ما تغير شيّ رغم البطاء والانقطاع=لا تزالين انتي اجمل من الورد الندي
كلّ شيٍ فيك يدعو للذات المتاع=وجيّتك هذي تبشّر بفرْحي وسْعَدي
يا حبيبة قلبي اللي بكى يوم الوداع=والله اني عقب فرقاك خاويت سْهَدي
ووالله اني من حنيني لك افردت الشراع=وْرحت أجوب البحر فوق السفينة وأهتدي
للدروب اللي لها بواسطة حبك شعاع=وأهتديت لْدرب موحش وصعب وسرمدي
وأقتنعت ان ما منه فايدة ولا انتفاع=وْلا لي إلاّ أحلم بشوفك وأنا في مرقدي
حسبي الله كيف عشت العمر كلّه صراع=بسّ مع نفسي ومن حزني أخلع وأرتدي
وحسبي الله كيف صرتي يا كاملْة الطباع=أقرب من العين وأبعد عليّ من الجدي
كيف كان الحظّ سييء نهار الاجتماع؟=كيف كان فراقنا سهل وأصبحت وْحَدي؟
كنت أبيك الوردة اللي تفوح بْكلّ ساع=كنت أبيك العمر وأبحتويك بمفردي
كنتي أجمل حلم وردي حلمته بسّ ضاع=حلمي اللي صار له وقت ذاخرْه لْغدي
يا حبيبة ذلك العصر يوم الوقت ذاع=عن هواي اللي محى ذكره الحظّ الردي
وقفتك تعكس مدى لهفتك للاندفاع=نحوي وْعودك تمايل وأنا قمت آغدي
في عيونٍ تنتزع كلّ ما فيّ انتزاع=وْفي جسد مشتاق بالحيل لعناق جْسَدي
من نظرتك تهت في بحر عينيك الوساع=وْمتّ وبلمحة سريعة تجدّد مولدي
وشّو اللي صابني من ورى ذاك القناع=وشّو اللي من يدِك ترتعش منّه يدي
لا تعاتبني عيونك وطرفي ما استطاع=انه يْطيل النظر في عيونٍ تعتدي
بالسهام اللي لها وقع في قلبٍ يلاع=تنتهي بأقصى خفوقي وترجع تبتدي
الله يسامح ذنوب وْحكايات اليراع=يوم ينثر حبر غيّه قبل ما يهتدي
وأهتدى.. وأعلن لك الغيّ يا دروب الضياع=وإستعاد الحلم وبْحلمه أصبح مقتدي
الوكاد اني تعذبت وقت الانقطاع=رحتي وْجيتي وأنا في العذاب بمفردي

وقفـتـك تعـكـس مـــدى لهـفـتـك لـلانـدفـاع=نحـوي وْعـودك تمايـل وأنــا قـمـت آغــدي
فــي عـيـونٍ تنـتـزع كــلّ مــا فــيّ انـتـزاع=وْفي جسـد مشتـاق بالحيـل لعنـاق جْسَـدي
من نظرتك تهـت فـي بحـر عينيـك الوسـاع=وْمــتّ وبلمـحـة سـريـعـة تـجــدّد مـولــدي
وشّـو اللـي صابنـي مــن ورى ذاك القـنـاع=وشّـو اللـي مـن يــدِك ترتـعـش مـنّـه يــدي
لا تعاتبنـي عيونـك وطـرفـي مــا استـطـاع=انــه يْطـيـل الـنـظـر فـــي عـيــونٍ تـعـتـدي
بالسهـام اللـي لـهـا وقــع فــي قـلـبٍ يــلاع=تنتـهـي بأقـصـى خفـوقـي وتـرجـع تبـتـدي