ذابت هموم المشاعر .. والهوى قفى سديـم = وانبرت فيني .. هجوس الشعر والطرقه مدا
فاحت دلال المؤده .. وانفحم صدر الحليم= وانثوت فيه الليالي .. وانكفى فيـه الجـدا
ياحبيبي .. ساقني جـرح المعاليـق القديـم= واذبحتني .. عقبك بحور الهجينـي والحـدا

ذيـــرت نـفـسـي .. مــــن ذيــابــن تـقـانــب بالـقـنـيـب = واكفخت فيني هجوسن .. تعطي المخطي عطا
ياصديقي .. جتلك الجزلات والطرقه تجيب = شـعـرن مقـنـد .. تـداحــم مـاظـهـر فـيــه الـخـطـا
باينن وضاح .. شمسه تذبح ظلال الحبيب = لاذكـــر حـلــو الـلـيـالـي .. والـمـحـبـه والـعـطــا
استعيده .. لاتطاول فيني الجرح العَطيب = مدتـه مـدت رشيـدي .. جازلـه لحـم القطـا
نادراً .. سواح يدحر ضيقة القلب الصويـب = يستعيره من .. لفح فيه الهوى عقب البطا

ياصاحبن .. وقتك من الضيق بكاك =ضيقك لفاني .. واجتمـع وانتثربـي
ضيقن تمثنـى .. للمغاليـق فكـاك =جَمّع .. رجاجيل العنـا وانتحربـي
طربق .. فناجيلك وبنّك ومركـاك =وانكَف دِلالك .. واصطفق وانتصربي
ليته .. عن رفوف المعاليـق زكـاك =يامن زمانك .. ضكنـي وانحدربـي

ابك الجفاء .. كم ضرني وأستخفيت = وأقفيت أسولفبه .. وأقلب شجوني
طوعتله شعري .. وللصوت جريت = بصوتٍ .. يهيض .. سامعين اللحوني
ياكم تغديته .. و ياكـم تعشيـت = حتى حسبتـه .. راحـةٍ للبطونـي
سويتبه مظبي .. وعفته وصديت = وأبغضت ناسٍ .. للجفاء يطبخونـي
والحين عنه .. يا صديقي تقافيـت = وخليته لناسٍ .. غـدو و اتركونـي

ياعزتا لك .. يوم بانـت خفايـاك =كل المحاني .. من زعلهـا تعدتـك
وياعزتا لك .. من توالـي سوايـاك =يومٍ تردتبك .. ظروفك وحدتـك

رايق تفاكيري .. من الهم مغصوب =وبه صرخةٍ .. ودي اميَز صداهـا
ضايق .. وكني لابس الثوب مقلوب =من سبت اللي .. ماعطتني وفاهـا