مدري ادين الوقت والا ادينك=ودي اشتكي له مدري اشكيه بعتاب
ودي اطيح من التعب في يدينك=اصبحت اشوف الناس من حولي اغراب

قلي من اللي يحمل الهم عني=لاغبت لحظة عن عيوني واقفيت
ليه الصدود وليه كل التجني=اشهد انك في عذابي تماديت
ان كان قصدك بالغلا تمتحني=انت الوحيد بداخل القلب لك بيت

ما بقالي قـلب يشفع لك خطيّه =ذوبـته اجروح صدّك والخطايا
صاحبي بالله لا تعـتب عليّه =العَـتـب ما عاد تاسَعه الحنايا
كلّ جرحٍٍ فات لي منك هديّه =وش بلاك اتخاف من ردّ الهدايا
الله أكبر كيف مالك مقـدريّه =وكل ما تحمله من هـمّي بقايا
لا تمنّيني سَرَاب المهـمهـيّه =الـقـرَاح اليوم ما يروي ظمايا
وان غَدى للحب في قلبك شظيه =وش يقـول اللي غدى قلبه شظايا