هذا أنت؟ !! يامرحبا واهلين مشتاقك=القلب شافك وفك الصدر يومي لك
من جيت سال المطر من غيث براقك=القاع ضميا ثلاث اسنين وتخيلك
سقت القصايد على فرقاك ماساقك=شوقك ؟ ولاجيت مره ساري بليلك !
(محتاج لك حيل) (والا ليلة افراقك)=بادن قلوب البشر مابيدن حيلك !!
عشاق شعري غدوا بالشعر عشاقك=(امين) *ياكثرهم قالوا وانا ادعي لك
ما انكر بضيقتك حتى الزمن ضاقك=والارض في كبرها عجزانه اتشيلك
غبت بظروفك غصب ماغبت بأشواقك=انا عذرتك !! وانا كل ليله ابكي لك
اخير مذكر كلامك لحظة اعناقك=ساكت !! وانا كل مافيني ينادي لك
نشرت شعري ابيه يكون سراقك=يدخل شبابيك بيتك منك يشكي لك
اسف اذا قصر احساسه ولا طاقك=ماكان غيره وسيله تقدر اتجي لك
*محتاج لك حيل ادري هزت اعماقك=قسيت فيها عليك وسال منديلك
لكن يكفيك عنها ليلة افراقك=خلت عيون البشر تقراك وتسيلك

اقتباس من مشاركة روح حور (المشاركة 2637573) صح لسانه بجد شاعر ثامر شبيب الله يحفظه يسلمو فضي

اقتباس من مشاركة كــــاتــــب (المشاركة 2637581) صح لسان الشاعر العذب ثامر وشكراً لجلب هذا الإبداع يابو فيصل

اقتباس من مشاركة البعيد الهادي (المشاركة 2637714) صح الساان الشاعر ثامر درر نادره كما عودنا بكل جديد وجزل احسنت يابو فيصل

اقتباس من مشاركة ناصر الرشيدي (المشاركة 2637726) صح لسان ابو شبيب دائماً اشعاره تحاكي احساسي دام نبضه شكراً ابو فيصل

اقتباس من مشاركة ابوصالح لرشيدي (المشاركة 2637928) الله الله عليك يابو شبيب اشهد بالله انك خطير وتجيبه على الجرح. صح السانك لو ادري انه قليله بحقك .. وادي اعبر اكثر بس تعجز حروفي امام حروفك .لله درك ماااجمل حساسك .. ......... ابن براك تحياتي لك وسلمت يداك .. لا جديد دائماًمميز في مواضيعك . تقبل مروري البسيط ..