|
لماذا تحول حافز من مكرمه الى مهزله؟؟؟؟؟
ما يحدث هذه الأيام من ازدحام وتكدس وفوضى في البنوك والمصارف المحلية بجميع مناطق السعودية، وبخاصة في الأقسام النسائية؛ من أجل فتح حساب لإكمال إجراءات التسجيل في برنامج حافز؛ للحصول على مبلغ 2000 ريال في حال عدم توافر فرص وظيفية، أمرٌ محزنٌ للغاية؛ فهناك تكدُّس وتدافع أعاد للأذهان ذكريات المواطنين مع الاكتتابات والأسهم وما واكبها أول ما ظهرت من زحام وفوضى وسقوط للأشمغة و"العُقَل" وغيرها.
الأمر لم يتوقف عند التزاحم من أجل فتح حساب "حافز" بل زاد برفض البنوك استقبال الطلبات وإعطاء مواعيد تصل لشهر أو أكثر أو بتوفير مبلغ في الحساب لا يقل أحيانا عن 20 و50 ألف ريال!!.. (طيب اللي عنده 50 ألفاً بينتظر 2000 حافز؟!!). الأقسى من كل ذلك ما يتعرض له مواطنو القرى ومراكز الأطراف البعيدون عن البنوك من مشقة و"بهدلة"؛ حيث يقطعون مسافات طويلة من أجل الوصول إلى المدن والبنوك، ثم يواجَهون بعد كل ذلك بتلك المواعيد التعجيزية والعرقوبية، وقد يعودون مرة أخرى ولا يجدون نتيجة أيضاً.. كل هذه المعاناة في سبيل فتح رقم حساب لبناتهم أو أخواتهم أو زوجاتهم لإكمال إجراءات "حافز"، الذي تحول بفعل فاعل إلى "حافر" من "الحَفْر في الصخر"!! حقيقة كل ما حدث ويحدث من تعجيز وتعقيد أمرٌ يدعو إلى الحيرة، ويحتاج إلى التدخل العاجل. ولذلك انتظر الجميع تدخل وزارة العمل؛ لوضع حلول لهذا الأمر المزري، وإنقاذ ما يمكن إنقاذه، إلا أنها خرجت أخيراً، وأخلت مسؤولياتها من موضوع "حافز"، وحمّلت المسؤولية بالكامل لصندوق تنمية الموارد البشرية، وهي عادة و"ماركة" مسجَّلة عندنا في تقاذف المسؤوليات ورميها، كلٌ على الآخر. لم تكتفِ وزارة العمل بذلك بل زادت من خلال عشوائيتها في عدم تحديد مستحقات مكافأة "حافز" من المؤهلات الدراسية المطلوبة وغيرها؛ فتقدم الصغار وكبار السن من أجل تلك المكافأة؛ وهو ما ساهم في اختناقات وفوضى البنوك. لم يتوقف الأمر عند هذا الحد بل ساهمت وزارة العمل في عمل "بلبلة" للمتقدمات طوال الأيام الأخيرة الماضية من خلال تمرير شائعة استبعاد المتزوجات من مكافأة "حافز"، وقد جاء ذلك - على ما يبدو - لجس نبض الشارع وتقبله الموضوع من عدمه، لكنه أحدث ردود فعل غاضبة جدًّا على الوزارة. قبل كل هذا كانت وزارة العمل قد فاجأت المتقدمات ببعض أسئلتها الغريبة والمضحكة، التي حررتها في موقع "حافز" عند تسجيل طلب الحصول على مكافأة البرنامج، والتي تحولت من أسئلة لها علاقة بالبرنامج وضوابطه ومستحقيه إلى أسئلة تقيس رأي الشارع في أمور أخرى لا علاقة للوزارة بها مثل أغرب سؤال طرح على المتقدمات: هل تمتلكين رخصة قيادة؟! رغم علمنا بأن قيادة المرأة السيارة لم يُسمح بها حتى الآن في السعودية!! استبعاد المرأة المتزوجة من "حافز" إذا ما تم يُعَدّ ظلماً وإجحافاً كبيراً؛ كيف لا وهي المحرومة من حق لها بالتعيين والتوظيف، وتنتظر الوظيفة بفارغ الصبر، وقد جاء برنامج "حافز" ضمن الأوامر الملكية التي أمر بها خادم الحرمين الشريفين للقضاء على البطالة وحل مشكلاتها، ولم يحدد الأمر الملكي وقتها المرأة المتزوجة من العزباء، ولا نظن الأوامر الملكية الكريمة تقف عند هذه التوافه التي يريد البعض من خلالها تقمص دور البطولة في التوفير على الدولة وحفظ المال العام، ولا نعلم أين يختفي هؤلاء في أمور أخرى أهم وأولى من مكافأة "حافز" والتضييق على المستحقين! اللافت أن حرمان المتزوجات من مكافأة "حافز" يتعارض مع الأمر الملكي الأخير، الذي أعطى للمرأة فرصة المشاركة في الانتخابات البلدية ومجلس الشورى؛ فكيف يتحايلون ويلمحون ويزايدون على ما هو أحق وأهم من كل ذلك؟ وكيف يفكرون - مجرد التفكير - في حرمان أي امرأة هذه المكافأة المتواضعة التي لا تعوضها أصلاً حقها بالتعيين والتوظيف؟! وكل ذنبها بمقاييس وزارة العمل أنها متزوجة!! الأمر الأهم الذي لا نظنه يغيب على مسؤولي وزارة العمل بل على أي إنسان هو أن المرأة، وإن كانت متزوجة، ليس بالضرورة أن تكون في بحبوحة من العيش؛ فقد يكون زوجها غير موظف أصلاً أو مفصولاً من عمله أو متقاعداً أو راتبه ضئيل جدًّا أو مديوناً أو غير ذلك. يا تُرى، هل تعلم وزارة العمل أنها قد تساهم بطريقة أو بأخرى في ازدياد حالات الطلاق في السعودية؛ ليتحول المثل الشهير من "ظل رجل ولا ظل حيطة" إلى "ظل حافز ولا ظل فقير"؟ مما تصفحت |
انا ضد اصلا دا الشيء الي بيسموه حافز
اعطيك مثال<< انا مثلا معلمه مدارس الاهليه اخذ راتب يعادل ال 2000 الي ناوين يطرحوها علئ المتبطحين بالبيوت ودا بنظري ام الظلم 2- كثير مو محتاجين او بالاحرئ استحسنو فكرة الصرف وغطو في النوم بدل بحث العمل 3-اي مبلغ يدخل جيبك من دون تعب طبيعي بيصرف بالبعزقه والسفر وقلة الحياء 4- حافز زي الجمعيه الخيريه لازم الي يقدم عليها يكون شبه شحات 5-واخيرا احنا لله الحمد فوق المتوسط حالنا واسمع اختي وخواياتها يتفقوا بفلوس حافز يخصصوا شهريا الروحه للمطاعم وترفع للسفر بالصيف برا المملكه عشان تتسوق بها وعليهم انا قست باقي الناس بالذات البنات يارررررريت يمنعوها حوموا كبودنا بيهاا وجهة نظر وآؤمن بها<< |
يعطيك العافيه ..
لو بس يستبعدون كبار السن والي ماعندهم شهادات جامعيه تنحل المشكله .. |
بالعكس اخت راسبه
المفروض يمنحوا الكبار افضل من الصغار لان الصغار عمالين يتشرطووو يبغوا وظيفه مرموووقه مع العلم الواحد يبدا من الصفر والله الوظايف علئ قفا من يشيل بس محد يبي الا 5 نجووووم والكبار اسمهم كبار يتحكموا بالمبلغ مو احط شهريا2000 واحد 20 او 23 سنه وهو متبطح انا ضد وفعلا معترضه وودي ينزلوا اقوا الشروووووط للمستحق مو من هب ودب ولو يلغونها يريحوننا انا وحده افكر اشتري راحة راسي واتبطح بالبيت بلا شغل بلا هم مادام غيري يتونس بالبلوشي او اخذ اجازه واخلي حافز سنه كامله تصرف علي ثم ارجع عملي علما ان راتبي فوق ال 5000 بس معترررررررضه مجرد رايي |
اول شي ابدا..
بسم الله الرحمن الرحيم ... اخت راسبه قالت ابعد كبار السن اول شي ان كبار السن المفروض الاولوية لهم .. اما الصغار يقدر يشتغل ويجيب اكثر من 2000ريال .. ويعطيك العافية على الطرح الموضوع احساس ... تقبل مـــــــــروري ^ٍ^ |
وش فيكم علي مجرد رائي *_*
كبار السن يصرف لهم الشون .. وانا معاك اختي زعلانه ..ان فئه كبيره بيجلس بالبيت ويرفض الوظيفه عشان حافز !! |
السلام عليكم ورحمة الله وبركآته.^.
بالنسبـه لـ شـروط حـآفز الي وضعـت للمستفيـديـن من الآعآنـة الشهريـة: أولآ: أن لا يكون من مستحقي معاشات التقاعد. (( آغـلـب الشعـب عـآيـش علـى المستحقـآت التقآعـدية. ولكـن للاسـف الآبنـاء ليسـى لهـم حصـه منهآ{ بالعربي يذهب رآتب التقآعد للآب }. معقـوله مجلس الوزراء لم ينتبـه لهـذا الآمر الآجتمـآعـي..!!@،، ثآنيآ: أن لا يكون لدى المستفيد بدلا أو إعانة من وزارة الشؤون الاجتماعية تعادل مبلغ الإعانة التي يقدمها "حافز".. (( أنـأ متـآكد وآجـزم ان الشعـب السعـودي عايـش على { الضمـآن الآجتمآعي }.، ومع ذلك الآبنـاء ليسى لهـم حصـه في ذلك { تذهب للآب }. ومعقوله آن مجلس الوزراء لم يكون لديـه معـرفـه في هالآمر هذا باستحقاق الضمـان الآجتمآآعــي..آن اغلـب المواطنيـن يستلمـون من هذا الآستحقاق. همسه للمجلس الـ وزراء ومن وضـع هذي الشـروط.@! هـل تعلـم رآتب التقآعـد اللي يستحقـه آاغلب الموآطنيـن هـو ( 1712) ريال وهـل تعلـم ان رآتـب استحقـاق الضمـآن الآجتمآعـي هـو ( على حسب اعداد افرآد العآئله ) اللي اوكل حقـهم في الآعآنه الششهريـة لـ حافـز * انـآ مآقـول الآ.. الله يـعـيـنـــكم ياشبـاب على هالشروط.. * والله يعين كل محتآج وضـع كل اهتمآمآته في استحقاق حـآفز وآخرته طلع بلوشي * لاحـول ولاقـوة إلأ بالله.. |
يا الله المـــستعان |
غياب التنسيق بين الموارد البشريه والبنوك سبب الاشكالية
\\ سأعود ياخيه للحديث أكثر |
السلام عليكم ورحمة الله وبركاته
شكرا ياخي العزيز على الطرح والايضاح لاتعليق الا ان الله كريم ويحب الكريم ولايرد الكريم الا الايم |
هم حطو شروط ونشرت في الصحف الرسميه أمس ..وأعتقد بأنها شروط وااااضحه أما بالنسبه (للشيبان ) المتقاعدين ينقسمون إلى قسمين
قسم على لله وعلى راتب التقاعد وقسم على أعانة الشؤون ...وأنا معكم أنها ما عاد تكفي هل يومين خصوصاً وأن الأغلبيه يعيلون أسر كبيرة هذا غير الأيجار بنسبه للمستأجرين ..أما حافز هو لكل شاب و فتاه عاطلين عن العمل و أعتقد بأن ربة المنزل الغير عامله أيضاً تستحق الأعانه بغض النظر عن العمر وعن زوجها لأنها أفنت عمرها في تربية الأجيال التي ستصنع مستقبل الوطن في المستقبل القريب |
زعلانه اختك وصاحبتها احلام ورديه فقط لاغير اوووما عاد مطاعم وتسافر برى <<< ودي اقول الله يسعدها وداخلي كلمه
احلامها تشبه احلام حافز كل يوم نبني ونهدم ونخطط 1/1 التصريح هدم واقنع |
ياجماعه شسالفه ترى الدوله قادره تعطي المواطنين بدون مايعملون الدوله غنيه بمعنى النفط الزايد
وحافز المفروض لاي شخص ماعنده وظيفه تمشي اموره حتى يحصل وظيفه الله اكبر ياكثر راتبه 200 ريال ويش بتسوي انا ابي سياره بتزوج ابي اسكن مرتاح ما ابي اطلب اخوي وإلابوي حررام عذبنا الناس وبعدين ع كلام الاخت زعلانه بالله عليك احد بيجلس طول عمره ع 200 ريال الاخ السعودي طماع والله يعمل ليل ونهار وبعدين قسسم بالله لو معاك شهاده جامعيه وعاطله تطق نفسك بعد كل هالدراسه يصرفني ابوي وإلا اخوي اقووول زعلانه الرجاء لاترفعي ضغطي بالتبطح اه يالقهررررررررررررر هههههههههه |
زعلانه اختك وصاحبتها احلام ورديه فقط لاغير اوووما عاد مطاعم وتسافر برى <<< ودي اقول الله يسعدها وداخلي كلمه
احلامها تشبه احلام حافز كل يوم نبني ونهدم ونخطط 1/1 التصريح هدم واقنع خذي راحتك ههههههههههههه عاد واحنا مو مقصرين معها مفرفرينها دول العالم بس ابن ادم طماع فديت مرورك -------------------- اخوي الله يجااااازيك (بالخير) صدقني انا مو مع اللي يتبطحوا ويبوا حافز ترا الرجال يمشووور يجيب قوت يومه وعنا حالي علئ البنيه لاجاعت ضاعت تقبل مروري |
ما أدري أيش أقول إحساسي ..
بس بعض الردود شرحت الواقع وكفت و وفت ^_^ : الله يعطيكِ العافية يا الغلا . |
يعطيك الف عافيه موضوع جاء بالصميم ..,
ربما لي عوده للتعقيب ان جاءت الفرصة .., ولكن اود التعليق على هذه المشاركة ...,. إقتباس:
يعني ماله داعي تربطي المشكله والزحام فيهم .., وبعدين وش فيهم كبار السن ...؟؟ هم اللي يستحقوها ..,’’ واخيراً ,, لاتفرحوا كثير بجاااحف لانه كل ريال اخذتوه راح ترجعوا 50 % منه عند التوظيف .......... اللهم اغننا بحلالك عن حرامك بفضلك عمن سواك .., وصلى الله وسلم على نبينا محمد .,’ |
شكرا لكل من مر هنا
لي باك للتعليق ع بعض الردود |
يازعلانه لايكون مني زعلانه
ادري اكثر البنات عاطله وجالسه بالبيت ومالومها طفششانه وماتدري وين تروح حتى من قيادة السياره محروومه منها هههه الموهم مانبي نطلع عن طور الموضوع والله يابنت الحلال انا على وشك اتخرج من الجامعه وانتي عارفه المكأفاه 990 والله ماتسوي شي اخذ من اهلي دبل ثلاث مرات وبعدين زي ا انتي شايفه اسعار واجارات مره نار شروط حافز تخرج تجلس 6 شهور علشان يعطونك حافز مين يبي يصرف علينا ولا وظيفه ولاشي يعني وربي ظلم xظلم الدوله بشكل عام ظالمه كلها ... ولا اقدر اقول إلا حسبي الله ونعم الوكيل |
حافز اتوقع مااحد رايح استلم اي شي الا بعد تعقيد الاموووووووور ويقولون الشروط لا تطابق المتقدم وبالتالي لا احد يستحق حافز وصارت الدعوى فوضه
وجهة نظر |
الله يجازيك00000
انتبه امامك 0000000 كل شي الا هالكلام نحن في دوووووووووول الخليج ليس عندنا حريه الرائ فاوصيك اولا بتقوى الله وثانيا بقي لك كم شهر وتخلص الجامعه وانتبه لا يكون مصيرك ابوزعبل ههههههههههههههههههه |
ههههههههههه
أحساس الشمال والله ماألومك ماصارت إعانة بطاله كأنهم يصرفون من جيبوبهم لا وظايف ولا إعانه الله يعين تسلمين ع الطرح ربي يسعدك |
يعطيك العافيه ..
لو بس يستبعدون كبار السن والي ماعندهم شهادات جامعيه تنحل المشكله .. |
لو يلغونه ابرك الششعب ببه وبلياه عايشين
قطيعه اسستغفرلله بسس تراها دين عليككم بعد امحق عطاااء سؤال لدولتي الكريمه جزيلة العطاء هل عندها دفتر مديونات للمغرب ولبنان وووو لمن بالملايين تعطيهم اقل قم بس قم نصيحه لو صار حافز خذو وابن امه الصحيحح يرفض يرد ريال اقسم بالله لو انا اخذ ماردها لانها حق من حقوقنا ولكن الحمد لله موظفه وفكه منهم ومن قريشاتهم ( شكلي حنحذف) ههههههههه |
كبار السن وش يبون !!؟؟
احسهم مسوين زحمه ^_^ يا الله حسن الخاتمه ليش الطمع ؟ يكفيهم الضمان وراتب التقاعد والله يخليلهم عيالهم ماراح يموتون جوع ^_^ حافز للشباب العاطلين لا ن مسئولياتهم اكثر وراهم زواج , فتح بيوت ممكن الاعانه تساعدهم لو بشي بسيط |
| الساعة الآن +4: 05:32 AM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
