اقتباس من مشاركة اخو شبطى شباط (المشاركة 2808068) لاتظلم حظك انا مريستي على الحد امرسها ماتسمع البيت اللي يقول من سطم لو جاه زاده مايذوقه = له ثلاث ايام مطعومه مريسه

يا وطن لا تهل أدموع عينك غبن = مات نايف وحنا ( نايف ) ابكل حال
جعل مثواه يا ربي بجنة عدن = كل نفس ٍ تذوق الموت ما به جدال
أسس الامن والعالم تعيش بأمن = ناصر الدين شيال الامور الثقال
لو ( نايف ) يقدر فالوطن بالثمن = يرجح ابكفة ٍ فيها جواهر ومال
الخبر فاجعه للناس قبل الوطن = والصبر شيمة الطيب وقو أحتمال
يا وطنا تراك بخير وقت الفتن = دونك أعيال ( نايف ) للمواقف رجال
ما يهزك هروج راجها بالعلن = كل حاسد تمنى نعمتك للزوال
دربنا درب ( نايف ) في زمان المحن = نكسر ايدين عدوان ٍ تحارب بلال
يا وطن غن في موته بصوتك لحن = لين أقول الك موته فالحقيقه خيال