قبيلة بني رشيد - :::: مقالب الأعضاء :::: جديد[.. قروب الحصريات..]

السلام عليكم ورحمة الله وبركاته
مساءكم جوري وياسمين ومسك / صباحكم تمر سكري وقهوة عربيه
صراحة هنا بعض المقالب ببعض الأعضاء .. مع إنها جت على اقل من المتوقع
ولكن هذا ما حصل وهو إتفاق مع عضو مجلس الأدارة المميز / سند الداموك
وقال لي سو المقالب بالأعضاء الجدد المسجلين 2011 لان راح تمشيء عليهم ^_^
قلت له راح أسوي بالأعضاء القدامى وسويت المقالب مع ذيبان الرشيدي ، Last breath ،النجم الساري ، لايطول غيابك ، قلبي إماراتي ، همس ، أنفاس الفجر... وأقدم أعتذاري الشديد بكل عبارات الأسف لكل الأعضاء وخاصة النجم الساري ، وقلبي إماراتي لأني لم أوفق بالأعتذار منهم أو ربما خانني الأسلوب وأرجو أن يتقبلوا مني هذا الأعتذار حتى لايقع شيء بالنفوس

وبداية مع الشاعر العذب ذيبان الرشيدي:

إقتباس:

مساء الخير
اخوي ذيبان الرشيدي
انت شاعر مميز وجزل ويشهد عليه الله
اني أفرح لما اشوفك منزل نص جديد
لاني بصراحه وبكل فخر اتشرف واستمتع بشعرك
//
بس انا بطلبك طلب وان شاء الله ماتردني
ابي منك قصيده مانشرتها او جديده
بنزلها بالمنتدى على انها لي..
وابي قصيدة ثانيه مدح وبعطيك اسم اللي
ابي امدحه ابيك تسوي فيه قصيده ..
واذا تبي مقابل على هذا انا اعطيك على كل
بيت 100 ريال والمبلغ قابل للتفاوض.
وباين عليك انك راعي فزعه وظني فيك
ان شاء الله مايخيب..

فكان هذا ردهـ

إقتباس:

بدايةٍ ..
حياك الله أخوي ..
ومساك طير ..
يحمل معاه الخير ..
.
.
ثانياً ..
شاكرلك ..
إعجابك وثنائك ..
ما امضيته في حديثك الآنف ..
في ..
موضع حشمة ورِفعه وتقدير ..
.
.
ثالثاً ..
لا أعلم .. بماذا كُنت تُفكر ..
عندما ..
أرسلتَ ..
هّذه الرساله المُتلكئِا والمُتقزمه ..
.
.
ثالثاً ..
أعتذر ..
عن قبول ..
عرضك المُتثاقل .. المُتخاذل ..
.
.
أخيراً
إكرامن لـِ رسالتك ..
سوف اقدملك قصيدة بلا ثمناً مقابل ..
اما بشأن المدح .. فأنا أعتذر .. فـ لن أمدح رجُلاً بـِ صفاتٍ ليست فيه .. ولم أعهدها عَنه ..

فأرسلت له

إقتباس:

شكراً لك على ردك الذي حقيقةً أخجلتني بكرمك
ولا تتعب نفسك بقصيدتك التي تريد ان تقدمها
لي بلا ثمن لاني ما اراح اقبلها منك بلا ثمن
عشان مو كل شوي وانت متفضل لي فيها وتقول
انا مسويها لك بلا ثمن ..
وأنتبه لألفاظك ياذيبان ما كنت اظن انك تقول هالكلام ..
(هّذه الرساله المُتلكئِا والمُتقزمه ..)(عرضك المُتثاقل .. المُتخاذل)
انا قدمت لك هذا الشيء ابي لك الفايدة لاني
اعرف ما ادفع ثمن الا بنص قوي من شاعر
قوي مثلك .. اما المدح فأنا بمدح عشان مقابل مايهمني
هل هو يستاهل او لا .. ياذيبان بهالزمن كل شيء مبني على الثمن والمقابل.. وأوعدك راح يكون لك نصيب
من هذا الثمن ... وأنت فكر بالعرض وصدقني انت الكسبان

وبعدها ما رد عليه فأرسلت علية هذه الرساله

إقتباس:

اشوف مارديت عليه .. لو تكرمت
رد على رسالتي الاخيرة
والا قل لي على شاعر تشوف انوه
كفوا أقدم عليه العرض ..
واذا انت خايف من شيء قل لي
ترى الوضع عااااادي جداً

رد علي وقال هاكـ الجواب

إقتباس:

من خلقنا الله .. وحنا ماتطوّعنا الفلوس .. نرجم النفس الخبيثه .. ثم نلعن جدها
وكان قلبك .. يدني الجزلات يا الوجه العبوس .. صد عثرات الليالي .. لين تصعر خدها
وابشر بحرباً .. تشابه حرب داحس والبسوس.. يا غشيماً .. طبله في حاجةٍ مو قدها

فإعتذرت منه

إقتباس:

ذيبان يشهد علي الله اني لما ارسلت الرساله
بالمرة الأولى أني كنت متردد لاني عارف ردك
وعارف اصلك وعارف ان هالكلام بيزعلك
بس وش أسوي المقالب ماتجي الا بالزعل ههههه..
وكل السالفه هذا مقلب سويته فيك وببعض الأعضاء
وان شاء الله بنزله عن قريب بملتقى الأعضاء ...
صح لسانك .. وأعذرني على إزعاجك وحقك علي
وان شاء الله ماعودها ههههههههه
وانت محل فخر للقبيلة كلها ...

فكان هذا ردهـ والحمدلله ان الله فكني واعتذرت منه بسرعه ^_^

إقتباس:

والله
لو أنك تاخرت شوي
أن كان صرمتك بواحدتن مقنده
تخليك ماعاد توطوط بالشبكه ..
مير الله
امهلك وفكك من شرها ..
.
.
ثانياً
أسف ع الأبيات اللي ارسلتها
لأنك من جد رفعت ضغطي وابتلشت فيك ..
جيت أبعطيك القصيده عطا
.. وانت لفيتها منا .. وخليتها ريال وخطا
.
.
ع العموم
حصل خير ..
ولاهنت
ياشوق البنت
واقبل
مني جميع المعاذير اللي تعرف

الحين مع المميز Last breath صراحة كل شوي بزود علية السوالف
وبشطح فيه لكن خايف انه يحن للنوم ويتركني ^_^
فهذا ردهـ بعد ان اقتبس رسالتي ورد عليها فكل ماكتب بالاسود فهو مني وردود بريث بالالوان الثانية

إقتباس:

سلام عليك
ومساء الخير
عليكم السلاام
ومساءك نور
1- وش هي جنسيتك الثانية غير السعودية؟
ههههههههههه والله سعودي بس ههههههه
2- أنت كنت موجود بمنتديات القبيلة من 2007
وعندك 4 معرفات واحد منهن بمعرف بنت؟
بالله وش أستفدت من المعرف بإسم الطرف الأخر؟
لو قالها غيرك ... كان مارديت
لكن ورب البيت ماعرفت المنتديات
الا بـ شهر ثمانية سنة 2009 بالضبط
صدقني آآسايرها أنا مااعرف أتخبى
لأن الاسلوب واضح
لكن يمكن يحاول احد انه يسوى نفس مااسوي
وتظن انه انا واللي مثل هذا مااقدر امنعه ...
*_*
.
.
3- أنت ليش للحين ما تزوجت؟والله انك تكسر الخاطر..تبيني أدلك على خطابة ههههههه<<امزح
آسايرها انت تموون لكن ماودي آجاوب وأكذب
لكن خن نقول قررريب جدا جدا جدا
.
.
.
4- تخصصك علم إجتماع أو علم نفس؟
صح أو أنا غلطان؟
غلطاااان انا لانفس ولا آجتمااع
.
.
5- بغض النظر عن التعصب الرياضي
أمانه معك أنت شايل بخاطرك عليه؟وليش؟!!
متى ماحسيت ان هناك شخص أخطىء عليّ آصد عنه
وانت لو أخطيت ادري أنه مو من قلبك
هذا طبعا لو حصل منك خطأأأ
لكن الله لايجيب الخطآآآ أن شاء الله
.
.
مخرج : يمكن انت سألت السؤال الاخير لأني رديت بعدك في سجل حضورك ببيت شعر لكن الحاصل اني قريت توقيعك وفيه بروفيكت يعني كامل
وقلت من باب الضحك
مااحد بالطيب وصل حد الكمال
لكن العز بقلوب الرجاجيل ملة
.
.
فديتك هههههههه
هههههههههههه منوّر أسايرها
انت مافرفر معك أبد
عزيز وغااالي
وابشر
.........

فأرسلت له بالرسالة التالية طبعاً الكلام اللي باللألوان هو رد بريث
فكان عنوان رسالتي (أنتبه لنفسك)
فرد علي بعنوان(أنا كل من جااني قال : انتبه لـ نفسكـ << سلااامات_*)
والله مت من الضحك لدرجة اني بروح ارن جرس بيتنا لحد مايحترق^_^

إقتباس:

هذا خوفي انك تفرفر وتتهرب من الصحيح
يأخي بالله عليك وش انت خايف منه
يعني ماعندك ثقة بنفسك مثلاً ..؟!!
والله مااخاف الا ان كان الهزبري يافتى الجود خوااف
؟؟؟؟
.انا بعترف لك بشيء بس لا تأخذ بخاطرك مني
انا اول ما شفت مواضيعك وردودك اتضح لي
انك قلم مبدع ومميز .. بس مع الوقت تغيرت
نظرتي فيك لاني شفت فيك تناقض تنقد الشيء
ومن بكره تجي وتمدحه بطريقة ثانية ..
طيّب أذا انا تغيرت يمكن بسبب الايام وكلن يتغيّر
لكن أنت ليش كنك زعلااان_*
.
.
اما من ناحية انك شايل بقلبك عليه انا متأكد
من ردودك الكثيرة وتعليقاتك لي بطريقة
مباشرة او غير مباشر واخر شيء مشاركتك
قبل شوي وهذا نص مشاركتك
[قالت : بعض الأفكار بحاجة
لـ مكنسة كهربائية من نوع هيتاشي
لأنها ليست سوى أغبرة تُثير الحساسية ...
فـ بعد تنظيف الأرض منهاا
يجب ان لا تُنظف هذه الأجهزة
بل ترمى معهااا (في المحرقة)_*]
.
هنا ... فيه خطأ في الضمائر وصلحته
.
انا واثق انك تقصدني انا يأخي حرام عليك
اذا بيني وبينك شيء او انا غلطان عليك
قل لي عشان اعترف لك بخطاي او ابرره لك
//
لا والله انك غلطان أن هذا الكلام من خيالي
وموجه لآفكاري والله العظيم ...
والله يااسايرها مااقصدك ...
.
.
صدقني تستاهل اللي سوته فيك الأدارة
أعطوك لقب كاتب وبعدين رجعوك عضو
لأنهم أكتشفوا أنك تسرق الأفكار وتنسبها لك
وأغلب مواضيعك مكررهـ ومنقوله
بس أنت محترف أنك تغير فيها لدرجة ما احد يكشفها .. وأنا عندي الدليل وراح أنزله موضوع
بملتقى الأعضاء .. وترى ماهو بس انت فيه
غيرك عليهم ملاحظات شبية لك ...
.
.
آسايرها ... سولف بآي شي الا سالفة كاتب والادارة وكلمة منقول
بصراااحة والله آزعل من جد ويحق لي ازعل على اللي مثلك وشرواك ... لكن تدري /
و
لأنكـ تشعر بـ حبهم رغم أنهم لآيعرفونكـ
فـ حين يخطئون تتحاشى الرد ليس ضعفا
ولكن تخشى ان تفقدهم في مكان انت منبوذ فيه
*_*
هذا الكلام اللي بالأخضر اقراهـ
وآعتبرهـ منقول وأهداء مني لك
.
.
بريث واللي يرحم غاليك
اذا تشوف بيني وبينك شيء قوله
لاتبلاني بشرك وأسوي لك شيء ماترضاه.
آسايرها ... والله مابيني وبينك شي
ولآ آظن آآبلاك بالشر ان شاء الله ...
.
المهم ماااودي آطوّل عليكـ
لكن آنا طالبك لاتكثر علينا ترآآآ والله اني هالآيااام كارهـ ثياابي
وجيت انت مغصتناااا بكلاامكـ
.
.
مرة ثاانية والله انك غلطان
الله يوفقك

فأرسلت له أعتذر

إقتباس:

يابعد حيي يا انت
ادري والله انك زعلان ومالومك
لكن كل مافي الحكاية مقلب
مسويه فيك وبعض الاعضاء
وحقك علينا ولا تزعل

إقتباس:

جت بالرفرف ههههه
لا والله مازعلت لكن عجزت فيك
وقفلت الرسايل
تبي الجد والله اني منتبه لـ سالفة المقالب
لكن توقعتها تجي من مشرف+
ماتوقعتها تجي منكـ
لآهنت ياانت

إقتباس:

أجل كلٍ يصلح سيارته^_^

فأرسل لي يسعد صباحك^_^
عااد انا قلت الله يسعد صباحك ويسعد مساء <بس ما ارسلتها له^_^
::::::::::::::::
أما العضو الثالث فهو المشرف المميز / النجم الساري
الذي حقيقة أعتذر منه بقوة واتمنى ان يسامحني

إقتباس:

مساء الخير اخوي النجم
ماعليش بأخذ من وقتك شيء
//
انت نزلت موضوع بالحوار الهادف
بعنوان :هل تقبلون الزواج من اصحاب البشره السوداء ؟؟
وأنا رديت على الموضوع بوجة نظري
بس بسألك ياريت تجاوبني بصراحه..
1- أنت عبد ..أقصد أنت أسود؟أو أبيض وخطبت
لك عبده ولا زوجوكـ..؟ لان بصراحة احس
مانزلت الموضوع إلا من معاناة عشتها..
2- كم عمرك..؟ اذا كان فوق 30 ولا تزوجت
ابشر وانا اخوك بساعدك باللي اقدر عليه
ومانبي منك الا الدعاء والأجر على الله

فكان رده بقمة الأحترام والأدب وأحيية على أخلاقة العالية

إقتباس:

هلاحياك الله اخوي واشكرك على مبادرتك
المميزه وباالنسبه للموضوع نزلته لله سبحانه
على شان الاختلاف بين الطرفين باالمجتمع ونااعرف فيه ناس مزوجين اهل البشره السمراءويستاهلون وناسن كفو والزواج ونا اخوك مافيه شي اهم شي خلق الانسان ودينه والالوان والله ماتفرق وشوكري لك ياعزيزي المحترم

فأرسلت له

إقتباس:

طيب انت ليش خايف .. واضح من ردك
انك خايف مني .. شكلك ما انت واثق من نفسك
باين عليك انك ورع مع احترامي لك لاني سألتك كم عمرك ولا جاوبت وبصراحه من شفت نكك النجم الساري وانا اغسل يدي منك مافيك فايده..حتى لوني ازوجك عبده كثيرة عليك
لكن نصيحة من أخو لأخوه الصغنون:
أنتبه لنفسك وخل ثقتك بنفسك قوية .. لان من
ردك اكتشفت انك ما انت رجال وخسارة
الأدارة يعطونك مشرف لانك ما انت قدها
ولا تستاهل احد يكرمك
وانا خسران اني ضيعت وقتي معك وابي افزع
لك وازوجك بس بانت علومك يالساري
كمل مسراك شكلك ما عندك ماعند جدتي

فرد علية بهذا الرساله

إقتباس:

اقول الاخ على وين على وين مساك الله باالخير تراني ماغلطت عليك والرجال نعرفها والعلوم نعرفها مهو انت اللي تعلمني برجولتي ياقليل الحياء والخساره ظنوت امك فيك ليتها جابتك بشكل ثاني لكن سقها لاعاد اشوفك ترسل لي رسايل مثل وجهك

فحاولت أن أزودها معه شوية لكن سحب علي ولا رد^_^

إقتباس:

ههههههههههه انا قايل انك ورع من زمان
لانه باين من ردك .. يأخي تعلم أسلوب
الحوار والنقاش الحضاري ..
شف عاااد لاتخليني أحطك براسي وادعس
على جهازكـ وأدمره لكـ .. ترى ما انت شيء
أحترم نفسك وتعلم كيف تتكلم مع الرجال ياورع

وأرسلت له أعتذر منه برسالتين ولكن مارد علية
واكرر أسفي واعتذاري لك يا النجم الساري
فلا تزعل علي ولا تأخذ بخاطرك.. والمعذرة والسموحه.
:::::::::::::::::::::
أما الان مع لا يطول غيابك

إقتباس:

ممكن اخذ من وقتك أجابة على سؤال ..؟
//
ليش أنا مغرور ..؟ حرام عليك تظلميني
أنا أنسان عادي كافٍ خيري وشري
ومالي دخل بالناس ...
اذا تشوفين فيني خطأ قولي لي
لكن لاتتكلمين بشيء أنتي ما أنتي قده
ولا من مستواهـ ... بصراحه انا اكرهك
والحين زاد كرهي لك .. حاولي تتطلعين من المنتدى لا عاد أشوفك هنا مره ثانية
وانا مسامحك بكل شيء الله يوفقنا وإياك

وكان ردهـا

إقتباس:

له له ي زلمهـ شو هـ الحكي ..
انا قلت مغرور ..؟ < معها انفصام بالشخصـيه تقول كلام وتنكر
الموهم طيب مدام انك تبين اطلع من المنتدى بلم قشي مشاركاتي ومواضيعي ممكن ولا لا
طيب راجع نفسك يمكن مشبه علي احد قالها لك وتحسبني انا هع
\\
الموهم لاتعـــــب نفسك وترسل لانــــي ماراح ارد عليك

عاااد ارسلت عليها هالرساله

إقتباس:

ماشاء الله وتضحكين ومستانسة هين اوريك
انا ماشبهت عليك ... واثق من الكلام اللي اقوله
مو مثلك عندي انفصام بالشخصية
ولا انا مثلك ثقتي بنفسي معدومه
عموماً طلعتي من المنتدى والا بقيتي فيه
ورديتي على رسائلي او لا .. مايهمني ..
لاني بدعس على جهازك وأهكرهـ لك
وادمره بفايرس وبعدها تعالي ردي
او شوفي مشاركاتك ومواضيعك ..
سلااااااااااااااااااام .. بس لايطول غيابك
بعد مايخرب جهازك اشتري جديد
لان اخوانك وخواتك بالمنتدى بشتاااقوا لك

ولا ردت فأرست أعتذر منها

إقتباس:

ماعليش الحكاية وكل اللي فيها مجرد مقلب
وحقك علينا ^_^

إقتباس:

كٌنت حاسه والله
وانت مستانس انك تعرف تهكر هع <<خليتني اسوي نسخ احتياطي لـ ملفاتي < يعنني خافت
الموهم لاتعودها ترى قلبي رهيف بسسرعه اخاف هههههههههههههه < من جنبها

::::::::::::::::::::::::::::::
وبعدها صار المقلب مع العضوة الخلوقة الهادئة بحضورها قلبي إماراتي

إقتباس:

مساء الخير
كيفك ان شاء الله بخير
//
انا صراحه ما ارضى بالظلم لا لي ولا لغيري
والسالفه ومافيها بلعبة الحظ بمكعبات الأرقام
انا شفت النسخه الاصلية للحظوظ بعد ما اعلنوها
ورقمك كان حظه الفوز ببطاقة الشحن 100
بس غيره ولد حائل حتى ان المشعل ما كان يدري واعطوك الوسام الدائم

انا علمتك وعلى الله الأجر
بس لاتنسين النص بالنص هههههه
امزح معك مابي شيء روحي طالبي بحقك

والا وكليني عليهم وابشري بحقك

فكان ردها

إقتباس:

لا تعلللللللللللللللليق

عاااد رديت عليها وشطحت شطحه ماهي بصاحية ^_^

إقتباس:

انا كشفتك وعرفتك
انت ولد وداخل بمعرف بنت
الحين مالك الا خيارين
1- ايقاف من المنتدى
2- اول تطلب تغير معرفك
والا بدعس على جهازك واهكره لك
اخلص قرر مصيرك ياولد

فكان الرد منها

إقتباس:

وانت وش يخصك أنا ولد او بنت مضايقك بشي ادخل باحترام واطلع باحترام ولايكثر

فأرسلت لها رسالة أعتذار ولكن يمكن ما استوعبت انه مقلب ^_^

إقتباس:

شكلك زعلتي
عمرك مارضيت ههههههههههههه
//
قلبي إماراتي
والله ادري اني رفعت ضغطك بكلامي
عموماً هذا مقلب وبس^_^
وان شاء الله ماتزعلين علينا

فكان الرد منها ^_^

إقتباس:

بصفتك إيش تعمل معي مقلب

عااااااااد انا قلت اذا ما استوعبت بكمل الهوشة هههههه^_^

إقتباس:

بصفتي أسايرها تعاندني شكلك ماتعرفين من انا؟؟
احمدي ربك وخليها على المقلب لاتزعجيني
قسم إني تعبت منكم ههههههه

وكنت اقصد بتعبت منكم .. اني تعبت من المقالب لانها تقريباً كلها بيوم واحد^_^
فأرسلت لي وقالت لا ترسل
وبعدها أرسلت رسالة الأعتذار والحمدلله قبلت أسفي ^_^
:::::::::::::::::::::::::::::
والحين مع العضوة المميزة همس بصراحة بعد ردها حسيت ان المقلب فيني أنا ^_^
أرسلت عليها

إقتباس:

سلام عليك ياهمس
ممكن اخذ من وقتك شيء
//
انا شفت ردك بالحوار الهادف
هل تقبل الزواج من اصحاب البشرة السوداء؟
بصراحه ما اعجبني الرد ولا توقعتة منك
ترى كلنا اولاد 9 شهور .. وكلنا أبناء حواء وآدم
واذا انتي مستحقرة اللي بشرتهم سوداء او مو عاجبينك اجل لاتستخدمين المكياج الاسمر
وحاربي كل اللي يستخدمونه ..
بعدين انا ملاحظ عليك بكثير من ردودك ان فكرك لليبرالي غيريه احسن لك .. ترى وراك عذاب قبر
وماهميتيني ولا عليه منك لو تسوين اي شيء
بس انا بقدم لك نصيحه والاجر على الله

فكان رها واضح علية انها بتفهمني الصح غصب والا وش سالفة هالمحاضرة^_^

إقتباس:

آهلا وعليكم السلام
مو سيده آعمآل عشان يكون وقتي كله شغل ..
شفت ردي طيب وش فيه ردي هذآ آسمه حوآر وكلن يعبر عن رآيه
وآنا هذآ رآي ..
آدري كلنا آولاد 9 شهور وكلنا آبناء آدم وحواء
عدم القبول مو يعني استحقآر لهم لآ وآلله فيهم اللي آحسن منا واللي آفضل منا سواء بخلقه آو بآخلاقه ..
( تخيروا لنطفكم فإنَّ العرق دسَّاس )
مو تعآلي عليهم آبد بس الآنسآن ما يرتآح الا مع شخص يشبه في معظم الآشياء الشخص يكون عنده نظره مستقبليه .. يفكر بآلآولآد كيف بيجون وكيف رآح تكون نظره النآس لهم ونظرتهم هم لبعضهم آذا جبت وآحد مثلي آبيض والثآني مثل آبوه آسود
يعني آنا بردي ما نظرت لها من جهه وحده
آنظر للمشكله من كذا جهه
وسآلفه المكيآج الآسمر >> في فرق لما آقول آسمر ولما آقول آسود
مثل الصوره اللي حآطها آنت في ردكـ
حنا تحكمنا عآدآت وتقآليد وزي ما يقولون
حلآت الثوب رقعته منه وفيه ..
وآنا لآ آعترض على قول الرسول (( من ترضون دينه وخلقه فزوجوه ))
بس برضوا قآل (( تنكح المرآه لآربع وذكر منها حسبها وجمالها ))
ولكن لا يلغي خوفي على نسبي أن يضيع
في ظل مجتمع لا يحكمه إلا الظاهر
>> آخي الكريم لا تحكم على شخص شفت له رد آو ردين سواء حلو آو مو حلوه لانها كلمات آكتبها وآنا خلف الشآشه لا تعلم من آكون ..
شي معروف لنا نهايه وورآنا قبر والوآحد ما يدري كيف بتكون نهايته
وآسآل الله حسن الختآم لي ولجميع المسلمين
آآدري آني ما آهمك ولا عليك مني >> بس آستغربت ليه قلتاها
آو شنو منآسبتها ..
نصيحه منك وبتقبلها بصدر رحب ..
ولو شفت علي شي مو زين وحآب تنصحني آعتبرني آخت لك
وقدم لي النصيحه وآن شاء الله آعمل بها ..
شآكره لك آخوي على ردك وآتمنى مآ آكون طولت عليك بالرد
لاني تو دآخله وآسفه على اآطاله بس وجهه نظر وحبيت ابينها لكـ
وآختلاف الرآي لا يفسد للود قضيه

وارسلت لها اعتذار

إقتباس:

بصراحه اول كنت بسوي فيك مقلب
لكن بعد ردك حسيت ان المقلب فيني انا
عموماً أحييك على قوة ردك وأخلاقك

إقتباس:

ههههههههه هذآ مقلب
الله يرج عدوكـ وآنا دآخله جو وآنا آرد عليك
>>غصب آفهمك ليه رديت كذا ههههههه

:::::::::::::::::::::::::::::
وأخر المقالب كانت مع المشرفة أنفاس الفجر
أرسلت لها

إقتباس:

ممكن اخذ من وقتك دقائق ..؟
//
بصراحه انا احترمك كثير وواضح عليك
انك تحبين الخير للناس .. بس حرام عليك
توقفين بوجي ولا تتمنين لي الخير ...
//
لان بصراحه جتني رساله من الأدارة
قالوا بيعطوني مراقب عام على طوول
طبعاً هذا الشيء لزم بقرار جمهوري
يعني بعد موافقة كل المشرفين والمراقبين والأداريين ..
كلهم وافقوا على هذا الشيء الا انتي رفضتي .. طيب ليش ؟؟ حرام عليك .. بالله وش جايك مني عشان تسوي فيني كذا
شوفي اذا انا مزعلك بشيء قولي لي يمكن انا غلطان.. بس لاتخلين بقلبك حقد وحسد عليه..
وياريت تردين عليه تبررين موقفك
قبل أدعس على جهازك واهكرك
واسحب إشرافك وأرسلك لقوقل ...
كنت اتوقع هذا الشيء يجي من غيرك
ولا يجي منك .. الله يسامحك

فكان ردها

إقتباس:

حرام عليك وربي ماقولت هذا الشى واصلا ماادري على سالفة انك بتصير مراقب لا تظلمني الله يسامحك بس

فأرسلت لها

إقتباس:

اهاااا لا ماعليش انا اسف .. كنت احلم السالفه
هذي صايرة بمنتدى ثاني وانا احسب انوه
بمنتدى القبيلة ماعليش وقتها كنت نايم توني اصحى ... بس انا بعرف منهي انفاس الفجر
اللي بالمنتدى الثاني هو انتي والا وحده نفس معرفك ...؟؟؟؟؟؟؟؟؟؟؟؟

إقتباس:

لا مو انا وبسسسسسسس وخلاص

إقتباس:

طيب خلاص لاترفعين صوتك
خلاص انتهت السالفه وحلينا الموضوع
احس انك شايفة نفسك انك مشرفة وانا عضو
انسي كل شيء خلااااااااااااااص <<حتى انا عندي صوت اقدر ارفعه ..

إقتباس:

الله يسامحك بس انا اشوف نفسي عشان مشرفه وربي ليت اصير اشوف نفسي من جد الغرور في جهه وانا في جهه بجد لا اتخليني اخذ منك موقف انت من الاعضاء اللي كثير اعزهم مااقول الا الله يسامحك يابات مان

إقتباس:

طيب طيب بات مان هاااااااااهـ ...
الله يسامح الجميع ... واذا بتاخذين موقف
خذي موقف من اللي مانعك

وبعد كل هالهوشة قالت

إقتباس:

شكـرا

إقتباس:

العفوووووو ... ولا شكر على واجب

وبعد المقلب بيوم ارسلت لها أعتذار

إقتباس:

هههههههههههههه
السالفه كلها مقلب
وحقك علينا ولك كل احترام وتقدير

إقتباس:

ههههههههي وربي قولت معقوله بات مان يسوي كذا

<< يقولون بات مان يطير فتوقعي منوه أي شيء ههههههه

::::::::::::::::::::::::::

وحاولت اسوي مع المشرف العام المميز/سالم الرشيدي،والمشرفة العامة المبدعه/ حنان الرشيدي
لكن ماتنفع معهم المقالب شكلهم متعودين عليها ^_^ ولهم جزيل الشكر والأحترام والتقدير .

وأخيراً أعتذر من الجميع وأعتذر من كل عضو يظن أنني أخطيت بحقة فربما يحدث الخطأ من غير قصد
فكلنا هنا أخوان وأصحاب على حق أن شاء الله .. وأسأل الله لي ولكم التوفيق.