قبيلة بني رشيد - العذر والسموحه

إقتباس:

اقتباس من مشاركة السيف القاطع (المشاركة 1917420)

يا سلام الله سلامن بين عدل اوبين مايل ==صورته مثل السحاب ونظرته ماهي قريبه =

العرب تقرا وتكتب با الحروف او با الرسايل ==وابو مره يدفن الجره وعينه للزريبه==

إقتباس:

اقتباس من مشاركة الذئب سرحان (المشاركة 1917455)

مرحبا ترحيبت (ن) تهولت فيها الهوايل= نصها رش المطر والنص الاخر يامصيبه
العرب تعرف خيال الصيف من بد المخايل= ماتخيله لو تبيع السيف وشداد النجيبه

إقتباس:

اقتباس من مشاركة السيف القاطع (المشاركة 1917495)

البقئ والناس تعرف نظرتي في سوق حايل ==فيه شخصن ماعرفته باالسريه والكتيبه ==

انت في بطن الشعيب اولا انت في صدر المثايل==افتحو باب الجهاد وسجلو كلمه غريبه==

إقتباس:

اقتباس من مشاركة الذئب سرحان (المشاركة 1917541)

نظرتك ماني بعارفها وبي منك الدلايل= لاتكلفني بنبش القبر مركوز النصيبه

ماحدر بطن الشعيب الا غزير السيل سايل= ونت دون السيل راوغ من جذيبه في جذيبه

إقتباس:

اقتباس من مشاركة السيف القاطع (المشاركة 1917599)

الدروب امقضبه والشك با الميقاف زايل==والهدف مد النظر يا الله عسئ عينك تصيبه=

لايجي فكرك قريب بين قيل اوبين قايل==العرب تنشد عن اعلوم الحيا ولا اتحكيبه ==

إقتباس:

اقتباس من مشاركة الذئب سرحان (المشاركة 1917614)

ماحدن عنده بعلم الغيب واسراره وسايل= يعلمه ربٍ لاغاب سهيل جابه من مغيبه
يامبشر بالسفر طالت مامشيت الرحايل= والشهب السرحان حتى الضلع يقنب من قنيبه

إقتباس:

اقتباس من مشاركة السيف القاطع (المشاركة 1917666)

فيه ليل اوفيه شمس وفيه عين امن القوايل ==وانت سارح ماكتبت او لا قريت اللي نجيبه==

انت لوقلبك يهوجس با المثل ماجيت عايل==مير انا اقولك ريح لايجي با الراس شيبه ==

إقتباس:

اقتباس من مشاركة الذئب سرحان (المشاركة 1917711)

استلم وتصبح على خير
مافهم هرج النمل غير النبي يابنا الحمايل= والشهب السرحان هرج النمل كله وش يبيبه
ابتدة مامن صمايل ونتهت مامن صمايل= وبو موسى صد عني والجنيه وبسط جيبه

الله الله

يالذيب و القاطع بيض الله وجيهكم

وتصبحوون علي خير

لاهنتم