|
|
ياوين أبلقى لي مسافات ونحـاش من ذا الهموم اللـي بقلبـي تزايـم أربع سنين وجمرة الفقـد تعتـاش عليك ياقلبٍ عن الضحـك صايـم متكلبش الهـم وسطـك تكلبـاش محطـم ٍ فيـك الرجـا والعزايـم صبرت صبر ايوب لكن على ماش طال الظلام وحضرة الحـظ نايـم |
تبين الجد ياعمري ؟؟ جريء بحبـك ابقـوّه
تبين الصدق ياقلبي ؟؟ احب الجـرأه ابحبـك ورب الكـون ياعينـي تغيّـر قلبـي وجـوّه احس القلب في نبضه أمانـي ودّهـا قربـك ابقسم لك ابحلف لك على وضح النقـا نـوّه ابعطيك الفضا كله ترى شمسي تبـي غربـك ابي قلبك ابي قلبـك ابسكـن داخلـه جـوّه تعالي شوفي المنظر الى جـا قلبـي ابقلبـك فظيعه روووعه الصوره وربـي أنهـا اتّـوّه اموت بمنظر قليبـك عطينـي يدينـك بربـك تعالي شوفي قليبك اخـذ قلبـي بعـد مـوّه على باله يحب اكثر وانا اللي ذابح(ن) صربك انا فدوه لجل عينـك انـا كلـي لجـل حـوّه اموت بضلعي الاعوج اعرف لعْوجْته واحْبْـك ازوّد عوجْتـه حتـى أليّـن ضلعـه ولـوّه عدال ومستقيم اقسم تضيع اشيـا وتشربـك احبك ياعوج ضلعي احبـك مـووت وأتـأوّه وربي شوفي اعوجتك تعـدّل قلبـي وتربـك الا ياميمتي شوفـي قليبـي انطفـت ضـوّه ابدعي لك تأمن لي .. عشاني جيت من صلبك انا كلي لجل كلـك عرفـت الحـبّ وذا تـوّه عرفته من حنانك لا مشت دمعه على دربـك اجل وسط الحشا بسكن وكل اللي تبي سـوّه انا بسكن على كيفي طلبتك قـل انـا احبـك |
لاضاق صدري واتعبني المقادير
ذكرت رجل من الحمـل مايونـي نسل الرجال الطيبيـن المناعيـر اللي بهم ماخيـب الوقـت ظنـي لا يابعد راسي ترى ماني بخيـر دمع العيـون الحايـرة مايكنـي صفت همومٍ في فؤادي طوابيـر لحقت على اللي باقـيٍ وأذبحنـي ينلاف قلبي كل ماهبت عصيـر نودٍ وراها وابـل المـزن دنـي وينلاف قلبي لاارتفع بالسماء طير وابعد بعيدٍ عـن عيونـي وعنـي وقمت أتمنى ليتني أقـدر أطيـر واقـول يالله ياطيـور الحقـنـي نبي نسافر يم ديرة هـل الخيـر اللي لهـم قلبـي شفـوقٍ يحنـي |
دام المهاوي يشتكي حر فرقاي ..مااالي ومال الناس اجمع شتاااته
|
تعبت من كثر القصايد والأشعـار تعبت من دنيا النكـد والتعازيـر تعبت من طول السهر لين الأسحار ياليتني طيـراً بجنحانـه يطيـر مالي جدى والقلب كنه على النـار يالله زبنتك من سهـوم المقاديـر لوعه وصكات وتعازير وأخطـار والسعْد وين السعْد؟مالـه تعابيـر الوجه من سقم الحشا فيـه تغيـار وأسمع بقلبي مثل جـر المناشيـر يالله ياللي كاتـبٍ كـل الأقـدار يالله ياللي عالمـن كـل تقصيـر أسكنتي دنيا بها ضيـم وأمـرار تجعل جزا صبري جنان و تباشير وصلاة ربي عد ماهلـت أمطـار على النبي اعداد مارفرف الطيـر |
آسف إذا لك قلت انسى زماني
مهو بيدي قلبي اليوم ناسيك حبك نسيته يوم قلبك جفاني أبعد وانا أبعد ولا لي بطاريك |
لاواهني منهو جهل طبـع الايـام
يجهل عناها جاهـلٍ فـي غثاهـا ماحار فكره فـي زمانـه ولاحـام داخل فـؤاده علـةٍ كـم خفاهـا ! ((ياقلب لاتحزن )) على مر الاعوام ولايتعبك ماضي السنيـن وعناهـا انسى المصاعب واجعل الفكر قدام بد الليالـي تسعـدك فـي ضياهـا خل الدمـوع وخـل تفتيـش الآلام يمكن مع الايـام تلقـى دواهـا !؟ ولا لا يصيبك من عنا وقتك احطام ارضَ بنصيبك والحيـاة وقساهـا ماانت الوحيد اللي شكا ويل واسقام دنيا على غيـرك تطاحـن رحاهـا ياكم منهـا حـالٍ اليـوم منضـام وياكم مـن عيـنٍ تزايـد بكاهـا وياكم فيها مـن مساكيـن وايتـام ذاقو عناها مااهتنو فـي حلاهـا! وياكم فيها ضاعت احلااام واحلااام مسكين ياللي عايشٍ فـي رجاهـا وياقلب لاتحزن على مـر الاعـوام ولايتعبك ماضي السنيـن وعناهـا |
|
| الساعة الآن +4: 07:30 PM. |
|
Powered by vBulletin® Version 3.8.2
Copyright ©2000 - 2024, Jelsoft Enterprises Ltd.
