|
|
ياارق من شعر واعذب من حكي طفله=ياأغلى من أحب واغرب من يجافيني |
جيت في وقتك مثل ماكنت دايم
............... كل ماتطـــري على بالي تجيـــني |
حسبي على هالزمِن وهُمومه الغرقَـا
...................... وحسبي على ماوصَلْ في مجمل خطابِك |
يومك نويِت الهَجر والصـد والفرقَـا
...................... وأرويتنِي بُعد وأسكنَت الجفَـا غيآبِـك خليتنِي لـ الشقَا والوقـتْ بـي يرقَـا ...................... في مدلهمِه كثيِـر أشيـاء تتشآبِـك زوبعَت عندِي الجهَات وغادَرت شرقَا ...................... غربِي نسيتَه وخُوفي كـان محرآبـك |
لايابعد من سـأل عـن آخـر نتاجـي الشعر يفداك والشاعـر .. وجمهـوره لازلت عايش على طبعـي ومنهاجـي اليا حضر هاجسي غنيّت ل حضـوره ياتاج راسـي لا والله راسـي وتاجـي محبّتك في ضلوع الصـدر محفـوره من غيرك اللي تعلاّ برجـي لعاجـي ووايق على رجم قلبي واسبل شعـوره برجن تعليّت به .. من بـدّ لإبراجـي واخـذت يـوم استويـت بقمّتـه دوره بنات فكري وراك افـراد وازواجـي تدور مسـروره .. وتطيـح مقهـوره عرضتني ل الهـوى ماعـاد يحتاجـي وهزيّت غصن الغرام وطارت طيـوره ودخّلتني جوّك .. وضيّعت مخراجـي وجوارحي معك .. منهيّـه ومامـوره بابور بحري عليـك يسابـق امواجـي وامواج بحري عليـك تسـوق بابـوره اهديت لك راحتك واهديت لي ازعاجي معذور .. وظروفنا ماهيـب معـذروه لا تنبش الخافيه .. منعاً ل الإحراجـي خواطر اهل الهوى خجـلا ومكسـوره متـى تفـك القيـود وتعلـن افراجـي الشيب يزهم علـيّ ويرسـل سبـوره وقّف على رمشي وسولف مع حجاجي وانقل عليك الغلا .. بالصوت والصوره |
يادافع الشعـر لا تنسـاق مـن دونـي مادمت فـي ذمتـي سـجّ القـدم فيّـه خلكّ على نيّتي .. وظنونـك ظنونـي وأنا مـا أغيـرّ عليـك الظـنّ والنيّـه البارحه مـرّت الأحـلام ب عيونـي أحلام سـودا ماهيـب أحـلام ورديّـه تمرّدت وأستباحـت حرمـة جفونـي وراحت على دربهـا عجلـه وطرقيّـه أمسيت أصوّت لها وأصبحت مغبونـي وتفسيرهـا .. بيـن هاذيّـه وهـاذيّـه لو تستحي دمعتي من ضحكة سنونـي ماكـان حطّـت بنـون العيـن ماريّـه اللـي تناسيتهـم .. واللـي تناسونـي بالخير مذكـوره .. وبالخيـر منسيّـه والحبّ لا هزّ صدري حرّك شجونـي وحطبت حدب الضلوع ونارهـا حيّـه أكثر جروحي سببهـا اللـي يحبوّنـي وجرح الحبايب عطيـب وكيّتـه كيّـه تبكي على راسي وتضحك على متوني نفضت خرجي وطاح الـداب والحيّـه وين أنت يا اللي عليك أكوسر لحونـي هيجنت ب إسمك وشلت أغلى هجينيّـه يوم أنت هجسي وحدسي وأصدق فنوني من لامني فـي غرامـك لعنبـو حيّـه شطيّت بي في هواك وزادت شطونـي مع لاهب الشوق بين الشمـس والفيّـه وعلمتني كيف أغيـرّ شكلـي ولونـي وأعيش جـوّ .. الحكايـات الغراميّـه يا سيّد الحب .. معك الحـب مامونـي وأنـا علـى جرّتـك عينـي شقاويّـه مجبور لا شفتني .. ماشي على هونـي حاولت وأزريت لا أكسر قيـد رجليّـه |
سجلت انا اسمك بالذهب في سجلي
وحلفت ماشري بسوق غيرك ولا ابيع جيتك وانا كلي وله بك واهلي اما تجي والا بلاش التلاويع الوقت ماهو دايم منتصفلي ودنياي ماجتني تراها تطاويع تعال شفني واقفِ في محلي خذني من قفار الولع للمرابيع اما تجي كلك وانا اجيك كلي والا ترا مانيب احب التقاطيع |
كل طـاري يمـرّ العقـل عابـر سبيـل..!
.................................. غيـر طاريـك والغربـه بوسْـط بْلـدي..! حلَ صبحك وانا مالي ورى الصبـح ليـل..! .................................. لا تخفّي ضياعـي تحـت ضـمّ اجْسـدي..! من سوالـف ملامحـك الحزينـه دليـل..! .................................. ينطقه صوت جرح ٍ طـول عمـره نِـدي..! لو سمعت بخفوقي صوت[ تكفـى قتيـل ]..! .................................. لا تهمّـك مـدام إن الشـقـى مبـتـدْي..! شدّ حيل الحنايـا مـا بقى فـيك حيـل..! .................................. واعتق الحكي واترك جمْرتك لـ/ بْـردي..! لا تخاف انجرح لا قلت : حـان الرحيـل..! .................................. والله ان جرح عمري قبل اعرفـك مِـدْي..! |
| الساعة الآن +4: 10:48 PM. |
|
Powered by vBulletin® Version 3.8.2
Copyright ©2000 - 2024, Jelsoft Enterprises Ltd.
