|
|
ودى أجـيلك ومتردد من أسبوع ودى ولكن خـايف(ن) كيف ردك أخاف تحسب جيتى لك بها خضوع وتزيد فى كــبرك من الغيظ هدك * ما أكذب عليك أن قلت لك منك مفجوع يـا قـو باسك كيف طـولت صــدك * يلوع بى همى.. وأناديك.. ويلوع قلبى سـبايب ما جنـيته بيـدك وش فايدة صوتى أذا القلب منزوع والمشكـله مانى على جـال حدك غصب(ن) نقلت الجرح ماهو على طوع وأصبحت ندك .! كيف أنا أصبحت ندك؟ ياسيدى مانى على الورد مدفوع لا صار ما تاوى لمنهو يودك ولا صار مغوينك حواسيد وربوع ما طاب شئ(ن) فى هواهم يشدك أسقيت زرع الصد وأنبت له فروع وحطيت راحة يدك من تحت خدك وخليت عذال الهواء تدفن الجوع فينى وتروا من مشاريب عدك مدخلك بالله لا يقولون مخدوع أرفق عساها ذكرياتى تردك وأن كانت الرده مثل حبت الكوع !! الله حسيبك والليالى.. تضدك |
صدق إنتهينا لكن الحب باقي
ما هو بإيدينا لا انكتب يوم الفراق يمكن تلاقي وأنا يمكن ألاقي شيء يصبرنا على جرح الأعماق نبعد و فينا نار شوق و تلاقي صعبة علينا نلتقي بليل العشاق أدري حبيبي ان قلبك يشاقي وأدري حبيبي والله كيف لا صرت تشتاق إن كان لي عندك غلا بالفراقي عيشني بذكرى في ذيك الاوراق وأكيد عندي لك غلاااا بالفراقي بأشتاقلك والله واشتاق .. واشتاق ..... |
جفت دموع العين من كثر مبكيـــك *** والنوم عيني من فراقك جفاهـــا قاسي ظروفي ابعدتني وانا ابيــك *** ارجي عسى الفرقا قصير مداها ياصاحبي لا تختلف هقوتي فيـــــك *** لا لا يغير بعدنا في صفاهــــــا ياكود فرقا صاحب(ن) لك مصافيــك *** من جربه ياناس يشكي عناهـــــا كانك سعيد(ن) ياعشيري اهنيــــك *** جعل الليالي لك تجود بهناهـــا تستاهل التقدير بالروح أنا فديك *** تفداك روحي يا غلاي ومناهـــــا يا قلبي سعدني وحقق امانيـــــك *** واتحمل القسوه تقطف جناهـــــا واسعد مع الي عن همومك يسليـــك *** وإنسى الهموم وما مضى من شقاها |
http://www.3bir.com/m/files/23116.gif
أنا يابحر ماجيتك فضى ولشوفتـك شفقان أناجيتك أبنـــــسى الياس وبعض الهم يباريني على جالك انا جالس اسامر موجك الغضبان أسولف له عن اوجاعي وعناي وغربه سنيني علامك يابحر غاضب علامك تصرخ بكتمان اناجيـــــــتك ابشكيلك وابي منك تواسيني أنا مثلك بحر لكن وسط نفسي انا غرقان ... تعبــــت ابحر مع نفـــــــــسي واسالها انا ويني انا محتار في وصفي ومع نفسي انا حيران انا لاقادر افهمـــــــها وهي تجهل مضاميني أنا مليت من حزني وتعبت ابحث عن السلوان ولاضــــنيت به شي عن احزاني يسيليني احس ان الحزن عالم بحورة وصحوة ووديان ******** |
يآرجفتي والبرد يبغى له بلآد ، يآغربتي والعيد طعمه بلآ روح .. اليوم عيد وليلة البآرح سهآد ، مآعدت ذآك الطفل أبو ضحك ومزوح .. كن آلسهر يآخذ من عيوني رقآد ، وكن القلق يآخذ من لسآني البوح .. أمشي وأحس النآس من حولي أجسآد ، وأغيب في صمتي واشآرف على النوح .. أهيم في صدفه على غير ميعآد ، من كثر يآسي قلت للوقت مسموح .. مآأدري أتوه أو أهتدي بس الوكآد ، منفآي مدري موطني حذفة جروح .. غريب تآيه وإن لقآ صوت نشّـآد ، قلت إيه هذي غربه أعيآدي تلوح .. أكذب وأسمي غربتي غربة أعياد،لكـن عسى الله يرحم الحآل والروح .. دآم الجسد في بلآد والروح في بلآد ، والله لأحصّـل غربتي وين مآأروح .. |
أبي منهـو عطآكـ الحقـ تحرمنـي منـ ‘‘ النسيـآنـ ‘‘ .. و أنـآ منـ عـآدتي لآمنـ نويتـ أنسـى / قدرتـ أنسـى ! أثر بعض الغلآ لآ زآد عن حدهـ يصير ’’ ادمآن ‘‘ .. مثل ما / أعمى / غلآ صخر وفرآقه اخته الخمسة انا مآ ودي افآآرق عيونك وارجعك ‘‘ خسرآن ‘‘ .. وانا مآلي بعد مرسى عيونك يالغلا / مرسى / علامك .. كل ماقربت لك خطوة تروح’’ اوطان ‘‘ .. علامك .. كل ما لينت لك راسي تصير/ اقسى / ! علامك .. كل ما غنيت لك ياطائر ‘‘الاشجان ‘‘ تطير ولا توقع لك على غضن / ولا توقع / لك على غضن ولا ‘‘ ترسى ‘‘ |
ياصاحبي وإن غبت عنك " ليالي " غلاك باقي بــ الحنايا ولا راح تبي أسولف لك ، وش اللي جرالي ؟؟ أخاف يمسح قولنا الصبـــح لا لاح أجل تعال أجلس هنيـّـا قبــالي دام الحطب طاح وكثير العتب طاح لو كل شخص إليا عطيته وفالي ماكان بــ الدنيا حزن ليل وجراح ولو كل غالي قدّر إحساس غالي ماشفت ذاك الدمع من محجره ســاح ولو كل قلب من الحسد جاك خالي مايشتكي من شحّ الأمطار فــــلاّح ولو كل واحد جاك طبعه مثـــالي ماكان بــ الدنيا سجن ناس وإصلاح ولولا الذنوب اللي بـ كبر الجبالي ماكان جيش الكفر لــ بلادنا إجتـــاح ولو الردي يعرف شــ معنى عيالي ماقطّ أبوه بـــ دار الآلآم يـــــــا صاح هذا بعض حزن السنين التوالي طير الحزن مبطي على خافقي ناح ما أقول أن الخير ماله مجالي لآ والذي يفلق من الليل الإصبــــاح لكن هنا بعض الألم ياحلالي وأنا أدري أن العود يوم أحترق فاح أول أقول إني صبور وشمالي واليوم لآ والله أنفجر سدّي وبـــاح ماقلت لك ياذيب خلّني بـ حالي هذا أنت ضقت وأذكرك جيت مرتاح |
لحظه وطن..! مادامك اليوم مهجور ............ بآمنّي المنفى ....\ وِ أنفي الأماني...! . طاحت من اكتاف التعب [ اربع شهور ] ............وصاحت من اتعاب الكتوف .. \ السواني..! . وصار الحزن شباك ..والصمت ديكور .............وبْكاي .. [ ترتيلة مطر ] .. للمواني..! . والدمع شمع.. ومعظم احيان [ بلّور ] ............يتمرجح اهدابي.... ليا من بكاني..! . كلْ ماأغني يختنق [ صوت عصفور] ...........وكلْ ماسكتّ .. تْموت فيني [ أغاني ] ..! . وكلْ مامكاني يجْفِيَ [ اصابع النور ] ...........أشعل اصابيعي .. وِ أجفى مكاني..! . ومن كثْر مانا [ طاغيه ].. حسّ وشعور .............مابي هلي يدرون ... اني أعاااني..! . أطلع ابَرْوز [ ضيقتي ] فآخر السور ...........إيلين تبكيني ... السكك والمباني..! . وارجع و ِألقى ياوطن.. ضيق منثور ..........إسمع... ولا تنثر دموعك ..عشاني . طفْلَتْك ماتملك سوى .. [ حلْم محصور] ..........و[ شويّة العاب ] ... \ وحكايا مواني ..! . تحْضِر غياب وتلْتحف..:غيبة حضور ...........ينسونها ... وتقول : محد ٍنساني..! . وعلى كثر مابلّل اطرافها ... [ النور] ..........تفرد أصابعها .. وِ [تطفى ] معاني ..! . وعلى كثر ماتترك الصبح [ ممطور] ..........تذبل ... لأن الصبح دايـم .. [ أناني ] . مامات من [ برد الصباحات ] .. عصفور ..........بس هيّ [ ماااتت ] .. من كثِر ماتعاني ..! |
| الساعة الآن +4: 03:29 AM. |
|
Powered by vBulletin® Version 3.8.2
Copyright ©2000 - 2024, Jelsoft Enterprises Ltd.
