ماهو مطر هذي سوالف من الغيم=سالت خدود الارض ساعه قرتها
محتاج اشوفك حاجه الارض لديم=ارفق على ارض غيبتك دمرتها

يابرد قلي وانا في هاجسي غارق=النار هي في الحطب والا ورى ضلوعي

تدري وش اللي رفع بالحيل مقدارك=وخلاك تسوى جميع الناس بعيوني
وخلاني انشد عن اول واخر اخبارك=والوم منهم على حبك يلوموني
واقول للي يحاول يكشف اسرارك=تبطي عظم ماكشفت اسرار مضنوني
انه على الصدق دوم يسير مشوارك=بيضت وجهي وخابوا من يعذلوني

اعشق طيوفك ياسحابي وانا جيك=و اعشق سواليف المطر من شفاهك

لا يزعجك صمتي ترا والله اغليك=وترا الغلا ماهو بكثر السوالف

ياما كتبت اشواق في بعض الابيات=اطرب على شعري والا حساس فيني

شوقي سفينه والمراسي عيونك= في معمعه فكري تلاقي لك بلاد

جدك ومزحك والزعل والمشاريه=ياحلوها لو هي ترا احيان مره
مادامها من روح قلبي وغاليه=احبها لو كان منها مضره