سعادتي بالكون دايم معك انت=انت الغلا والناس عقبك توالي
عطيتني لاهنت لاهنت لاهنت=حب(ن) على مر الزمان متعالي
وفيت لي غصب(ن) عن الناس واعلنت=حب(ن) سكن بين الضلوع النحالي
دنياي دايم مايحليه غير انت=انت الوحيد اللي لك القدر عالي

الموادع ليل ... والفرقا ليال=ومابقى لي غير شعري والظروف
والله اني ماتوقعت المحـال=لين شفت البعد في عين الهنوف
لابغيت تصد وتشّد الرحال =لاتودعني.. وانا عيني تشوف

وين انت ياللي حدتني من يديك السلوم =الاشواق ماتنحصر في شكل ، ولا حجم ..
شفني بغيابك تخيلت القصايد / رجوم ،=ومن غبت راقي رجم .. ولا بروح لرجم .،
الله .. يا لي مع قلبك علوم .. وعلوم=ما جت صدور العرب ولا صدور العجم ..
ارتاح من راحتك .. واسهر معك كل يوم ،=واضيق من ضيقتك وليا انسجمت / انسجم
وينك تراني زهقت من السما والنجوم ..=اظهر وخل النجوم تغيب .. يا اجمل نجم ،

أنا أدعوك ياعالم بغيب الليال السود=قريبٍ مجيب ليا تكلمت توحيني
تغفر الذنوب اللي لها فالكتاب شهود=ياربي لما بريتني من يبريني
أنا عبدك المحتاج وأنت اللْه المعبود=وفيك الرجا ياخالق آدم من الطيني
ألا ياللْه أبعدني عن الشك والمنقود=وستّر عيوبي يوم نصب الموازيني
لاصارت عظامي هيكلٍ في لحد ملحود=من اللي بيذكرني ليا صرت ناسيني!!

فتحت قلبي بس مـن شـان لا ضـاق=قلبك يفل القلب معلـوق معلـوق ..!؟
وفهقت موقي لك على شرف الاحـداق=وكل ما غفى موقي الاقيه مفهـوق ..!؟
وشلعت صدري لين مـا اتناثـر اوراق=وصاح بخفوقي عرق ياصاحبي فُوق..!؟
بـلاش بحضورالغـلا نطـري فـراق=خلنا نسولف بس عن لهفة الشوق..!؟