لاني غشيم ولا مفهي ولا درج = ياللي تجيب الحكي منعاج نصه
أعلمك لكن ما تفهم الهرج = أمغلف ٍ قلبك وبذنيك جصه
وان ضاقت الحيله وصار الوضع مرج = اعرف ترى سيفي لسانك يقصه
لو البقر ينفع ليا لّبس السرج = كان البقر هالحين وسط المنصه
ما هي حصن تفتك فالموقف الحرج = ولا هي ذيابه كل درب ٍ تقصه
واللي سكن بالقاع ما يعرف البرج = بينه وبينه البرج خمسين حصه
وأنا تعديت الاوادم بلا خرج = وتركت لي في كل ميقاف قصه
أثبت ورمحي فالمواقيف له زرج = خاتم ذهب ما ضاع فالوقت فصه

اقتباس من مشاركة مصفي المرح (المشاركة 2799584) صح اللسانك عزالله انك تطربني واحرص على متابعتك لكن عندي ملاحظة . وهو خارج نطاق القصيدة . تقدر تسمية وصف او ( معلومة ) تطرقت له في هذا البيت ... واللي سكن بالقاع مايعرف البرج ملاحظتي على كلمة (( سكن )) .. لو استبدلتها في كلمة >> اقل ,, افضل