كل عام وانت بخير وايامك بخيـر=لايابعـدهـم كلـهـم ياغنـاتـي
انت بحياتي شي ثاني عن الغيـر=تقدر تقول : اجمل حدث في حياتي
انت الفرح انت الوفا والتباشيـر=انت امنيه لا والله كـل امنياتـي
دايم افكر لو خسرتك وش يصيـر=وقول دايـم جعـل قبلـه وفاتـي
من قبل اعرفك ماحسبت المخاسير=واليوم شفني ماخسرتك واحاتـي
اذا افترقنا بطلبك مطلـب صغيـر=لاتزورني بين النعـاس ومباتـي
اخاف لاجوني طيوفـك مساييـر=قلطهـم قلبـي تعشـوا ممـاتـي
ماقلت لك طبع الوجيه المسافيـر=ماتغيب وان غابت ليالـي وتاتـي
يعني اذا بتغيب من غير تفكييـر=ترجع قبل لا ينكسر لـك ثباتـي
ولا اخذني معك من وين ماتسيـر=مدامك الدرب الطويـل بجهاتـي
لو نفترض اني وصلت السما طير=احوم حومة حر والريـح عاتـي
المشكلـه انـي بليـاك ماطـيـر=لانك جناحـي للمطيـر ونجاتـي
الطيحه منك تترك اسنيـن تأثيـر=من قال لك ماراح تشمت عداتـي
لا والله الا طيحة الدلو في البيـر=ياكبرهـا منـك الملـم شتـاتـي
وص انت قلبك يذكر الحب بالخير=ولا انـا والله لأقضـب وصاتـي
امانتك .. في داخلك شوفني غير=وامانتي .. لأقربك قـرب ذاتـي
من كثر ماخانت غـلاك التعابيـر=معاك احس اصدق كلامي سكاتـي
لكن تعال وخـل عنـك المعاذيـر=شفني شسوي وسو عقبي سواتي
ارفع يديك لمـن يـرد المقاديـر=وردد ورايـه ماتقولـه شفاتـي
كل عام وانت بخير وايامك بخيـر=وانا معاك اعيـش باقـي حياتـي

ملح القصايد حدني لشي مابيه http://www.kuwait80.com/images/clear.gif
ووردت له حمل الركايب لحالي http://www.kuwait80.com/images/clear.gif


له هقوة(ن) فيني ولي هقوة(ن) http://www.kuwait80.com/images/clear.gif
فيه والغالي مايشره على غير غالي http://www.kuwait80.com/images/clear.gif



اموت والله قبل اخيّب هقاويه http://www.kuwait80.com/images/clear.gif
لو احتمل شي(ن) يفوق احتمالي http://www.kuwait80.com/images/clear.gif



انا من اللي ذراع الايام تلويه http://www.kuwait80.com/images/clear.gif
جماعة(ن) مافرقتها الليالي http://www.kuwait80.com/images/clear.gif