الظروف أحيان لو تقسى تعين=لو تراجع شبر تمشيلك قدم
لا تضايق ما تشين ألا تزين=من صبر يكسب ولا عمره ندم
لا تلوم الحظ و تلوم السنين=حتى لو حظك في عمرك ما خدم
جامل أيامك و لا تبقى حزين=من صواديف الزمن لا تنصدم
القناعه والرضى كنزٍ ثمين=لا تضجّر لو ظروفك تحتدم
وحّد الله وأقطع الشك بيقين=الله المعطي خلقنا من عدم
صل صلاتك وأد حق الوالدين=وواصل اللي يقربك لحمٍ و دم
وأطلب الله يرزقك دنيا ودين=من بنى لرضاه بيتٍ ما أنهدم
عش ولا تنسى في عمرك حاجتين=الله ويومٍ ما ينفع به ندم