ابا اغازل بقلعة عبس بنت المجد بين الناس=لو الحراس كلـن معـه بـاروده وجنبيـه
انا فارس وعندي مال نقد ومن ذهب والماس=ولا ابغى الا هنوفٍ تشغل عقـول الهواويـه

تغازلها وحظك شوفها يالكبتن الحسـاس=وهي تسري بتال الليل مع ناس ٍ شقرديـه
اذا تبغى الهنوف الناعمه روح على مكناس=وانا رجال واميـز ليـا شفـت الحراميـه

ياكثر اللي يغازلها بصوت الوتر والمرواس=فقـارى والفقـارى مـا تشابـه للغناويـه
انا لهاذي وذيك وفي عز ولي طناخت راس=ولا تروعني علـوم الصعاليـك العليميـه

تفقد مـا جمعتـه يـوم روحتـوا لابـو نـواس=سكارى الحب في سكره ما هي يم الرومنسيه
ظلام الليل ما ينجيك يا الكبتـن مـن الوسـواس=واذا بانت عليـه الشمـس عانـه يزبـن الفيـه

انا اجمع وانت علمني ليا من دقت الاجراس=تراني نوب ما اسمع مير خلك مقدم الهيـه
اعوذ بربي الوالي من الوسواس والخنـاس=وانا حرن نـداوي يشبعـه ثنـداة قمريـه

تسولف من سعه والا على ما قيل فيك انعاس=يا راع البندق اللي رميها من حول رجليه
قرينا قصة ٍ تحكى باسم عباس ابـن فرنـاس=خلقه الله بلا ريش ٍ وركب ريش عاريه

انا حطاب والحطاب مـا يمشـي بليـا فـاس=ومرباعـي ليـا حصلـت لـي دارٍ سنـاويـه
عليك شوي وتجيب القصص وان طول المجلاس=تجيب قصص غريبه والمصادر كتـب عبريـه

انا خابرك حاطب ليل مالك فالبلد اجناس=ولكن نوب ما تفرق ما بين العود والحيه
مطوع تنصح البدوان بالدله وبالمحماس=ولكنك تجيب التتن وتبيعه علـى ميـه

ترى الحياله مسلسل كويتـي مانـع ودواس=لكنك لانت لامانـع ولانتـه صايـر وخيـه
دخيل الله تعلمني وانا خابرك ساسك سـاس=معك والا عنك حتى نصير ثنين طرقيه

تعلمني وانا اللي شارح ٍ لك علـى الكـراس=لكن اقلوب خلـق الله بهـا دقـة حسينيـه
ترى الاشراف من مكه ولا هم شاربين الكاس=واذا شافوا مجاهر ركبـوه بوسـط دوريـه

صحيح ان البحر يبقى بحر لو خضه الغطاس=على هلـون والاخبـار مربوعـه ومثنيـه
يموت كليب واحزان الجليله برقبـة جسـاس=لكن لعيونها ابا اكتب ثمان حـروف مرثيـه

صحيح اخر زمن يظهر لك الدجـال والبـلاس=وكل ٍ قال انا مهدي وجاين لاجل مهديه
يجوز ان الطيور اتلا الزمن تبحث عن النوماس=مدام ان الحفاه اهل الغنم يبنون محميه