بسم الله الرحمن الرحيم

هذي القصيده للشاعر/خالد بن مدعث الدوسري..





وقد اجمع الكثر من كبار الشعار انها من اعظم قصائد التوجّد في الشعر النبطي بماتحمله من قوه معنى والقافيه وحدة الكلمات وتأثير العبارات..

فلكم الحكم بعد قرآئتها والتمعن بكلماتها المؤثره

كل ما فاضت عيونـي باشـت الأضـلاع غنـا=الموارد فـي الضلـوع وكـل ضلـع فـي ونـه
والتمنـي مـا يحقـق هقـوت القلـب ان تمـنـا=بـس قلبـي مـا يدانـي تبعـد الهـقـوات مـنـه
وا وجودي وجد من جلـي عـن ديـاره مجنـا=تو عمـره عشـر واربـع والليالـي مـا تحنـه
مـا وراه إلا عـجـوزٍ واخـتـه وعــود مسـنـا=بين فقر وبين دين وبيـن ضيـم وبيـن منـه
ما ذبحهـم غيـر دمـع مـن الغبينـه مـا يكنـا=ويـل مـن سـود الليالـي بالمصـايـب يبتلـنـه
راح مثـل الذيـب وهبلتـه حيـاة الذيـب ظـنـا=وآمـن والمـوت يومـه بيـن مخلابـه وسـنـه
راح ينقـل دم قلبـه وان ضـواه اللـيـل ونــا=الـذيـابـه مـروحـاتـه والـسـيـوف يـدورنــه
ليـا ذكـر دم القـرايـب عـانـق البـيـدا وثـنـا=وان تذكر ضحكـة امـه زاغ قلبـه مـن مغنـه
ما يلوعه في حشاه إلا ليا شاف البرق سنـا=غاب عشر اسنين ما به من يرد العلـم عنـه
ان حـداه الخـوف منـا هـزت الأشـواق مـنـا=يـوم طـال الوقـت عـود للديـار اللـي ربـنـه
قـــال مـــا دام الـمـذلـه والـبــلاوي يبتـلـنـا=والله ان الموت في الأوطان بين الربع جنـه
يوم وقـف فـي المنـازل مـا لقـى بيـت مبنـا=غـيـر بـيـت للهبـايـب والـــذواري يلعـبـنـه
راح يمـه كنـه الـلـي ضـاربـه رمــح مطـنـا=وعذابـه مـا دري ان اسهـوم بقعـا يحتـرنـه
يوم قرب سمـع لـه صـوت مـن العلـه يحنـا=حصل امه عندها ضيف يقـول المـوت سنـه
قـال يمـه قالـت عيونـي مـن الدمـع انعمـنـا=قال ابويه قالـت اطـوال النصايـب قـد خذنـه
قال واختي قالت اقفى القوم باختك مع ظعنا=قـال ربعـي قالـت اسنيـن المجـاعـة فرقـنـه
قـال جيتـك قالـت ان المـوت مـا ظنـي تونـا=واستلمهـا نـازع الارواح روحـن مرجهـنـه
ثم صاح من التفرق صيحـة اللـي فيـه جنـا=دق صدره وانطوى من حر ما به طي شنـه
كـل هـذا حــال قـلـب مــن خلـقـه الله معـنـا=الـهـمــوم يـوكـلـنـه والــروابــع يـوكـلـنـه
لـيـه ادور للسبـايـب والسـبـب فيـنـا ومـنـا=النفوس وما تسـوي واليديـن ومـا حصدنـه
لا توسدنـا الخطايـا نلـحـق الشـرهـه زمـنـا=مــا جـزانـا إلا عملـنـا والـخـلائـق يثبـتـنـه

اقتباس من مشاركة أبونواف (المشاركة 90473) بسم الله الرحمن الرحيم هذي القصيده للشاعر/خالد بن مدعث الدوسري.. وقد اجمع الكثر من كبار الشعار انها من اعظم قصائد التوجّد في الشعر النبطي بماتحمله من قوه معنى والقافيه وحدة الكلمات وتأثير العبارات.. فلكم الحكم بعد قرآئتها والتمعن بكلماتها المؤثره كل ما فاضت عيونـي باشـت الأضـلاع غنـا=الموارد فـي الضلـوع وكـل ضلـع فـي ونـه والتمنـي مـا يحقـق هقـوت القلـب ان تمـنـا=بـس قلبـي مـا يدانـي تبعـد الهـقـوات مـنـه وا وجودي وجد من جلـي عـن ديـاره مجنـا=تو عمـره عشـر واربـع والليالـي مـا تحنـه مـا وراه إلا عـجـوزٍ واخـتـه وعــود مسـنـا=بين فقر وبين دين وبيـن ضيـم وبيـن منـه ما ذبحهـم غيـر دمـع مـن الغبينـه مـا يكنـا=ويـل مـن سـود الليالـي بالمصـايـب يبتلـنـه راح مثـل الذيـب وهبلتـه حيـاة الذيـب ظـنـا=وآمـن والمـوت يومـه بيـن مخلابـه وسـنـه راح ينقـل دم قلبـه وان ضـواه اللـيـل ونــا=الـذيـابـه مـروحـاتـه والـسـيـوف يـدورنــه ليـا ذكـر دم القـرايـب عـانـق البـيـدا وثـنـا=وان تذكر ضحكـة امـه زاغ قلبـه مـن مغنـه ما يلوعه في حشاه إلا ليا شاف البرق سنـا=غاب عشر اسنين ما به من يرد العلـم عنـه ان حـداه الخـوف منـا هـزت الأشـواق مـنـا=يـوم طـال الوقـت عـود للديـار اللـي ربـنـه قـــال مـــا دام الـمـذلـه والـبــلاوي يبتـلـنـا=والله ان الموت في الأوطان بين الربع جنـه يوم وقـف فـي المنـازل مـا لقـى بيـت مبنـا=غـيـر بـيـت للهبـايـب والـــذواري يلعـبـنـه راح يمـه كنـه الـلـي ضـاربـه رمــح مطـنـا=وعذابـه مـا دري ان اسهـوم بقعـا يحتـرنـه يوم قرب سمـع لـه صـوت مـن العلـه يحنـا=حصل امه عندها ضيف يقـول المـوت سنـه قـال يمـه قالـت عيونـي مـن الدمـع انعمـنـا=قال ابويه قالـت اطـوال النصايـب قـد خذنـه قال واختي قالت اقفى القوم باختك مع ظعنا=قـال ربعـي قالـت اسنيـن المجـاعـة فرقـنـه قـال جيتـك قالـت ان المـوت مـا ظنـي تونـا=واستلمهـا نـازع الارواح روحـن مرجهـنـه ثم صاح من التفرق صيحـة اللـي فيـه جنـا=دق صدره وانطوى من حر ما به طي شنـه كـل هـذا حــال قـلـب مــن خلـقـه الله معـنـا=الـهـمــوم يـوكـلـنـه والــروابــع يـوكـلـنـه لـيـه ادور للسبـايـب والسـبـب فيـنـا ومـنـا=النفوس وما تسـوي واليديـن ومـا حصدنـه لا توسدنـا الخطايـا نلـحـق الشـرهـه زمـنـا=مــا جـزانـا إلا عملـنـا والـخـلائـق يثبـتـنـه وسلامتــــــــــــــــكم