![]() |
|
إن جيت ارجوك لا يطري عليك الغياب ..!
وإن غبت تبقى وسط قلبي وبين أضلعي ماتدري إن الهموم فوسط صدري حراب لاغبت تنهش وسط صدري وتسهر معي تعال خل المسافه .. والعتب والعذاب تعال ضم الحنايا ضَمّه .../ بلا .. وعــي |
لو دريت إن ( الزمان ) يجر رجلي ما عديت
ولو دريت إن ( البحور ) بلا مواني ما سبحت كنت أشوف الناس مثلي كل ما جعت و ضميت ما دريت إن الأوادم ناس فوق وناس تحت |
ياحارس العمر باقوا العمر وماتدري=ماقلت لك لاتنام وذا الزمن صاحي اعطيتك أيامي وأمـّـنتـك على عمري=نمت وعطيت الزمن بابي و مفتاحي |
يـا صـاحبي وان بـعـثـروا لك شعـورك=لا يخـذلك شـبـاك الاحـلام وتـطيـح كـم كـنت ارتـب في غـيـابك حضـورك=وكـم كنت اسـولف عن قصـتـك للمـراجيـح |
على بالي طريت وكيف ماتطري على بالي=وأنا اللي مستحيل أنساك في حلك وترحالك على بالي تجي غالي وترحل دائمـاً غالـي=عزيزٍ عزك المولى وصار العـز مدهالـك تدلل دامـك الأول ودامـك يابعـد حالـي=وهبك الله مشاعر مـن تخيـرك وتعنالـك تعال ولايهمـك هـرج عذالـك وعذالـي=تعال اجلس قبالي لاتكـدر صاحبـي بالـك ترى ماكل شخص استقبله وأشرحله أحوالي=ولا كل البشر عندي مثل قـدرك ومنزالـك |
هن حاجتين اللي تؤدي دائماً إلى الجنون=ضيم الليالي والحبيب ليا بخل في كلمتين |
نخطي ونذنب ونتحجج بالاقدار=ياقدارنا ربي يعينك علينا نستر وراك الذنب ونقول باصرار=العيب فالاقدار ماهوب فينا حنّا كذا نضعف بسرعه وننهار=كن الزمان لوحدنا مبتلينا يا طيبنا يوم انتسابق بالاعذار=وياسرع ماننسى الخطا لابغينا |
أحيان .. نندم .. من كلامٍ .. نقوله .. !
وأحيان .. نندم .. ( ليه .. نسكت .. عن القول ) الله يعين الحرف .. لحظة .. هطوله .. ! أنا .. أشهد .. أنه .. يكشف .. عقول .. وعقول البارحه .. والليل يرخي .. سدوله .. ! من ضيقتي .. ناديت .. يارب .... لآ .. حول ! |
الساعة الآن +4: 05:35 PM. |
|
Powered by vBulletin® Version 3.8.2
Copyright ©2000 - 2024, Jelsoft Enterprises Ltd.