غريب يافادي ، وانـا مثلـك غريـب=غريب ديره ، بـس انـا غريـب روح
كنّ الاماكـن .. ماخلـق فيهـا حبيـب=وكنّ الليالي .. عاشقه طعـم الجـروح
اللي .. ماعد يقـدر يداويهـا الطبيـب=واللي .. تمكّـن فالظلـوع ولا تـروح
والابتسامـه ، لا تـغـرّك يالحبـيـب=كـم وجـه يتبسّـم ..وخفّاقـه ينـوح
احارب ابها الحزن ، والوقت العصيـب=من باب .. تحقيق الامانـي والطمـوح
حكم القـدر ، ولايصيـب الاّ النصيـب=وهاذي الحياه نعيشها ، حتـى نـروح
بكـره ، تعـوّد فـي بـلادك ماتغيـب=وانا على بلادي ..ولاادري وين اروح !
ها شفت يافادي ياخوي ! من الغريـب!=غريب ديره راجـع .. أو غريـب روح

طوّلت بـي ياصمـت .. ماحـرّرت قافـي للكـلام=وارغمت هاجوسي .. يفك القـاف مـن زنزانتـه
ماللقلـم عـذر يتعـذّر بـه ، ليـا حـلّ الظـلام=من حول قلـبٍ ..لفّـت عروقـه علـى ريحانتـه
شاعر ، لساني ساحر ، ويِخرج من ظلوعي حمـام=ويقدر يخلّي البحر الاحمر .. يختفـي فـي دانتـه
ويزرع على الصحرا نهر .. ويصيد لاحلامي غمام=ويـردّ سهـمٍ متجـه صـوب الرضـا ..بكنانتـه
لو كان ماهو هـمّ ..اسـوّي منـه فالدنيـا زحـام=وهبـة كـلام ..الله وهبنـي خـوخـه ورمّانـتـه
لي قيمتي .. بين الرجـال اهـل الوفـا والاحتـرام=ولاّ الـردي .. مـاامـرّ سـردابـه ولا دكّانـتـه
لاصار .. لاسيفٍ يمارى بـه ، ولاصفـرة حـزام=مغنينـي الله .. عـن سواليفـه وكثـر ميانـتـه
الاّ قبل مايخرج الموضوع .. عـن صلـب المـرام=شـدّ الرسـن يافـارسٍ زاد السمـا .. طعّانـتـه
مظطر امرّ بديرة الذكرى .. علـى ظهـر المـلام=لـو انّ ، مـاودي بسجـنٍ مـارحـم سجّانـتـه
فيه الحيـاه .. اشبـه بغابـه جمّعـت أسـد وأرام=وقالت لهم : عيشوا ، ولااحدٍ يلتـزم فـي خانتـه
في ذمّة الريم اربعـه .. بيـن الصداقـه والهيـام=وفي ذمّة الجارح .. ثمان اخوَن من اللـي خانتـه
وفي ذمتي ، ب(انّ) الهوى اللي خارج اسوار النظام=ذنـبٍ كبيـر ، يزحـزح الرجّـال عـن مكانـتـه
وش فاالغرام ! الا العنا ، لاعـادت دروب الغـرام=ضايـع ، يبشـر ضايـعٍ ثانـي ..بجـرح ديانتـه
فـلان الفلانـي .. ودّه فلانـه ، وفلتانـه تـمـام=وافلانـه.. اتخطّـط علـى فلتـان ، قبـل فلانتـه
يارب عفـوك .. ياعفـوّ ، ويارحيـم ، وياسـلام=واعوذ بك ، من شـر شيطـان الهـوى واهانتـه
أمّـا بعـد ، ياسيّـده .. بيـن السجـن والاتهـام=المتهـم ، بــريء حـتـى تثبتـيـن ادانـتـه
ماكـل مايُكتـب بصفحـة سبـق ، ولاّ فالـوئـام=خبر صحيح ! ، وكم خبر يضحـك علـى عيّانتـه
والعلم فيـه (انَّ) ، و(إنَّ) زاد فـي خِـرج اللئـام=واللؤم ، اموت ولايعيـش القلـب تحـت اعانتـه
يمكن .. تبين تحرّكين المـا علـى جـال الخصـام=وحجَـرك ، يلقـى فالدوايـر مايطـش خيانـتـه
ويمكن ..لأن الله خلق بعض القلـوب مـن انتقـام=وش ذنبه اللي راحـلٍ .. مـن طيشـه لرزانتـه!
ويمكن .. كلامك صح ، واللي قاتلـك بيـن الأنـام=لكن عروقك .. ماعـد تميّـز مـن اللـي عانتـه
ويمكن ويمكن ..ياكثـر يمكـن ، وياكثـر الكـلام=ياهاجسـي مشكـور ، ردّ القـاف فـي زنزانتـه

.

اسف/ ما هو قصدي/ ولا ودي اجرحك= انا ليا حبيت / فيني طبيعه
اتجسّدك / واتنفسّك / واتوشحك=وتصير من بين البشر فـ /الطليعه
وتغيب عن ناظر عيوني / وانا المحك= لاشفت دقآت المعلق /سريعه
في خاطري / من خاطري/ ودي انصحك= لا غبت / خل القلب عندك وديعه
وان كان ما صنته / تراني مسامحك= لكن ترا حفظ الامانه /شريعه

عبير الـورد ، لاتنسـى تلـمّ الخافـق المنثـور

اخاف الريح تسري به ، قبل ما توصـل اطيابـك

وانا مانيب حيّا الله رجل شرقـي ، غرامـه زور

وربي لو نـوى ..نسّـاك حبـه جملـة احبابـك

احاول ، واتمنى ، وارتبك ، واعشق بدون شعور

لكنّي مستحيل اطيح من عينـي ..علـى اهدابـك

وش اسويّ ! ليا كان الزمن قاسي ، وصدري بور

وانا لي عام ، شايل قلبي وواقـف علـى بابـك

هـي عبـرة ٍمـن عيونـي/ تطلـب المستـحـال

لا نـلـت مـنـهـا مـــراد / ولا ابـرحــت نـايـلـه

لا استسلم القلب مع صلف الهوى واستمال

نــادت لكـسـر الـشـمـوخ/ وجـتــك متحـايـلـه

يالصبر وش تحتري / حتـى يضيـق المجـال

لـو مــا افصـحـت عــن هدفـهـا /كنـهـا قايـلـه

تهـشـم الصمـت/مـن جـمـر الحـنـايـا وســـال

يـرفـع مــن الـدمـعـه الـلــي/ للـسـقـوط آيـلــه

واستنـفـر الـبـوح /واهـتـزت بجـوفـي جـبـال

مـن كثـر مـا ابـطـت /ظلـوعـي للعـنـا شايـلـه

اشوفهـا فـي حشـى صـدري ســواد الخـيـال

سحـايـب ٍ/ قـبـل مـــا تـمـطـر وهـــي سـايـلـه

وانا اعرف الظيقـه الـي/ كبـر ثقـب الخـلال

مـهـمــا تـغـاظـيـت عـنــهــا طـايــلــه/ طـايــلــه

لا عاد تكّلف جهّد روحك/ يا صدر الشمال

وش لــون تخـفـي ملامحـهـا /وهــي حـايـلـه

ماهـي علـى شمسنـا اللـي/ قـاربـت لـلـزوال

لا والله الا الـحـظــوظ الــلــي بــعــد مـايــلــه

الــوذ بحـمـاك يــا ربـــي عـلــى كـــل حـــال

عـــن نـيــة تـقـطـع افـجــوج الــخــلا عـايـلــه