قبيلة بني رشيد - ياكثر عالمٍ ما ينحسب صومها

هيه يا اهل المعاني قبل صوم رمضان=فيه بعض العرب مبطي عن علومها
لو تصوم الجوارح كيف صوم اللسان= ياكثر عالمٍ ما ينحسب صومها

[/quote]

إقتباس:

اقتباس من مشاركة مصفي المرح (المشاركة 2391827)

دام صفك حضر والسالفه من رهان = الجنيهات فك الكيس لاتسومها

وانت شاعر ونعرف عشرتك وثمان = السحابه عليك ايسيّل اقدومها

إقتباس:

اقتباس من مشاركة الكابتن (المشاركة 2391838)

حط معدالك وضبط لنفسك مكان=وقسمتك غير والعالم ومقسومها

كان زان إلك مسرى الليل و الدرب زان=لاتصحي عباد الله من نومها

إقتباس:

اقتباس من مشاركة مصفي المرح (المشاركة 2391851)

الرهن كبش في وسط الحلال البدان = والامانه عليك اتجدد ارسومها

وانت معروف لاصوت جالك معان = يوم صوتي من القمرى على نوجمها

إقتباس:

اقتباس من مشاركة الكابتن (المشاركة 2391887)

لاتصلي صلاة العصر قبل الاذان=خايف الناس يلحق حضرتك لومها
ياشيبه المسمى يا شبيه الحصان=انت عزمك قوي والصعبه اترومها

إقتباس:

اقتباس من مشاركة مصفي المرح (المشاركة 2391915)

انت اضنك ماتومن باختلاف الزمان = لليلة العيد لاتجزم على يومها

ابك أنا ذيب (ن) اشهب لاطلع لك وبان = عزوتك تجمع التباع وقرومها

إقتباس:

اقتباس من مشاركة الكابتن (المشاركة 2391938)

كان عندك على غيب الليالي ضمان=اعرف اللي ما بين الناس وهدومها

ادري انك طويل ذراع وان إلك شان= جعل خشمك قدم عزوتك وخشومها

إقتباس:

اقتباس من مشاركة مصفي المرح (المشاركة 2391971)

ماعرف الغيب لكن كل مطعون بان = والصدور امغطيه تظهر اهمومها

وانت وش طول باعك خارج البرلمان = قبل لاتاصل الاخبار معصومها

إقتباس:

اقتباس من مشاركة الكابتن (المشاركة 2392031)

اصبر شوي واكتب لك رسالة بيان=تكبر احلام نفسك نص مفهومها
حاول انك لا تزعل خوتك ما تهان=قومتك واجبك وإن إلزمت قومها

إقتباس:

اقتباس من مشاركة مصفي المرح (المشاركة 2392078)

قبل تكتب رساله رسن ام العنان = قبل تركض على الميدان ويحومها

كل لليلك تعزوى وانت عندك حنان = القساوه بقلبك طاحت اسهومها

إقتباس:

اقتباس من مشاركة الكابتن (المشاركة 2392092)

لاتسولف كذا تشره عليك الخوان = شف علوم الرجال وحاول ترومها
كل ما ضعف علمك قلت قدرك مصان =عند ذمة رجالٍ تحفظ سلومها

إقتباس:

اقتباس من مشاركة مصفي المرح (المشاركة 2392153)

اتنهى الصيف وقفى لاهبه والكنان = ونخلة الدوم مايذكر ثمر دومها

انت شاعر مثالي حزة العنفوان = ودك اتصير بالاخلاق زيزومها

إقتباس:

اقتباس من مشاركة الكابتن (المشاركة 2392176)

ساقوا البن الاشقر طيبين اليمان=ودلتك بنها في وسط حلقومها
كلمةٍ ما تعرفها خلها لزمان=لجل تسلم من الغلطات وسهومها

[quote=مصفي المرح;2392209]

دلتي مايغير طعمها الزعفران = ودلتك لو تزعفر هيلها انشومها

انت فاهم وعارف مير فات الاوان = هات كل الذوارب وانت محشومها

[

إقتباس:

اقتباس من مشاركة الكابتن (المشاركة 2392261)

ودك الرجل لمن عنده العرف خان=ما يتوطا بحور الجهل ويعومها

ظلمة الليل منها يتعب الشمعدان=دمعته تنحدر ما تلاقي كمومها

/quote]

................................................