مندوب في من عقب النير من غاد=وسمي مطعوم النشاما يباريه
وابن حمد واللي مع الشط بسناد=يذكر مع الحره يوزع رواعيه
والله لوني مـن ورا جسـر بغـداد=أني لكم مثل العمـل عنـد راعيـه

هيه يا اللي لي مـن النـاس وداد=ما ترحمون الحال يا عزوتـي ليـه
ما ترحمون اللي غدا دمعـه ابـداد=جاله زمـانٍ حـرق الدمـع خديـه
جالـي زمـانٍ مـا تهنيـت برقـاد=وقصر الحشا قامـت تهـدم مبانيـه
من يوم شفت الشوق مزبورالانهـاد=ومجلـيٍ عـن دار جـده واهاليـه
وقفه يجر الثـوب للضلـع شـراد=أمشلحٍ ياطا علـى اطـراف رجليـه
الشوك ماله عن حيـا الرجـل رداد=إلا ولا سـبـتٍ قــويٍ يـوقـيـه
يا من يسـوي لـه زرابيـلٍ اجـداد=من المي لو ياطا على القطن يحفيـه
بمشمرخات الهيف بالزحف صعـاد=وكم ماعرٍ من خوف الاروام راقيـه
اخـذ ثمـانٍ مـع ثمـان لـه اذواد=ولا لقـا مـن عزوتـه مـن يلفيـه
وجبه سقاه من أول الوسـم رعـاد=ما حـدرت خشـمٍ ام سلمـان تسقيـه
حيـث أنهـا للمنهـزم دار ميعـاد=ومن لاذ به تقل الحـرم لايـذٍ فيـه
ومصيخ بن فرحان عريب الاجـداد =خلاالعساكـر نكسـه تتلـي البيـه
نكس بهم عامـر ومحسـن وزيـاد=والكل منهم مـا رجـع يـم اهاليـه
وفزنا على شهب الغوارب من غـاد=وكم عيلٍ يبكي من القيـض شاويـه
وجينا جليبٍ صايـرٍ وسـط الانفـاد=بالخمس مع نصف الثمانيـن ندليـه
ليا بن رخيصٍ نازلٍ هـاك الاجـراد=قال اقبلوا وانتم هل الدار يـاهيـه
يا بن رخيص الحضر يبغون ببـلاد=والحيضري بالهـدي يكـره تبدويـه
ونبغي نقارب من هل الجوف خـلاد=وندعي عسا ان الوبل يسقي مفاليـه
واهـل سكاكـا نعـم بذالـة الـزاد=ونعم النكيف الى لفا السيـر طاويـه
اوي والله يا الضويحي مـن اجـواد=ونعم الرفيق الى نصا مـدح اهاليـه
والمدح بدوا فيـه لرشيـد وابجـاد=والكل منهـم سيـف يقطـع بحديـه
وشلنا على حمرٍ طويـلات الابـداد=يـم الشمـال ونيـة الهـور نبغيـه
كـن جيـت بـدوانٍ بـالاذواد وراد=وكـلٍ يزيـن للعشـايـر مـواديـه
واحلوا شرشـوح المغاتيـر لنقـاد=لا دوه الراعـي بحلـو التـداويـه
ليا الشط لي في يمـة الشـط منقـاد=كن الشفلح فـوق موجـات جاريـه
يا ما عليـه مـن مخاليـق وعبـاد=والكل منهم والـي الاقـادر مشقيـه
هـذاك فـلاحٍ وهــذاك كــراد=وهـذا مريـح وساهـراتٍ دواليـه
وهذا يهب الغزل من فوق الاعـواد=وهـذاك يبـرم لـه وهـذا يساديـه
كان جيت لي سوقٍ ورا جسر بغداد=كن الدبـل تكفـان يزهـي لوحيـه
قبة الذهب يا كـود حتـى الزمـراد=يروع قلب المصلحي من مشى فيـه
لا هو بشلفٍ لي ولا هـو بالأمـراد=ولا هو هوايٍ وطاري النفس يطريه
من يوم جانا العلم تحذيـرالاوكـاد=قيل العساكـر غربـوا تتلـي البيـه
وحنا بديـرة مـن يعـدون الأجـداد=هـذا ولـد عمـه وهـذا بناخـيـه
هب الهوا يـا ذاري الريـح وأنقـاد=ويا من يدور قضا حلالـه وأهاليـه
الله يسود وجهكـم يـا هـل الـواد=سود السما كـل الخلايـق تراعيـه
من باب خـدامٍ إلـى بـاب عـواد=ومـن ينتخـي بالضيغميـه أنطاليـه
يا اللي نسيتوا عمل الاجرب وفهـاد=ومن عقب هذا داخليٍ مـن قهاويـه
حتـى الجـراد بالجماعاتنـا سـاد =هـذا مسربـلـه وهــذا مجلـيـه
لو تجتمـع كـل الخلايـق بميعـاد=ألا جـرادٍ مـا لـك الله مصافـيـه
عيسى يقول الحـرب للمـال نفـاد=والمال مـن هبـت نسايـم ذواريـه
يا اللي تقول الحرب ما به لنـا زواد=انشد مسوي السيف هو ليـه حانيـه
يا صار ما يرويه مـن دم الأضـداد=يديـه يــم العرفجـيـه تـرويـه
ولا صار ما مرٍ يزغـرت بالاكبـاد=ترى الموصي يسفه اللـي موصيـه
ولا صار ما ناصل ونضرب بالأحداد=هبيت يا سيفٍ طـوا الهـم راعيـه
ولا صار مـا هـمٍ بصنديـد الأولاد=فالعـن شبـابٍ مـا يبهيـه راعيـه
والله لوني مـن ورا جسـر بغـداد=أني لكم مثل العمـل عنـد راعيـه

اقتباس من مشاركة خالد العويمري (المشاركة 565759) اخوي ابوفهد العويمري الله يعطيك العافيه

اقتباس من مشاركة مبارك نافع (المشاركة 570618) الله يعطيك العافية ومشكور على تكملت الابيات

اقتباس من مشاركة سعد بن حميد (المشاركة 570621) أخي // العويمري بيض الله وجهك على التعديل والتنبيه لمثل هذا ولا هنت وتقبل http://www.ghaaly.com/vb/images/smil...rem/wacko2.gif

اقتباس من مشاركة راس العرب (المشاركة 579135) مشكور اخوي

اخوي ابوفهد العويمري

الله يعطيك العافيه

ومشكور
تقبل مروري

اقتباس من مشاركة الوافي99 (المشاركة 870022) ابو فهد الله يعطيك العافيه

الله يعطيك العافية مشكور على الابداع وتكملت الابيات