احلامنا كلها يقضه ومرفوضه = مايقدر الرجل يحلم لو على فراشه
في وقتنا اللي يعمه هم مع فوضه = وناسٍ على تالي الحطاب قشاشه
هذا زمان الدلع والفن والموضه = واذناب للرؤس خداشه وخماشه

اخذ مني بيان لمن تفضل بيان = في سلامه وانا مني عليه السلام
اشكرك ياطويل العمر يابو بيان = واقبل الشكر مني بأوله والختام

ياعاشق الطيب كلٍ يعشق الطيب = والطيب موجود عند اهله وناسه
لاشك به ناس لاتاخذ ولاتجيب = وكلٍ لبس ثوب ماهو في مقاسه
تغيروا بالزمن بعض الاصاحيب = وصارت على روس الاصحاب انتكاسه
ياذيب ياللي على روس المراقيب = ماضنك تعيش في عز ووناسه
الذيب لامن عوى من يرحم الذيب = الذيب قامت تعشاه البساسه
وياراعي الطيب لاجيت اهل الطيب = سلم على اهل المروه والسياسه
مني لهم كل ماتطلع وماتغيب = سلام من شاعرا مرفوع راسه

حياك ربي يالبعيد الهادي = تحيةٍ مردودةٍ مثنيه
ردك علي اليوم ماهو عادي = شرفتني في كلمةٍ ورديه
فيض المشاعر من كلامك زادي = احييت في نفسي شعورٍ حيه
شكرا وشكرا يالبعيد الهادي = من شاعرا قبيلته عبسيه