عارف بصدقك ولا به من يزودك
وقدري والله قد عرفته من عطـاك


ادري ان الحزن في بعدي يسودك
مثل حزني يوم انا دمعـي بكـاك


وادري بظرف ٍ تقـواك ويقـودك
لا سقى الله يوم عن عيني خـذاك


لا يا عمري ما شكى قلبي جحودك
او شكى ظلم ٍ وزوّدتـه بجفـاك


ما شكى الا من عذابك في قيودك
يرتجيك يكون لو لحظـه معـاك


امسحي دمعك امانه عن خـدودك
ما حصل شي ٍ مقدّر لك وجـاك


كان هالدنيا خذت منـي وجـودك
تتعب الدنيا لجـل تاخـذ غـلاك

اذا غبتي احس الكون تغيّـر بـه مفاهيمـه غريب وتايه بديره واحس النـاس باعونـي
سرحت بفكري من بعدك لقيت بجوّه تعتيمـه ولقيت الناس ما قدروا عن غيابـك ينسونـي
رجعت لواقعي بصرخه يا ريمه انتي يا ريمه دخيلـك لاتخلينـه خفـوق ٍ فيـك مفتونـي
خفوق ٍ لك من اوتاره عزف اروع تقاسيمـه وبحروف ٍ لجل عينك تغنت بأجمل لحونـي