إفتح شبابيك الهـوى جيتـك اليـوم
بإحساس من زود الوله عده يطيـر

جيتك مثل طفلن له أيـام محـروم
عن حضن أمـه أبعدتـه المقاديـر

وجيتك مثل عودن له أيـام مهمـوم
وده يلاقـي بأخـر الوقـت تقديـر

وجيتك حضن عاشق وهايم ومغروم
وده يضمك لين تصبح علـى خيـر

متى تحس إن الهوى شـي مقسـوم
من قسمة الخالق على خلقه يصيـر

يااامبعد عن شوفة العين لابأس
ابنتظر ولو فرقتنااا الليالي
لو لا الامل مابه حيااة مع اليأس
انت الوحيد الذي ذكرتك من الناااس
ولا ذكرتك كل شي طرااالى
ليتك تناجي بالحشا صدق الأحساااس
وتشوف ايش سوي غيابك بحااالى...


( ..... )

اي مجامله تحبين الشعر
جاتني متبهذله تصررخ :والله أحبك


أرحم قلبي الهايم وفيك مفتون


ذبحتني بطيبتك وبصدق نياتك وحسنك


ليتك تشوف القلب وشلون مجنون


رديت بكل فرحه صدق قلتي أحبك؟


قالت : اكيد احبك واعشقك بجنون


قلت لها طيب لحظه وريني رقمك


قالت: الله يابختي بتكلمني عالتلفون؟


قلت : لا بس اقصد ترتيبك بين ربعك


قالت:أي ربع؟ترتيب في الحب شلون


انا أحبك انت وش فيك وش قصدك


قلت القصد فيه غيرك يابنت مليون


قالت:أها طيب عطني فرصه وأثبت لك


يمكن اقدر اعمي عنك كل العيون


قلت المعذره صفي طابور أحسن لك


وخذي رقمك بالدور قبل لا ينتهون


قالت أحبك ! قلت : موذنبي ولاذنبك


الذنب ذنب اللي بسرعه يحبون


قالت خلاص اسحب قلبي من حبك؟


قلت ادري كذا انتو يالبنات تملون


قالت لا مو قصدي بس انت ماودك


قلت اسحبي وانابسحب معك سيفون


قالت يازينك ويازين نظراتك وثقلك


قلت الثقل يموت مع اللي بصدق يحبون


قالت ليه وش فيك علي موهذاطبعك


قلت يابنت الحلال ماودي بس لخاطر ذيك العيون


قالت : فيه احد بقلبك تحبه ويحبك؟


قلت لانــورهـ تقول أكتب وخلهم يتضايقون


فكرت مع نفسي وقلت لخاطر قلبها ابكتب لك


لأني احبها اكثر من كل اللي بيقرون


وســــــــــــــــــــــلآمتكم يا اختي

الـم وش عـاد باقـي بيـن طياتـك مـن الأحـزان
متـى هـي آخـر أحزانـك ؟؟متـى آلآمـي تبدلهـا
ومات الشايب اللـي محتمـي روحـي عـن الغـلات
ومـات الشايـب اللـي بالغـلا روحــي مكبلـهـا

ومـات ومابقالـي غيـر ونــاتٍ بـأثـر ونــات
أون ليـاذكـرتـه ونـــةٍ تـدمــي بلايـلـهـا

وإلا لديـت ماحولـي بعـده إلا أســوأ الـحـالات
جهشـت مـن البكـا ليـن العواطـف فيـه أبهذلهـا

رحـل راع العزايـم واللزايـم راعــي الوقـفـات
عـسالله يرحمـه وأدعـي عسـا روحــه يحللـهـا

ياليت الهاتف اللي جاب صوتك مااتجيه قطوع
ياليتـك ماتفارقنـي ولاتـطـري توادعـنـي

أبيك تسلي الخاطر وأسلـي قلبـي المفجـوع
بعد فرقاك يـوم إن الليالـي منـك تقطعنـي



لو إنك شفتني بعدك وانا عينـي تهـل دمـوع
لو إنك شفتني يوم الفـراق الصعـب يفجعنـي

ترى حالي بعد فرقاك حال التايـه الموجـوع
غريب في ديـارك والـدواء ماعـاد ينفعنـي



ولاينفعني إلا شوفتـك او صوتـك المسمـوع
بعـد ماضاقـت الدنيـا بوجهـي لاتلوعنـي

أبا أسمعك صوتي وإنت كلمني بكـل أسبـوع
أمانه كل راس أسبـوع صوتـك لايقاطعنـي



تشوف الأرض لاجاها الحيا واستبشرت برجوع
تراني مثلها صوتـك علـى الدنيـا يرجعنـي

تجي مثل الحيا وسط الصحاري والحيا متبـوع
يبل القاع وإنـت تبـل ريقـي بـس تمنعنـي


وترى مافيه عيب إني عشقتك والهوى مشروع
لو إني خابر إنك منت حولـي بـس تسمعنـي

أنا لاغاب صوتك صرت من كل البشر مقطوع
ماشوف إلا انت مخلوقٍ على الدنيـا يمتعنـي



متاعي في حياتي والرجا في شوفتك ممنـوع
عسـى ربـي يمتعنـي بصبـرٍ مايضيعـنـي

أحبك والمحبه تختلـف مابيـن نـوع ونـوع
وحبك نوعه النـوع الشديـد اللـي يروعنـي



أحبك بالمسامع والمشاعر والضمـا والجـوع
وبكل احساس صدقٍ بالمحبـه فيـك يجمعنـي

واصعب من صعوبة حبة الرجال راس الكـوع
وانا ياما نهيـت القلـب عنـك ولايطاوعنـي



تغيب وتتبعك دقات قلبي بين غصـب وطـوع
وانا مابين بعـد وقـرب ويـن الله موزعنـي

أكيد انك بعيد ولايبي لـه بحـث هاالموضـوع
لكن القلب لامنـه سمـع صوتـك يشجعنـي



يشجعني على التفكير فيك ويجـري الينبـوع
مثل مجرى العروق بدمــه والشـوق يدفعنـي