سيرتني برضاي ما قلـت لـك ويـن=معك على موج الهـوى قلـت يـا الله
وش غير هذا أعطيك يا كامـل الزيـن=روحي فـداك أطلـب وخذهـا تدلـه
مادام شوفـة طلعتـك تكحـل العيـن=وما همني غيرك وش اللـي حصلـه
نسيتنـي الماضـي ونـاس كثيـريـن=وما كن فـوق الارض غيـر إنـت لله

عمرك قضيته يااصدق الناس لناس=والناس هي اصدق سبايب جروحك
اذا بقى في قلبك الصادق احساس=اللي بقى من حب خله لروحك

السما والغيم والما والاماكن=كلها تسال عيوني من خذاك
هو خذاك الوقت عن عيني ولكن=ماقدر ياخذ من ضلوعي غلاك

لا يهمك شيء لو حولي كثار=ما ملك غيرك هواي و مركبي
تدري ليش القلب لك عنده وقار ؟=لأنه فيك أشياء تسبيني سبي
وتدري ليش أحب قربك بـ إختصار=لأنك أنبَل شخص مَر بـكوكبي
وتدري ليش أشوفهم جداً صغار ؟=لأني حيل بعيد عَنْهُم يا غبي

اسامح وادري اني بالجفا مبطي وانا المقصود=وانا اللي لو من اولها جفيتك يمكن اشوالـي


على هونك توقا ماهي بكيفـك نعيـم العـود=تحاسبني وانا اللي راحت ايامي على الخالي


حرام تضيع من عمري ليالي مالهـا مـردود=تعابيـر الشماتـه شفتهـا بوجيـه عـذالـي


انا ماني بعاجز لو بجازيك الصدود صـدود=يضيق المنزل بغيـري ولا غيـرت منزالـي


كريم النفس حتى بالمشاعر لاعطـاك يجـود=على كثر العطايـا مانشدتـك ويـش يبقالـي


تمهل واعرف اللي راح لا يمكن عليك يعـود=خذاه الوقت لاتستنقض المبطي مـع التالـي