|
. . . . . http://cars-club.maktoob.com/up/uplo...b_47838354.jpg أغلى هدايا يالغلآ جات منك .. عطرك / وجوالك / و كُوبك / و دُبـّـك .. آعيش باشياءك و كنّـي و كـنـّـك .. إتشبّني من شوق / وآرجع آشبّـك ،، مشاعري لا غبت تنشدك : عـنّك .. وانت الدوا للجرح ، يآزين طـبـّـك ،، أنغام صوتك يا حبيبي و فنّـك .. تعزف على اسماعي إذا قلت آحبك ،، ببقى رغم بُعد اللقا / عند ضنـّك .. نصفك / ملاذك / محتوك و مُحـبـّك .. ، . . . . |
النفس البشريه عالم من الصراعات : الرغبه, والضمير .. والخوف , والامان ..الامل , الندم .. الماضي , الحاضر , والمستقبل وقبل هذا وبعده الحفاظ على اوامر الدين واجتناب نواهيه فاعتقد ان السعيد هو من استطاع ان يتعامل مع هذه الصراعات بمايناسبه وان يضع كل جزء من هذا العالم في مكانه
: :: : عندما تأتي أحداث حياتنا بعكس مانريد أو نتوقع .. يفترض بنا منطقيا أن لانتضجر . فحياتنا ليست روايه نجعل أحداثها كمانتخيل. فهذه مشيئة الرب الخالق المدبر ولنقبلها كماهي ونحمده على الضراء قبل السراء اللهم الهمنا حسن الشكر على نعمتك ، وحسن الصبر على بلواك |
عواصـف الحـزن تكسـر كـل ضلـعٍ متيـن لاهي تهاب الشجـاع ولا تـروف ب.. جبـان جتني ومعهـا الألـم .. جتنـي ومعهـا الأنيـن وخذت مابيـن الحنايـا وسـط صـدري مكـان مـعَ شهيقـي تزيـد ومـعْ زفـيـري تبـيـن فقـدت منهـا شعـوري بـالأمِـن والأمــان و لي عين من شوق تبكي وعيـن تبكـي حنيـن للّـي خذتـه المنايـا ساعـة الصـبـح بــان قالـت تـراك أنـت وأيامـك معـي راحليـن ودّع .. وسيرتـك تبقـى ماطواهـا الـزمـان طيّـب وباكـر ب.. يبكـي فـقـدك الطيبـيـن لكـن عزاهـم مصيـر المسْلمـيـن الجـنـان يبكيـك محـراب تسجـد فيـه قدلـك سنـيـن وخطواتك ل.. مسجد ( القطعه ) وصوت الأذان وبيتٍ هَلَـه ماتـوا ب.. موتـك وهـم عايشيـن حسّك ملا كل ركـنٍ فيـه .. عطـف و حنـان كبْـروا تحـت عينـك صغـاره بنـات وبنيـن وأصبح لهـم مـن كيانـك كـل واحـد كيـان وحديقتـه ذابـل بْـهـا الـفـل و الياسمـيـن وغصن الشجر طاحت أوراقـه حزينـه / ولان وأبـواب ديوانـك المفتـوح فـي كـل حـيـن مجلس شرف يدخله مـن كـل مربـط حصـان وجميـع مـن يسكـن بجنبـك يسـار ويمـيـن الله عطا .. يا ( يبه) .. ويوم أخذ صابريـن لو لك في وسط الصـدر قـدر ومحبّـه وشـان واسمك فـي وجـه المعـزّه والطهـاره جبيـن يمنـاك بالخيـر وفعـولـك شـهـود العـيـان عساك مـن صالـح أعمالـك مـع الصالحيـن وتختـار ف..أبـواب جنـات النعيـم الثـمـان تصبح مع الأنبيـا .. وتمسـي مـع المرسليـن ولك بين صحبـة أبـو القاسـم محمـد مكـان |
للحزن في صدري صروح وعمارات
يسكن بها حزني وضيقـي وهمـي مترجمـه فالعيـن كـل العبـارات ممزوجـةٍ مابيـن دمعـي ودمـي |
خويت عروش الكرامه يا مضيف الركاب ولا عاد تلقى السعه في نفسي الضايقـه هذي ظروف الليالي يا عزيـز الجنـاب أقدارها موجعـه لـو شفتهـا رايقـه فقدت بشت الذرى اللي له تعوج الرقاب وغديت فالوادي اللـي جنّـه موايقـه أنفث مشاويح روحي في حلوق الذياب وأهيم من ضيق صـدر وعلـةٍ عايقـه |
الفقد شئ مؤلم للغايه !! وليلٌ لا صباح له !! هناك رحيل وعودة !! وهناك رحيلٌ بلا عوده !! نفقتد الكثير من أمامنا ومن حولنا وبين زوايانا !! ولكن حين تفتقد من تحب ويكون لا ذنب له !!! هنا الألم الحقيقي والمدمر !!! تلك الأقدار التي تغزو بوحشيه ودون سابق أنذار !!! نعم فقدته وهو بين أظلعي روحا ونفساً !!! ولكن جسده قد أحتفى به الثرى ليكن عبقاً أبدياً !!! وشذاً متأججاًً !!! رحمك الله أيها الفقيد !!! |
: في عيني الدمعة و في خاطري شي ، لا أقدر اسولف به و لا أقدر اقوله ! كم لي على الرمضا وادور على الفي مدي لي ظلالك .. على شآن : اطوله كم شي انا اولى به و احسبه وجد لي و يوخذ وانا اعاين بـ يسر و سهوله تبسمي .. و ظروف الايام هي هي ، و نرضى بـ واقعنا و نعلن .. قبوله ! ترى الزعل ماهو بـ لايق لو شوي و ما زال في وجهك ( ملامح طفوله ) |
لاتسوي قصيده وأنت مالك مزاج
تطلع بيوتها لو تجتهد . . بايخه مع هل الذايقه ماراح تلقى رواج لو تحصل قبول . . العالم الدايخه |
لاضاع معروفك مع فلان وفـلان الرجل ما يندّم على شـي فاتـه لن الندم مثل الجفا بين الأخوان أن طال ما تضمن رخا مقبلاتـه خذها وانا عمّك من طوال الأيمان قبل الجمل يظهر عليكـم لهاتـه أنا الذي ضحّى بعمره على شان يحيي قلوبٍ ساهمت فـي وفاتـه |
ياوازع الحزن لاتطـرق للاحسـاس بـاب اتركنـي اواجـه اقـداري بعـذر ٍ سميـن لاتدفع الروح في لحظة غضـب لارتكـاب ما يجعل الخـوف يمـلا مقبـلات السنيـن تعبت من غلظة الواقـع وصـوت العـذاب مامل ّ ميسوره الاسمـاع فـي كـل حيـن مدري لاني توقيّـت الخطـا .. بالصـواب ولا لاني عـن الشـك .. اعتليـت اليقيـن لا الوصل يقدر ينسينـي حديـث الغيـاب ولا اجمـل الصبـر يقتـاد المعاليـق لـيـن القى لقيمة سؤالـي عنـد غيـري جـواب يعطيني الحق في بيع اعـذب الصمـت ديـن غريب واحاول اكسـر حاجـز الاغتـراب في كـل مايدحـم الواقـع بجمـب ٍ متيـن عن ساير الركب من بدري عقلت الركـاب واخترت بعد النظر مذهب .. والاخلاص دين وش ذنبي ان طالت آمالي حدود السحـاب او فكري اناخ رحلـه فـي ذرى الفرقديـن ياما على قسـوة ايامـي بسطـت الجنـاب وياما على الجرح مـررت احترامـي بليـن حتى اصدق ظنوني الي طاح دونـي وخـاب ادليت له دلو ماء .. ما ادليت له دلـو طيـن ياوازع الحزن خذ مالـذّ لأمـرك وطـاب الله على ماامتلكـت مـن المشاعـر يعيـن لوان في النفـس حيـل ومتّسـع للعتـاب صنعت للعذر وجـه .. وللمشاريـه عيـن صعب اني اظما واشوف الماء وريث السراب والاصعب ارضي غروري في كـلا الحالتيـن |
مشكور . يالبارق اللي ما صدق نوّه صحيح ما العن من الهقوه .. ليا خانت ما عاد فيها حيا وانعدمت ( الخوّه ) الناس جاها بلا . ونفوسها شانت ما كنت ابي شي .. كان الدافع . مروّه وعهود عاهدت فيها نفسي . وصانت دون الخوي ما ذخرت لوقتي وسوّه شف وشكثر .. شالت متوني ولا لآنت مانيب ندمان .. مير الجرح يا ( قوّه ) عزاي ياكم رجال من ( الوفا ) عانت يا صاحبي .. كان باقي لي طلب .. سوّه اللي حصل شي هين !! هقوه و خانت لا جيت ( بير ) الصداقه ( دمّه ) او ( طوّه ) هانت لك اشياء بس ( النفس ) ما هانت :: |
http://www.hathaathar.com/myfiles/khaled/kebreyaa.jpg http://www.mergab.com/up/uploads/13004419565.gif . . . والله أن الصد جرحٍ مـن الـوزن الثقيـل كل جهـدٍ فـي مداواتـه يـروّح سـدى غابت نجوم السما تيـه والمسـرى طويـل وأنت صوتٍ غاب صوته وضاع مع الصدى والحقيقه ماعلى الوقـت شـيٍ مستحيـل كل مـا راحـت علينـا تعذرنـا فـدى . . . |
تاهت خطاوينا .. ولاعاد ندري الحق وين .. ووجهة اقدامنا وين ! احد ٍ مغرد خارج السرب بدري واحد ٍ يفكر .. كيف غرد الى الحين ؟ |
كثير ..،
من شعري ماهو منكتب فيك تنفيس عن بعض الحزن و " الكآبه " و تفائل ..، آحيان ، وخيال ٍ يناديك ! و آحيـان لـ مْجرد ( جنون الكتابه ) ولو إني ..، أدري بـ إن شعري يوفّيك ! ( حقك ) كتبت لك و قتلت الرتابه لكنّ ..، حبك فوق وصف ٍ يجاريك أحبـك بـ ( صمتٍ ) يزيد الصبابه ! ( لك حق ..، تزعل ثم لك حق نرضيك ) زعلك أنا وشلون مـ احسب حسابه ؟ ماتدري ..، اني كل مـ أغيب أداريك يا واحـدٍ ربي ، وهبك [ المهــابه ] اشتاق لك ..، واشتاق حتى لـ طاريك لكـنـّي آحيانـا ً ( أخاف ) اقترابه ! عندي ..، مبادئ تختلف عن مباديك حتى و لو قالوا كثير [ نْتشابه ] غريب ..، طبعي مثل غربة [ لياليك ] يا حلوك ويا حلو معك الغرابه يا حلوك ويا حلو معك الغرابه |
رد آلخبر يآ سآقي آلدمـع .. عنـي من يطرد أفرآح آلليآلـي .. وجدهـآ أصبر مدآم آلجرح فينـي .. و منـي و إرفق على عيـنٍ جفآهـآ رقدهـآ الله يجآزي من عطيـت .. و خذلنـي و أقفى عن دروب آلغرآم .. و جحدهآ غآب و تمآدى بـ/ آلغيآب .. و غبني روّح و أخذ معه آلحيـآه و رغدهـآ خـلآ حيآتـي بيـن هـم و تـدنـي يوم آلمحآني صبرهـآ مـآ حمدهـآ مآغير أصب امن آلمدآمع .. و أدنـي و أصيح من ظلم آلسنين .. و نكدهـآ ليت آلموآجع لآ سـرْن مـآ يجنّـي و آللقى مرآبيع آلسعـآده .. بعدهـآ |
لـو كـل دمـعٍ ليـآ جبنـآه .. رد آلبعيـد مآ كآن شفت آلمحآجـر جفـت دموعهـآ رآح أكثر آلعمر و إجروح آلحنآيآ .. تزيـد يآ مل روحٍ تنـوح .. و لآ هـدآ روعهـآ وين أنت .. مآني على فرقى عيونك .. سعيد أزريت أكن آلمدآمـع فيـك .. و آفوعهـآ لولآي أعوم آلقصآيد .. في بحرهآ و أجيـد يمدي عروق آلخفآيآ .. طآحـت ضلوعهـآ تعآل يآ قلبـة أيآمـي .. و كـل آلرصيـد آلعين تضمى .. و نفسـي كآفـرٍ جوعهـآ |
احلام عمري تلاشت والوفا حاير وايامي المقبله دارت دوايرها البعد جاير وقطع المترفه جاير والعين جادة على خدي عبايرها تفرق عن الغيد بالتوصيف ومغاير مثل القرى والمدينه في عمايرها لا كن ظرفي وظرفه نيشن وعاير على الحشا المشترك وازريت اعايرها جتني علومه مع اللي جا ولا خاير قال اسمع اسمع ونصاني سعايرها قدة معاليق قلبي والغلا ثاير والثوره اللي بصدري كيف اسايرها ودي بشوفة عيونه لو على الطاير ياشوق انا طالبك عطني بشايرها تراك غالي وحبك فالحشا ساير رحم شفوف(ن) تصفي في خسايرها |
شمس الغلا شارقه والغيم داهمها يعني غلا مختلط مع شوق ومجمع في وسط صدري يهل احساس ناظمها شرايد(ن) ماتبا تلميع وملمع تكت على القلب وثر القلب عازمها عن غيرها صك باب الحب ومشمع مالوم قلبي ليا منه تغانمها ال جادل اللي رقت لوجنسها خمع مثل الرجال الكريمه في مقادمها اقولها قول واللي يسمع يسمع |
يامشرق النور شعشع وإكسر الظلمــــاء يطرب لك الكون من شرقه الى غربـــــه * أحتاج لك مثل ما أحتاج الهوى والمــــاء ومنك العذآبات عنـــدي كلــها عذبـــــــــه * أشبع وأجوع بغرامك وأشربه وأظمـــاء وأعيش في مجتمع وأحــس في غربــــه * تحتار فيك الصفات و تصغر الأسمــــــاء ويقبل عليك الجريــــــح يقبَــل الحربــــه |
بمناسبـة مـزح النسيـم بشعـرهـا والشمس معزومه على حفلـة الغنـج والعطر سـادر فـي بيـادر زهرهـا من غرة محـرم الـى نهايـة الحـج والقلب مرهي ميـر مـا كنـه أرهـا مادلهـه لفـح الجديلـه ولا ســج عصريـة ٍ خالـط نـداهـا خـدرهـا نسناسهـا غربـي ومزناتهـا بـلـج لديت ابـروي ناظـري مـن نظرهـا والشـوق يـدوي بالمعاليـق ويلـج واشيب عينـي مـن تكسـر اعبرهـا يـوم اتمقلهـا وانـا موقفـي حـرج كـن الحمَـار اللـي يشـع بنحرهـا حبـات رمـان ٍ تساقـط علـى ثلـج كـم ونـة ٍ بالصـدر جابـت خبرهـا وكم سهرت نجمه وكم ذوبـت مهـج مانـي لحالـي ذابـل ٍ مـن سفرهـا ويصيح من فرقـا المظاليـل محتـج حتـى المرايـا واحشتهـا صـورهـا ترزم عليهـا مثـل ماتـرزم الخلـج حوريـة ٍ قــل الـكـلام بثغـرهـا يكفيك عشر سنين ماتسمـع الهـرج ينبت بصدري مـن تهـذرف مطرهـا روض ٍ ورا روض ٍ.. ومرج ٍ ورا مرج جتنـي وانـا قبـل الوعـد منتظرهـا شوقي لها صهوة وشوفي لها سـرج استغفـر الله مـن خطايـا سهـرهـا والعـذر لله ثـم لعيونـهـا الـدعـج |
لو انّي اترك عنآن "النفـس" لاهوآهـآ مآ أضمن عوآقب "تمآديهآ" ولآ اضمنهآ لكنّي أحرص على "نفسـي" ودعوآهـآ ومآحطهآ في "موآقف" في غِني عنهآ ! |
ساد الحزن والهمّ في شتى البقاع وين السعادة والفرح مالـه نديـم الهمّ صاحب والفرح صاير سبـاع كشّر بنابه من بعد غـاب الكريـم كن الحزن مرخي على العالم قناع والكون عذرا طاعت الذكر الحكيـم وشلون ما نبكي بعد مات الشجاع وشلون هل نبكي على غير الزعيم يابوي لو كان البلا يشرى يبـاع كان اشْتريته مير ما شوفك سقيم ماجا مثيلك أو بقـدر المستطـاع من شان هذا ما بكي شخصٍ عقيم حال المقابر في صراع وْ في نزاع ياودّها يصبح لها شخـصٍ مقيـم من دون شاره دون عزله ورْ تفاع يعرف ليا زرته وسط ليـلٍ عتيـم يالله يـاربّ السمـاوات الفضـاع تكتب لها الجنه وغفـران وْ نعيـم |
http://z7mh.net/up/uploads/8c2f5a7fa1.gif
اشوفك هنا وهناك لكن كثير احيــان اشوفك على وجه البسيطة بلا تحديد |
الصراحه (روح) والواقع (جسد) والجسد مطعون والطاعن يديه منطق الرجّال عن فعله يسد وهقوت (العقّال) ما تنصى (سفيه) هيه ياللي ما وراك الا الحسد فزعتك مثل المرض محدن يبيه لا تبرع بدمك كان دمك فسد ولا تزهل بشي منت قادر عليه تجمع المخزون عقب انه كسد الخبل وهو الخبل ما يشتريه |
سبحانه اللي يدوم وغير وجهـه مـادام
بأمره يمـد الشفـاء والغمّـه يزيلهـا العالي المؤمن العـدل الكريـم السـلام الوالي اللي جميع الخلـق والـي لهـا أعوذ به من شرور الجن وبغض الأنـام ومن عقدة أهل العقود ومـن محابيلهـا ما يحذفون الحـلال ألاّ عيـال الحـرام ناس ٍ نغزها بليس وقـام يومـي لهـا اللي في قلبه صدا واللي في خشمه عرام وكبودها سود مدري ويش اسـوي لهـا الحمـدلله زان الحـال والحـظ قــام ولدن لقـاح الليالـي وأحملـن حيلهـا بانت وجيـهٍ تبادلنـي غـلا وإحتـرام وغابـت وجيـه ٍ تجاملنـي بتمثيلهـا والحيّه اللي تشيل السـمّ والسـمّ سـام أقـرا علـى راسهـا وتـردّه لذيلـهـا مابيني وبينكم يا أهـل الضغايـن كـلام ألاّ الفلق .. وآيـة الكرسـي وترتيلهـا ولا حلّقت فـالظلام ألاّ طيـور الظـلام واليا انتفض ريشهـا شبّـت قناديلهـا شكري على البندقيه والفشق والحـزام وأم المفاتـيـل تنجيـهـا مفاتيلـهـا واقف على حيلي وهجسي طواه الحيـام عسى القصيده معي تآقف على حيلهـا تقول بيني وبين الشعـر نقطـة نظـام من يردع اهل المثايـل عـن تماثيلهـا والنبره اللي في صوتي من ثلاثين عـام أطيـح واحطّهـا .. وأقـوم وأشيلهـا ترادفت واستقامـت والطريـق أستقـام وأستقتهـا حسـب معناهـا وتأويلهـا الضبط والربط لو ما جاء على مايـرام الجابـه المايلـه مـا يعتـدل ميلـهـا عز الله اني قنعت من الهـوى والغـرام وسرّتني اللي على ليلي .. سرا ليلهـا ! حمامة ٍ من لحنها غيـر كـل الحمـام أمسيت معها تغنيّ لي .. وأغنـيّ لهـا يا شين حبٍ يجي بين اللحـم والعظـام ما يجني مـن الضلـوع ألاّ محاصيلهـا يا صاحبي لو نقول الطـقّ فـك اللحـام طقّ المواليـف مـا يقطـع مواصيلهـا وشلون ما أهتمّ بك وأنته محط إهتمـام ومحبّتك في ضميري مسـرج ٍ خيلهـا أربط حزام الأمان .. الخوف ماله حـزام وأخفض جناح الموده لين أعـديّ لهـا تعال يكرم جنابـك يـا عزيـز المقـام بلاش مـن طـاري الدمعـه ومنديلهـا أقول أحبك وأنا صـادق علـيّ الحـرام لازال غيـث المشاعـر دارجٍ سيلـهـا أما أستملني غلا .. وألاّ عليك السـلام لابـد فرقـاك تاصلـنـي مراسيلـهـا |
ياليل لـو ماثمنـت روحـي جمايلـك وعطـاك
ماكان من بـدري تقاسمنـا البسـاط الاحمـدي ياليل يوم ابدي عليك اسرار قلبـي مـن غـلاك لاتنتحـي عنـي وتتركنـي للامـر بمـفـردي انت الوحيد اللـي لـه الحـق يتمتـع بأنتهـاك ماطاب له من زاكي آلامي .. ومن فيض جهـدي معك اقتل شعور الخجل .. واغتال عمر الارتباك واجرّ صوتي لين احـرر كـل قيـد ٍ فـي يـدي الله عطاني من مفاتيـح الكلـم .. والله عطـاك رحابة ٍ تملا مقـام سهيـل فـي عيـن الجـدي على جبينـك كـل ليلـه ودّي افـض اشتبـاك جوارح ٍ بالوجد تمشـي بـي .. وبالهـم تعـدي مالي ملاذ امرر اوجاعـي علـى متنـه سـواك وانت اجودي .. لكن ضيق النفس ماهوب اجودي يضفي علي من العنـا مايملـك الحـال امتـلاك في حينهـا بـدءاً بروحـي وانتهـاءً بجسـدي اصبحت مابين التعب والضيق كني غصـن راك اقلّ شي يبيّـن اوراقـي .. ويخلـف مقصـدي لله ياقلب ٍ كثر ما اعطيت مـن صـدق اعتـراك جرح تهادى بك علـى درب الغيـاب السرمـدي في ظل عاتية الرياح .. الصبر مايقوى الحـراك والعين عيّـا دمعهـا للحـزن الامثـل يهتـدي مافيه شـي ٍ يجعـل الانسـان عرضـه للهلاك الا الشجاع ليا استطاع ..وخانـه الحـظ الـردي |
.
. بعض الموده بالوفا مالها ساس .مجرد /الاشواق تحصيل حاصل عطني /وتاخذها من الراس / للراس تعال) /ما احتاج النقط / والفواصل تحتاجني / واحتاج نبعد عن الناس بفضل طريقه )دعمّت للتواصل ركز على ما حط من بين الاقواس ان كان ودك يا اتلع الجيد تاصل |
لـه فقط ....! شكراً جزيلاً ، و آسف أن كان قصرت انتي كتبتي لي حـروفٍ [ ثمينـه ] عطره و من نفحة ، شذاها تعطرت وغلب على ظني بـطيبك يقينـه ! غلاك في ، قلبي لو إنـي ماعبـرت والركن [ ركنك ] يا اجمل متابعينه يمكن لاني ، بـالسعاده تظاهـرت او يمكن انتي [ عمد ] تتجاهلينـه ومن بعد ، حللتي حروفي تأثـرت و تحولت من شوكه لـ.. ياسمينـه |
أمّـا غنـاة الـذيـب وإلا فـقْـرها لاغبيـاء دايـم كــذا مبـداهـا مـن لايرتـب مايـبـه احتـقْـره عايش مـع العالـم علـى عماهـا رتب أحـلام العمـر فقـرة فقْـرة ولاتخلـي أولهـا يصيـر اتلاهـا وماخط في وجه الزمان أنت أقْـره واقسي الدروس السـود لاتنساهـا (1)اللي يشوف بنص عينه حقْـره يهيـن نفسـه والبشـر مارضاهـا (2)ومن يترك الْسانه على اول نقْره ويحاسب اصحابـه بكـل أخطاهـا وأبسط حقـوق المعرفـه يفتقْـره يــدّور أصحـابـه ولايلـقـاهـا (3)واللي يهد بكـل وادي صقْـره يمكـن تجيلـه حـيّـة ماجـاهـا (4)ومعزبٍ ماقـراك لاجـاك أقْـره وأهـل الـردى بالفعـل لاتجزاهـا (5)واللي يدوّر عند غيـره وقْْـره مايرضـي العالـم بحـب ألْحـاهـا (6)وراع أنّقره ما يحب جو النّقْـره لـو قطّعوهـا مــدح مايبغـاهـا والو اليهود أختـاروا ايّـة بقْـرة ماشح فـي تـال الزمـان أحلاهـا ولو راعي الناقـة توخـر عقْـره يمكـن تمـوت الناقـة ابمفـلاهـا |
سيد الأخلاق كنز الصدور اللي وسـاع كن وسيع الصدر واطلب من الله يشرحه لاتضيق وتنفعل من خطا بعض الرعاع ويش لو يخطي عليك الضعيف وتسمحه الشجاعه لا تواجه بها غيـر الشجـاع فارسٍ يستاهـل إنـك تقـوم وتنطحـه فارسٍ ماتنقـده فـي لسـان ولاذراع لوتشب الحرب بينـك وبينـه تمدحـه الحريب القرم مثل الشجيع من السبـاع ذيب تعجبني وصوفه وانا اريـد اذبحـه واستحي من ذكر عثرات شيال المتـاع لو رمح مانيب مثله على شان ارمحـه الشقي دايم حياتـه نـزاعٍ فـي نـزاع ضيقته في الصلح وإلا المشاكل تفرحـه مايجنب عن طريقـه قناعـه وإندفـاع ويتعدوالك لـو إنـك تحـاول تنصحـه مثل هذا لوتشوفه علـى درب الضيـاع ليت مايسمعـك لاقلـت يالله تصلحـه إبتعد عن ضيقة الصدر قدر المستطـاع وإحفظ شعورك من اللي يحاول يجرحه وإن عطيت السر ناسٍ تثق فيهـم وذاع لاتلـوم اللـي لياجـاه سـرك بيّحـه لوم نفسك يوم فرطت في سرك وضاع تفضحه وتضيق لاشفت غيرك يفضحـه وإعرف إن أيام عمرك نزولاً وإرتفـاع يوم يرقى فيه حظـك ويـومٍ يطرحـه يوم يرقى الحظ تلقى جماعه وإجتمـاع كـل رجـالٍ بكفـه تلـوح المسبحـه ويوم ينزل كلهـم يرحلـون بـلا وداع لاإنتهى دورك ولاعاد عنـدك مصلحـه أكثر العالم يعيشـون تمثيـل وخـداع مشهدٍ يعرض ودنياك هـذي مسرحـه شوفنا عقب التجارب وصلنـا لإقتنـاع ليت بعض اللي كتبناه نقـدر نمسحـه |
الشعـر ثـوره للأحاسيـس ومكامـن للـدرر والجيّد مْن الشعر تَنْقلْـه الـرواه اعـن الـرواه وانا سبحت وعمت بالتفكيـر فـي غبّـة بحـر واخرجت درّه من درره تقـول يامـال الغنـاه احسب حسابك وانزل بْمنـزل رفيعيـن القـدر ولاتمشي الا في طريـق يعـز رجّـال مشـاه واليا انكربت وهمِّتِك حاجه وضاق بْك الصـدر والاّ انظلمت وظالمك طاغـي ولاتقـدر عـلاه والاّ مرضت وحلِّ بِك ماحلِّ بك وادهى وامـر والاّ فقدت من القرايب شخص ياماكبـر غـلاه والاّ وقعـت بمشكلـه عظمـى ولامنهـا مفـر لايدخل الحزن الضلوع الحدب ويسـوّي سـواه الحزن ياخذ مِنْك ماياخـذ مِـن الارض الدهـر يقطع خضار فروعهـا ويشـلّ شريـان الحيـاه لكـن ليامنّـك بغيـت الحـل حـلٍّ مختـصـر حلٍّ يِحلّ المعضلات ولاانتـه بْحاجـة وصـاه إرفـع يدينـك للسمـا وارج العظيـم المقتـدر اللـي بيَـدْه الأمـر كلّـه مبـتـداه ومنتـهـاه المعطي اللي فضـل جـوده بالعطايـا منهمـر الفضل فضلـه والعطايـا كلبوهـا مـن عطـاه الناصر اللي لانصـر عبـده بِنَصـره ينتصـر تخضع له الدنيا وتسجد له على الأرض الجبـاه كلّم كليمه وانفجر صلب الحجـر اثنـي عشـر عينٍ لقا في نبْعهـا الضميـان مايقطـع ضمـاه واسرى بعبده ليلـة الاسـراء وانشـقّ القمـر نصفين في منظر عجيـب ومعجـزه للـي رآه واجرى منَ البحرين بحرٍ فيه من طعـم النهـر عذبٌ فراتٍ سائغٍ والبحـر الاخـر مِلْـح مـاه ولايفصل الاثنين فاصل مـن سِمِنْـت ولاحجـر متجاوريـن ولاتخالـط بعْضهـم بامـر الإلـه سبحانه اللي لاأمر يرضـخ لأمـره مَـنْ أمـر الأرض أرضه والسمـاءِ بْكـل مافيهـا سمـاه وايات ملكه فالسما والأرض ماتحصـر حصـر محسوسها وملموسها فيها الدليـل ومـن قـراه يؤمن بانّـه لاالـه الاّ هـو اعظـم مَـن ذُكِـر واجلّ واسْمَى مانْطِقتْ به كل الالسـن والشفـاه الواحد المعبـود رب العـرش خـلاّق البشـر هل تعلم لْمثله سَمي . جلُّ وتعالـى فـي عـلاه من غيره اللي شيّدِ جْبالٍ جسدهـا مِـن صخـر ومن غير اللي بامْره البدر اكتمل واشرق ضيـاه ومن غيره اللي لايبس عقب الضما غصن الشجر أحياه واورق والخضار بْلونـه الزاهـي كسـاه ومن غيره اللي صوّر الانسان في أحلى الصور واوجَدْه مِن ماءٍ مهين ومن كـرم فضلـه حبـاه ومن غيره اللي يِفْرِح المحزون ويزيـل الكـدر ومن غيره اللي مايخيّـب كـل مخلـوقٍ رجـاه الله وحـده واطلبـه والقلـب خاشـع منكسـر وادْعه ومن يدعي كريم المـد حقّـق لـه مُنـاه هذا الصحيح اللي سمعته واسمعه يامن حضـر وعلّم بـه اللـي فـي حياتـه ماتحقـق مبتغـاه الله أعظم مُـن رُجـي والله أعظـم مـن ذكِـر واجلّ واسْمَى مانْطِقتْ به كل الالسـن والشفـاه |
ازريت اغني وانا طرقي وعابر سبيل في خاطري حاجة ٍ وازريت لا اقولها / ماغير اهوجس وادير الفكر في كل ليل اخاف من كلمةٍ ماهي علـى اصولهـا / الصدر يزداد ضيق وحمل قلبي ثقيـل والله حسيب الليال العـوج واحمولهـا / مازال عندي على اللوعات قدره وحيل لو زاد نزف الجروح اللي مضى حولها / مابين بذر الجميل وبين حصد الجميـل غطت علي الوجيه البيـض بفعولهـا |
يا رب أنا مذنـب و تايـب و ندمـان=و من خشيتك دمعي علـى و جنتينـي ذنوبي أكبـر مـن أبانـات و ذقـان=لو كـان مـا هـي للخلايـق تبينـي قفلـت مـن دون المخاليـق بيـبـان=و لا انقفل بـابٍ مـا بينـك وبينـي سنين و أنا اتبع هـوى كـل شيطـان=سنيـن غافـل و اتـبـع الغافليـنـي يا رب لـو ذنوبنـا ريـح و ألـوان=ما كـان حالـي يعجـب الناظرينـي و ان ما حصل لي منك عفوٍ و غفران=هِلِكـت يـا ربـي و تبـت يديـنـي لولا الرجا في رحمتك و أنت رحمـن=اليـأس يمكـن للقـنـوط يحديـنـي لكن أنا مؤمن رغـم كـل مـا كـان=بإنـك يـا ربـي تقـبـل التايبيـنـي رحمتك ما ضاقت على الإنس و الجان=و يامـا غفـرت ذنـوب للمذنبيـنـي سترتني مـا يـدري بعيبـي إنسـان=و أخفيـت زلاتـي عـن الشامتينـي و قابلت عصياني بعطـفٍ و إحسـان=و أمهلتني رغـم المعاصـي سنينـي و يالله يا معبـود يـا عالـي الشـان=يـا محصـي التاليـن و الاوليـنـي تغفر ذنـوبٍ حاصرتنـي بالأحـزان=و يـارب تقبـل توبتـي و تهديـنـي دعوت ذليلٍ ساكـبٍ دمـع الأعيـان=و لا له رجا الا رحمتك يـا معينـي و صلاة ربـي عـد مـا هـل ودان=علـى محمـد خـاتـم المرسليـنـي |
باسم الكريم اللي كساني ثـوب ستـره واكتسيـت=سبحانـه المعبـود يـا الوالـي ولا غيـره ولـي اللـي عطانـي العافيـه واللـي عطانـي مابغيـت=واللي منحْنـي مـن فضايلـه الكثيـرة مـا يلـي: الشكر لك والحمد لك وانـا بمـا تقسُـم رضيـت=يا اللـي تفـرّج كربتـي والهـم لضاقـت علـي خلقتنـي مـن نطفـةٍ حتـى تمكّنـت ونشـيـت=واوجدتني فـي أحسـن التقويـم شكـل وهيكلـي تسعة شهورٍ عشتها فـي ظلمـة البطـن ولفيـت=اقبلتْ في الدنيـا.. يدينـي مـن مطامعهـا خلـي ونمّيتني وقـت الطفولـة ليـن باقدامـي مشيـت=واعطيتنـي قـوة شبـابٍ( لا فـنـي ولا بـلـي) حفظتنـي واطعمتنـي واسقيتنـي حتـى رويــت=واعطيتني الخمـس الحـواس المعجـزات الذهّلـي كوّنتنـي واهدتينـي درب الهُـدى حتـى اهتديـت=وقسمت لـي رزقٍ علـى طـول الحيـاة يجّملـي علمتنـي بالعلـم حتـى إنـي تعلّمـت وقـريـت=شرحـت صـدري للشريعـه والكتـاب المنزلـي يسّرت لـي ديـن النبـي الهاشـي لـه وانتميـت=افضل نبي واشـرف نبـي وآخـر نبـيٍ مرسلـي وهبت لي مال وبنون ومجد مـن فضلـك وصيـت=وامّنتنـي فـي عيشتـي وامّنـت لـي مستقبلـي سهّلت لي عسر الأمور ومـن فضايلـك اغتنيـت=لطفت بي واسعدتنـي فرّجـت لـي .يسّـرت لـي تعفو وتصفح عن ذنوبي كل ما اخطيـت و هفيـت=يا كثـر هفواتـي وذنبـي بيـن علمـي واجهلـي أهفو وأغفل عنك واذنب وانت عنـي مـا غفيـت=تُعطي الذي يٌخطي وتعفـو عنـه وايضـا تمهلـي تعلـم بمـا يجـري ولاغيـرك ترّجيـت ودعيـت=مـا لـك شريـكٍ ياعظيـمٍ تُمـهـل ولاتهمـلـي تسمع دبيب النملـة السـوداء وتعلـم مـا نويـت=محصي الشجر محصي البشر محصي النجوم الزحّلي ياعالـم مـا فـي البحوروكـل حـي وكـل ميـت=عالم لغـات الطيـر يـا مُحيـي العظـام الهُمّلـي انت الرحيم انت اللطيف انت الخبير انـت المُقيـت=انت العزيز انـت الغفـور اللـي تجيـر المبتلـي انت المُعزّ انت المٌذلّ انـت العفـو اللـي عفيـت=انت الشكور انت الحسيب انـت الرقيـب الأوّلـي انت السميع انت البصير انت الرؤوف اللي عطيـت=انت الوكيل انت القويّ رحمـن وامـرك يحصلـي انت الودود انت الجليل انت الكبيـر اللـي قضيـت=المقتـدر والمنتقـم والـرازق لغـيـري .ولــي انت البديـع الخالـق البـاري تسمّيـت وسميـت=القـادر الوهّـاب والمعـتـال فــوق المعتـلـي انت المهيمـن والغنـي والبـرّ والعـدل اعتليـت=يا الباسط القابض يـا وارث يـا مجيـب يُسألـي رب السمـوات العُلـى بديـت باسمـك وانتهيـت=يالله عفـوك يـوم اروح القبـر وافـارق هـلـي ما لي سوى رحمتك يا ربي وفـي وجهـك لجيـت=رحمتك يـا ربـي ولا جهـدي ولا طيـب اعملـي يا رب يا تواب سامحنـي علـى مـا قـد جنيـت=ذنبـي إليـكَ صاعـد ُوخيـرك إلــيًِِ نـازلـي والله لـو تظمـت لـي مليـار فـي مليـار بيـت=في نعمةٍ وحده وفي خيـرك وفـي فضلـك علـي إن ما اعتبر نفسي شكرت ولا مدحـت ولا ثنيـت=وانا الضعيـف اللـي بدونـك لا مقـام ولا صلـي هذا وباسمك خاتمتهـا مثـل مـا باسمـك بديـت=سبحانك المعبـود يـا الوالـي ولا غيـرك ولـي |
السنين اللي عطاهـا.. نسبتـه دايـم قليلـه=تشرح اوضاع البشر ..ويبين للعاقـل خبرهـا كل يوم يغيب.. ويظّلم علـى الدنيـا بليلـه=هكذا الايام دايم .. شمسهـا تحـرج قمرهـا في طريقي شـي واحد..ماتغيـر نظرتـي لـه=جعل عينٍ ماتحب الوافيـه .. يعمـى بصرهـا سال سيل الوادي اللي.. مبطيٍ ماسال سيلـه=وارتوت منه الغصون اليابسه .. واروى شجرها مير باقي ديـرةٍ بـالأرض ..مازالـت محيلـه=مرها المزن وتعدى جوّها .. واخطـا مطرهـا |
حدَتني ذكرياتك ياقـدم رجلـي علـى المشـراف=على بحر القصيـد ودرّةٍ تبـدا بخمـس حـروف بدا في عيني المرسى بعيد وفي يـدي المجـداف=واقيس الموج واقرا الريح وادرى الخاطر الملهوف ذكرت ايـام مرّتنـا سريعـه والقلـوب انظـاف=قبل ما يزرع ابليس الصدور ويجنـي المقطـوف أكل سبع السمان الاوّله فالوقـت سبـع عجـاف=ويبست في مزارعنا السنابـل والطيـور تحـوف ولا ياالسيف وش باقي لنا فـي ذمّـة السيّـاف!=ومن يدفع ثمن دم الضحايـا والعـذر مخطـوف! ياليت الخوف بـرّى ذمّتـي مـن ذمّـة العـرّاف=ولو انّ السالفه فيها شجاعـه مالحقنـي خـوف وانا قلبي شجاع ولايهـاب .. وخاطـري خـوّاف=ولساني عاقل .. وراسي عنيد .. وهاجسي ملقوف أسافر واطلق عنـان القصيـد ولاعلـي خـلاف=ثقه ماهي غرور ومن عرفني ما انكـر المعـروف لو انّ الظـن لاحقنـي ظليمـه فاكثـر الأطـراف=لكنّ الله يجازي مـن ظلمنـي والعبـاد تشـوف احبّ الصدق واعـزّ الخـوي واقـدّر الانصـاف=ولا اكره غير من دسّ الحقيقه في كفنه الصـوف وعيوبي ذنب وذنوبي عيوب ، وكامل الاوصـاف=بعد ما جابته بطن الحياه ولا اصبـح الموصـوف حقيقـة مجتمعنـا العنكبوتـي شـي ماينشـاف=لو انّ اللعب صاير فيه من فتره على المكشـوف لكنّه مجتمـع مايعكـس الواقـع وفيـه اجحـاف=مجـرّد ساحـه تلـمّ البشـر وتحـرّر المكتـوف |
ثلاثة اعوام ادور مـن خيـار البحـور=اللي يوضح شعوري فالورق ل..انكتـب ماجيت اسجل حضوري في سجل الحضور=اغيب مالي سبب واحضر وعندي سبـب في كل الاغراض اوثق سيرتي بالشعـور=ارضى بوقت الرضى واعتب بوقت العتب ما ادوّر اللي تحت سـود النوايـا يـدور=اعرّض الريح صدري والهبايـب تهـب متواضع ، الا امام اللي بنفسـه فخـور=انا وريث الفخـر وانـا عريـب النسـب واللي تبع درب الابره في قماش الظهور=شوه قماش الظهور وضيع اللـي كسـب الشعر كله مجـرد فضفضـه للسطـور=لو حرر القدس ، ماجمع قلـوب العـرب حنا بوقت السلاح اللي يصيـب ويثـور=يثور وسط البحر ويثور فـوق السحـب وان قاله الله ليحـرق نابشيـن القبـور=ويبقى وطن مكه وطيبه علـى مانحـب حنا عيال الصحابـه ياعيـال الجحـور=مامركم غير قطره من مـزون الغضـب لو مقتدى حرض اتباعه بلطـم الصـدور=حنا لطمنا الخشوم اللـي تثيـر الشغـب ابناء الاسلام دون الدين والارض سـور=اقلوبهم من حجر وانفاسهم مـن لهـب احمد نجادي على الاسـلام دمـه يفـور=يبغى لفارس وجود ونبع فـارس نضـب لو قام في قم واخذّه فالسـواد الغـرور=عبدالله يقوم فـي مكـه بسيفـاً حـدب في خير بقعه وخير امه وخير الشهـور=سود العمايم بغوا ، والنار تبغـى حطـب |
دقيقه قبل آقول إن الوداع يغيّر الآحوال=ويسقط دمعة الرجال من قلبه ومن عينه تعالي وإسمعي صوت السكوت وصمتي اللي قال=بأنّه يرفض التوديع والتلويع ويدينه هدوئي لا يغرك يختفي في عالمه زلزال=وزلزاله يخفي بين طياته براكينه أنا اللي مالعب في مبتدأ عمره مع الأطفال=ولا حس الحنان ولا شعربه في شرايينه لإنه طفل لكنّه يعيش بداخله رجال=طموحه غير لو إن الطموح يموت في حينه وبعد مازاد عمره صار له بين الرجال إجلال=كسب بالفعل حسن الصيت وإزدادوا محبينه ودخلتي في حياته وإبتدأ فالرحله الرحال=وطار الطير في صدره ورفّت لك جناحينه وطفولته القديمه جالها في داخله موال=ومارس شيطنة لعبه وغنت لك شياطينه لعب معك أبجديات الغرام وعلّق الآمال=وعرف معنى الحنان اللي جهل معنى عناوينه وصار أكبر طفل لو كان مايحسب من الجهال=طموحه تشتبك مثل الصغار .. يديك ويدينه يشاكس ويتشبث ويتدلل .. والدلال أشكال=ويفرح كل ما زاد المواصل بينك وبينه براءة كلمته تكشف لك اللي يختفي فالبال=ولا قال لك "أحبك" لين حسّ إنّك تحبينه على يدينك تعلّم كيف ينحت للغلا تمثال=وكيف يغني الإحساس من شعره .. وتلحينه رسمك وصارت اللوحه من وصوف الحلا تختال=وحبّت ريشة الرسام .. لعيونك تلاوينه هذا ماقلت وإن قلتي بقاءك والغرام محال=اقول "بحزن " جعل الخير تفتح لك ميادينه عسى الله يسعد أيامك وساعاتك على أيّة حال=وعسى الله يلهم القلب الحزين الصبر ويعينه ولكن / قبل هم البين ياقف بي على الآطلال=دخيلك حبنا اللي كان لا تكفين تنسينه |
الحب .. طفل ٍ نما بين الضلوع وكبر=ما الله خلق له من الاعداء غير الفراق إن عاش ماهوب تارك في الحنايا شبر =الا أستحلّه وفاء , نظره , منادم , عناق وإن مات كفّنته جفوني .. وعيني قبر=وغمّضت .. والدمع دم ٍ غالي ٍ ما يراق ياكثر ما آخذ من الدنيا دروس وعبر =لكن عجزت أدري ان الصبر مرّ المذاق كم لي وأنا اصبر ؟ ومال الصبر غير الصبر=وأعالج الإشتياق .. بـ لهفة الإشتياق ! |
رحمك الله يا ابو رشيد وأسكنك فسيح جناته ...
|
| الساعة الآن +4: 11:19 AM. |
Powered by vBulletin® Version 3.8.2
Copyright ©2000 - 2024, Jelsoft Enterprises Ltd.
