أنا بيني وبينك سالفة عشق الْجِذِرْ والسّـاق
يَا أَغْلاَ مَنْ يغيب ويفرح الوجـدان بقدومـه
تِبَسّمْتي:ضحك ثَغْر السنين وكـل جـوّي راق
تكدّرتي: عبس وجه الفرح والنفس مكتومـه
(تجين)وتصبح الدنيا(سلام)وتُخْضِـر الأوراق
ويموت الدمع في عين اليتيم وترحل اهمومـه
(تروحين)وتصير أيّامنا جرح:وسهر:وارهـاق
ويتيم الحب يجْلِدْه السهر ويخاصمـه نومـه
يِسَافِر للضياع بصحبة أوجاعه جريح أشواق
يشيل الحبّ جرح وراحة الوجـدان معدومـه
تعالي:أهْدِيْ جروح الضماير ضمـةٍ وعنـا ق
تعالي ياعنودٍ عـن دروب الغَـيَ محشومـه

كتبت الشعر لعيونك وسرجت لغلاك خيول


ومالشعر خانه دام ماأنتي داخل أسطوره


نسيت أشياء كثيره بس ماأنسى يوم فيه تقول


تأكد بعد ماترحل حبيبك تصعب أموره


تعبت أصرخ ليا مني ذكرته كني المهبول


أمانه يكفي من السحر أمانه هاتي الصوره


تذكرت الوداع ولحظة الفرقاء معه ياحول

مثل طفل(ن)تذكر موت أبوه وخانه شعوره

مادام الورق له صدر واسع يضمّ البـوح
أبهدي عيونك بـوح روحٍ معـك ذابـت
انا الليّ قَرِيْتَك ياكتـاب الغـلا المفتـوح
ولك صورةٍ من محجر العيـن ماغابـت
حبيبي وانا فـي غَيْبِتَـك بلبـلٍ مذبـوح
مُعَلَّقْ على اغصان الرجا اللي معك خابت
تصافقني اقداري وانا مرهـق ومطـروح
وعيوني عليك من السهر يالغـلا شابـت
(مسا الحب)يا من تسكنين النظر والروح
(مسا كل نبضة )عرق بغيابـك ارتابـت

والـزهـر لا مـنــه ازهـــر وأنـبـعـث طـيـبـه هـنـيـا
يـاخـذ عـطــورك وظـنــه مـــن عـطــورة عـطــرك
هـذي أشيـا بـعـض الاشـيـا ويــن ابحـصـر كــل شـيـا
لـيــش اعـددهــا انـــا كافـيـنـي احـيــا بـطـلـتـك

عزتي لي من فراقك عسى ربي يعين
ادري انه في طريقي ولو وصلك مديد

صابر ٍ غصبا ورى الخشم لو جرحي مكين
ودي افعل لكن الله يفعل ما يريد!!