سميتني نصفك الثاني وياشحك=انا بسميك كلي وانت معناها
تعبت اوديك له يـاقلب ويردك=لا اخذ حلومي ولا خلاني انساهـا
كل الحمام استراح وناح في ظلك=والورد الأحمر سقته الروح من ماها
ليتك بعمري ثلاثة اشخاص ماملّك=واحد معي دوم وواحد روحي يملاها
والثالث بجفن عيني لا فقد حسك=او غمض الجفن جاني فيك يتباها
مو بس احبك انا والله من حبك=احب حتى ثرى الارض اللي توطاها

غربة عمر منها المشاعر عطيبات=ولجل الرجاء جربت كل الطرايق
ورد الامل في زحمة اليأس مامات=يحيه دمعن به رموشي غرايق
بصوتي أجاوب صرخة العمر بآهات=مدام حظي من عناء الوجد عايق

أسأل وأنا كلي من أجلك إجابات=كل الصعايب لأجل عينك سهاله
يضيق صدري لو بقارقك لحظات=وأصير بعدك بألف حاله وحاله
لو كنت غايب وأبعدتك المسافات=لك صاحب ماغبت عن خياله