور

والاروع مرورك لاهنت

صح بدنك مشكورعلى مرورك