وش باقي أكبر من خبر موت سلطان=وش باقي أكثر من علوم(ن) تجينا
خبر وفاته صاعقه هزت أوطان=وأبكت وفاته شيخنا مع صبينا
اللي يمينه مدها ماله أوزان=يعطي ولا يعطيك كود الثمينا
ياما دعا له من صغار(ن) وعجزان=فرج عليهم كربة(ن) من سنينا
جاني خبر عاجل وأنا الصبح نعسان=ومن لوعتي أصفق يسار بيمينا
قلت الخبر زايف وكذب(ن) وبهتان=لاتفترون إنه توفى ولينا
يالسبت جبت الفاجعه دون نقصان=حتى لو إن الموت حق(ن) علينا
تكفون ياللي تلفلفونه بالأكفان=وتشيعون جنازته للدفينا
بالهون طالبكم على راع الإحسان=المحسن اللي كل فعله حسينا
عليك رحمة ياولي العهد سلطان=من خالق آدم من تراب(ن) وطينا
ويغسلك بالماء والبرد يا أعظم إنسان=ويرحمك يوم الحشر وقته يحينا
ويدخلك جنه كلها روح وريحان=مع النبي المصطفى والأمينا

اقتباس من مشاركة المجبور (المشاركة 2532895) كيفكم أخواني وأخواتي أعضاء شبكة بني عبس بما ان هذا أول موضوع مستقل لي أحببت أن تكون أبيات مرثيه بالراحل والدنا الأمير / سلطان بن عبدالعزيز ( رحمه الله ) كتبتها بعد وفاته رحمه الله وأردت أن تكون مشاركتي الأولى وأتمنى أن تنال إستحسانكم وترتقي لأذواقكم وش باقي أكبر من خبر موت سلطان=وش باقي أكثر من علوم(ن) تجينا خبر وفاته صاعقه هزت أوطان=وأبكت وفاته شيخنا مع صبينا اللي يمينه مدها ماله أوزان=يعطي ولا يعطيك كود الثمينا ياما دعا له من صغار(ن) وعجزان=فرج عليهم كربة(ن) من سنينا جاني خبر عاجل وأنا الصبح نعسان=ومن لوعتي أصفق يسار بيمينا قلت الخبر زايف وكذب(ن) وبهتان=لاتفترون إنه توفى ولينا يالسبت جبت الفاجعه دون نقصان=حتى لو إن الموت حق(ن) علينا تكفون ياللي تلفلفونه بالأكفان=وتشيعون جنازته للدفينا بالهون طالبكم على راع الإحسان=المحسن اللي كل فعله حسينا عليك رحمة ياولي العهد سلطان=من خالق آدم من تراب(ن) وطينا ويغسلك بالماء والبرد يا أعظم إنسان=ويرحمك يوم الحشر وقته يحينا ويدخلك جنه كلها روح وريحان=مع النبي المصطفى والأمينا كلمات / أخوكم المجبور سهل البحان