تدري وش اقول لا مريت في بالي=الله يوفقك .. ونا الله يوفقني
صحيح ابغيب عنك بس يبقالي=( صوره ) ليا طالت الغيبه ترافقني

خليت حكيك قصايد يا معنيني=شفني عباراتك اكتبها واغنيها
جمهوري ايردد بيوتي وينهيني=في جوف صدري جروحي منك يحييها
انا وهبتك حياتي واجمل سنيني=ياكبرها كلمتك وشلون تحكيها
وشلون بعد العمر هذا تخليني=دنياي دونك انا يا.......... مابيها
اليوم زعلانتن منهو بيرضيني=ومن اول الروح لا زعلت تراضيها

ياعيون الليل وانفاس الظلام=استري جرحي من الوقت استري
لا حداني ( شوق ) واشقاني ( هيام )=وانتثر دمعي وفارق محجري
وان غزتني عبرتي بين الانام=لا تبيّح بي وانا حزني صري
والله اني ضايقه لي فوق ( عام )=كل ماذكر فعلت القلب الجري
وش خذيت من الكلام / الا كلام=ووش لقيت من الغرام الجوهري
غير جرح ( ينام ) فيّ ولا ( أنام )=وغير دمعٍ جرّح الخد الطري

انا دخيلت وفاك وعالي انسابك=اليا خذاني نصيبي منك واصلني
لا تقفل بغيبتي لمواصلي بابك=لو ابتعدنا شعورك دوم ياصلني
قبل النصيب ابتعد بك والغلا جابك=واليوم هذا نصيبي عنك فاصلني

انا برحل وبترك لك خفوقي يالغلا بيديك=وابي تذكر تفاصيل الغرام وتحفظ غيابي
لو اني ببتعد عن ناظرك وافقد ضيا عينيك=ولكنك تبا تبقى لي اقرب لي من ثيابي
حبيبي كل ذكرا بيننا في غيبتي ترجيك=تبي قلبك يراعيها بعد ما طارت اسرابي
تذكر وقتنا كله وانا اردد معاك ( ابيك )=وتكسر رغبتي فيني واجيك اسابق عتابي
تذكّر ليلنا وشلون يمضي والغلا حاديك=تجيني تقطف ورود الغلا وتذوق عنابي
تفاصيل الغرام اللي جمعنا واجتمع بي فيك=يصبّرنا على جور البعاد وطاري غيابي

خافقي ماغيرك مراده وشفّه=منّك جروحي ولا غيرك طبيبي
والله ان الكون حطيته بكفّه=وانت في كفّه لحالك ياحبيبي
ما جمعنا غير طهر وغير عفّه=وما ابتعدنا غير فالظرف العصيبي
عشقنا لقفيت ناداني بصفّه=ما قويت ارحل ولو جاني نصيبي ..!
عهد مني والعهد منك ووفّه=مانتفارق لو لمواصل صعيبي
والله انك منية الخافق وشفّه=ماحدن غيرك بهالدنيا حبيبي

تدري وش اللي متلف القلب والروح=اني معك اجهل دروب الرفاقه
ما كنت اظنك باقين وقت وتروح=كنت احسبك باقي سلوم وعراقه
راع الهوى من نظرة العين مفضوح=وانا اعشقك عقل وخبال وشفاقه
واليوم تطلبني وانا كلي جروح=تبغى علاقتنا علاقة صداقه
روّح فمان الله معفي ومسموح=مسموح لو انك ظلمت العلاقه

اليوم زعلانتن منهو بيرضيني=ومن اول الروح لا زعلت تراضيها

شف ضاق صدر الرياض بيوم فرقانا=شبّت حرايق عمايرها ( بسبتنا )
من زود غبن الرياض بوقت جفوانا=نيران الاشواق شبّتها ( علاقتنا )
حنا سبب ماجرا وكل الذي كانا=سبّة كوارث مدينتنا ( نهايتنا )

انا عندي خبر يوم انك اقبلت وتبيّن لي= مواري غيبتك بانت عليك ولا تهيالك
اندري بان قصتنا خلاص اليوم ياخلّي=نهايتنا بدت برحل بفالي وانت في فالك
وصلني دون ماتدري شعور ايقول لي حلي=عن اوثاق الغرام اليوم..مالي نفس بوصالك
ثلاث سنين رابطني معك من غير تاذن لي=على كشف الحقايق والعذر ما زانت احوالك
ونا من زود حبك في حشاي ومن وفا كلي=رضيت اغيب عن شمسك أمل لجل اجني اظلالك
بعد ذيك السنين اللي مضت مرسول ياصل لي=خسرتيني وضاع الحب يا قلبي من اهمالك
حقيقه ما جرحني ياغلاي وما رفع غلي=سوا انك يوم جيت اتروح بك شمت عذالك

انت أخر انسان ظنيته بيجرحني=وانته تعقد النوا تنهي محبتنا ..!
الله يسامحك وانا الله يسامحني= حنا ظلمنا المحبه في علاقتنا
اللي بقوله قبل لا وادعك بحني=حان المفارق وذي حزة نهايتنا