الله يمسيكم بخير ومرحبا بك ياللهب=في الليله اللي يتعب الحساب عدنجومها
لكن حاول وابذل المجهود وتنال اللقب=من بين فرسان تفجن النحور سهومها

دام البقا يامحمد العجلان مفتول الشنب=اسبح بغبات البحور الياقدرت تعومها
الياصرفت جنيه يالعجلان نصرفلك ذهب=الناس تبذ جهدها والله يتم حلومها

الله الله
سبلاك من يمي مايلحقهاملام ولاعتب=اعاتب اسبال ماهي سبلا اللهب والومها
اسمك يدل انك مشبب مير تبشر بالشبب=ابشر بما يملا يدينك لانفذت كمومها

استلم استلم

عيني بعينك يامحمد لاتعرضنا النشب= بعض الهروج العوج يارجال وش ملزومها
انامعك صاحي وعرف الذيب لامنه قنب=ليت الجمال الي على الطرقه تبين وسومها

ياطيب عينك يابو عين ماتشاف من الهدب=الله يهنيها بشوف اللي تحب ونومها
زمولكم فيها هيام وبادي فيها الجرب=وانا تراي اجمال اهل الزمل يوم اسومها