والله مالوم الغزال اليا جفل مني = الموت الاجلد ولا سبع الفلا الضاري

والله مالوم الغزال اليا هرب عني = مواري الكبر جفل ظبي الابراري
العام حلو اللماء علومه يسلني = واليا سألته عطاني خاف الاسراري
واليوم ضنه نشوفه مخلف ٍ ضني = عقب الوفا والمحبه خلقه تجاري
يجوز يومن سنه مخلفن سني = ولاهي على الكيف هاذي حكمة الباري
طويت حبل المحبه لو ينادني = خليت سوق الهواء للبايع الشاري
ماعقب بيضن مع الحيه يلوحني = من يوم بانن قنعت وقلت اسفاري
يالسبع تكفا على التوبه تعاوني = لاتصور الريم يطرلي ميت طاري
وان شفت معيوف بالماجوب لايكني = نبعا نصيحة مطوع كاتب وقاري
والقاضي اللي له ابيوتن يشو قني = يدلي برايه قبل قصاف الاعماري
وان شفت ابو ذيل وذيوله يومني = قله ترى العمده انكف عنهن جباري
ورد الخبر لبن نافع محرق البني= سهل عنه لو مدحته تنقص اشعاري
واما الجحش لو درالي وصل متعني = ياتيك يهذل يبوج اجبال وقفاري
اما ابوصالح بيوتن منه كفني= والله مانساء مواقف مكرم الجاري
واخر خبر مانسيت الصاحب الفني=ابن صويان اله حشمه ومقداري
ابلغ الكل تبت وذا عهد مني = والله يمحا خطاي وكل ماصاري
مالد باللعين لوياتن يمشني = ولاخص الاجسام بين اطوال وقصاري
تكفن يالبيض امانه لاتلومني= ابا اغتنم مابقا عن حامي الناري
الشوف قرب وجسمي كنه الشني=من عقب ماني خوين لاشهبن ساري
بتيت حبل المحبه جعل مايثني= ورفعت كفي لربن يعلم اسراري
سوداليالي ماودنه ماجابني= اجدودنا وينهم ياطوال الاشباري