من يقــول أنســاك في يــوم و تهــــون=من يقــول أنســاك يا عمـــري كـــــذب
في حيــاتــي غير حبــك ما يكــون =مسكنــك ما بين جفنــي و الهــــدب
لو يطــول البعــد قلبـــي ما يخــــون =انتظـــر لقيـــاك وأشواقــــي لهـــــب

على نفس الطريق اللي مشوا به قبلي العشاق =مشيت اسابق الخطوه وأمني القلب بأحبابه
وأنا أدري إن هالدنيا طبيعتها لقا وأفراق =ظروف الناس فيها في كثير أحيان تتشابه
ولكن من يصبرني على جور الزمان العاق =جروحي هي والآمي وتعذيبي من اسبابه "
حبيبي كلما ضاقت بي الدنيا وصدري ضاق =تذكرتك وشفت الكووون أوسع وأكثر رحاااابه
على حبك ينازعني قصيدي وأسأل الأوراق =لك الله مابقى دفتر خلي من شعر وكتابه
وهذي حالة المغرم إذا هامت به الأشواق =يدور له على من يبلغ المحبوب بإعجابه
حبيبي وإن تفارقنا غرامك يسكن الإعماق=ولكن لي سؤال ينتظر من عندك أجابه
أمانه هل مثل ما أشتاق لك ياسيدي تشتاق =أرجوك جاوب نعم وإلاخسارة عمر عشنا به

أسير حبك ولكن في الغرام أجهلك=ياغالي في عيوني بالغلا مشتريك
ودي أجاوبك لكن قبلها بأسألك=بتموت فيني مثل ماني تولعت فيك
أشتاق لك بالدقيقه كيف ماأشتاق لك=كم ليله في لذيذ النوم حلمت فيك
وأفز من غرفتي في النوم وأتخيلك=مرات أفكرك قدامي وأسلم عليك
ومرات أطالع الحسن فيك وأتأملك=وأخاف من عين حسادك وأسمي عليك
قريب مني ولكن كيف أنا بأوصلك=ياجعل الأيام تسمح لي بشوفتك وأجيك
ياليتني جاركم أو ليتني من هلك=من شأن نظرات عيني بالغلا تحتويك
بالحيل (أحبك) حبيب الروح وأرتاح لك=شريك روحي ولا لك في روحي شريك
تستاهل الغلا والقلب يستاهلك=تفداك حالي وكل اللي معي يفتديك
أقولها لك بكل الصدق ما أجاملك=ياغالي في عيوني بالغلا مشتريك