|
|
لٱ ع̃ﭑڊ ت̉جفآنې .. و آنآ مٱلې ﭑلٱ آنټ ۆ ﭑڼ ضﭑق صڊڕې .. مٱ ت̉ذﮘہڕټ غي̉ڕﮖ
|
تمَنَّيْتَ أَنِّيْ لَمْ أَتَعَرَّفْ عَلْيَهِ !! لَيْسَ لِـانَّنِيْ أَكْرَهَهُ ، .. بَلْ لأَأَنَّنِيّ .. اتْأَلِّمْ مِنْ فِرَاقَهُ
|
هز القدر (جيد) العمر وبغفلة اعيون النهار ...........................
........................... لحظة وفي لمح البصر هوَت من اغصوني سنة ياعيد ميلاد الهنا ... ولاّ العنا ... والإنتظار ........................... ........................... ماعـاد اميّز فرحتي مـن غربتي المستوطنة عجفا سنيني افسدت ( باقي ) سمينات الثمار ........................... ........................... ماكّنّ طـاح ابسـلّتي إلا عِجـاف الأزمنة العيب فيني أعترف واسباب هذا الإنكسار ........................... ........................... أني انا بـاقي انا وبوسـط جوفي سوسـنة تجبرني اتناثر صفا ... والجو من حولي غباار ........................... ........................... والاّ تحلّف ( حسـن ظنّي ) لا يغيـر معدنه وايّآمي تشربني عطا واشرب عطاياها مرار ........................... ........................... كنّي على كـاس الوجع اطهر حواسي مدمنه والكل يكبر حولنا .. وانا ونبضاتي صغاار ........................... ........................... بـاقي براءتنا ( سما ) تمطـر عنـاد وشيطنة من كثر ماني صادقة حسيتني عكس المسار ........................... ........................... كـن الأسـاسي كذبهم وإنّي أنـا المتفرعنة ياكبرها في داخل اعماقي مساحات الدمار ........................... ........................... وياصغرها في نظرة (أحلامي) وسااع الامكنة مادامها لمحة بصر..وبـغفلة اعيون النهار ........................... ........................... بودّع اعوامي هنا واقطـف بقايا السوسـنه |
http://img103.herosh.com/2011/09/07/233861297.png صباح الضيق يا جرحي .. صباحي ممتلي أحزان .. .. .. .. .. ..صباح الحزن لا هلّ السحاب وامطرت غيمة ! صباح يفزفز شعوري يغنّي .. ينكتب عنوان : .. .. .. .. .. ..إذا قـالوا "مطر عذب" وتغنّت للـوفا ديمة ! صباح الجِرحْ .. وعيون الحبايب تسأل الحرمان .. .. .. .. .. ..عن الضيق وتناهيد الفراق وحشرجة ضيمه ! يا صوت الريح يا حزن المطر يا رعشة الشريان .. .. .. .. .. ..تجيْ كالطيف في بالي .. كأنّْ الصبح ترنيمة ! صباحْ يلملم الذكرى .. حكاويْ الودّ والتحنان .. .. .. .. .. ..يفزّ الجـرح يا حـزني ويعلنها مـراسيمه ! فمان الله يا ريحة هلي .. يا الماضي اللي كان .. .. .. .. .. ..فمان الآهـ .. مابعد المفارق .. مابقى قيمه ! ذبل لون الصباح وطحت من طولي وانا تعبان .. .. .. .. .. ..وكن الصبح وجروحي بلا نخوه ولا شيـمة ! |
http://img105.herosh.com/2011/09/07/399497166.png أنا لا ثارت اعصابي .. ترى الشيطاان .. مو شيطان وربي تاخذه يدي ... ولا سبحـة ... فَـ..مخبااتـي :: صحيح متواضع وطيّب ... ولكن .. داخلي بركـان واذا ثرت ادع ربك يحرسك ... من شـر ّ ثوراتـي :: ولكن ... بلتزم صمتي .. وسـوّي نفسـي الغلطـان مدام اللي حكى جاهل ..؟ كلام العقـل فَـ سكااتـي :: بيقعد ... ينتقد / يكتـب / يحلـل / يفتـح البيبـان يقول اللي يقوله ... مـا وضعتـه فـي حساباتـي :: أنا ما نيب ْ مثله راعي هروج وحكـي و [لبـاان] أنا لا قلـت كلمـه .... برهنـت يمنـااي كلمااتـي :: وببقى ملتزم بالصمت .. دام ان الكـلام .. اجنـان ومنهو .. حيلته كلمـه ..!! تهينـه بسمـة شفاتـي |
ياصاحبـي ! والحلـم مايبغـي نـجـوم
لولا القمر ..! وش كـان حـال الليالـي ( غصن اللقا ) مـ..عادت طيوره تحـوم و (فصل الغياب ) يجفف اللـي بقـا لـي الحزن ! عاري لو لبس ضحكـي هـدوم ويبان بـ..أطـراف السوالـف , مقالـي ( قيض السهر ) يجلب معاصير وسموم ولا اشـوف الا ( خفـوقـي ) قبـالـي انشـدك ! ليـه البعـد يحتاجنـا دوم !؟ ويمـوت بـعيـون الاجابـه , سؤالـي علقت من شعري على صدرك ( وسوم ) إليـن كـلٍ عـن وصوفـك حكـا لـي واهديت لك قلبٍ ( قوي صبر وعـزوم ) واهديت لـي ريـحٍ تبعثـر ( رمالـي ) ولو ماكتبت اللي بـ..صدري من هموم ! ماكـان كـل عاشـق جريـحٍ قـرالـي ليه أنتظر صبـحٍ غشـا وجهـه غيـوم وانـا . بعيـش الليـل كلـه لحـالـي وماضنتي بلقـى بعـد غيبتـه ( نـوم ) من ياخذ عيونـي , ويرقـد بدآلـي ..؟ |
أنا السؤال اللي رحل في شنطة المنفي وطن
وأنا الجواب لكل سؤالٍ جاد به فاه اليتيم وأنا الدموع اللي تدور عن كفوف وعن حضن وأنا الجنون اللي نفاه العقل وأصبح له غريم وأنا البلاد اللي غرقت في همها وماتت مدن وأنا الولود اللي أنجبت من وقتها جرحٍ أليم وأنا الفتاة اللي رفضت في حلمها طعم الوسن وأنا العطر أسكب لهم من سوسن أنفاسي نسيم وأنا المواني اللي على شطآنها يرسي الشجن وأنا الحبيب اللي غدى وصله من أحبابه عديم وأنا أنا ضيعتني وبعضي على بعضي يحن مثل المطر أرويتهم من غيمي وزرعي هشيم في ضعفي قوّه بي رقت درب المعالي بلا وهن وفي قوّتي ضعفٍ سجد وبوجنته ذنبٍ عظيم حزني نبيل وانتمائه لأرض تهدي له كفن سافرت بدروب الشقا وأسرفت بي ووقتي كريم فقري غنى لوّه عجز يبدل ثياب الحزن وغناي فقر ومعه أبلل خبزة أحلامي بديم قطفت من ثمر الشقا وأطعمت أهداب سهرن سريت وأهداني الطريق العثرة وليلي عتيم ياقلّني لا جيتني أبحث عن أفراحٍ غدن عهدي وأنا طفلة بها أوااه يا عهد النعيم وياكثرني لا قلت منفيّه وأيامي قسن كل المنافي لي وطن والحزن بأوطاني زعيم تمرّني ذكرى حبيب بـ تربة غيابه دفن أنثى تحن وفي دفى أنفاس غايبها تهيم |
http://img101.herosh.com/2011/09/07/667728431.png
"يا شمعة الليل" والكراس واقلامي يا زفرة الوجد في صدري وشراييني يا دمعة الطهر والأشواق وهيامي يا سيف الأقدار والآهات وسنيني يا غربة الذات في شعري وبألهامي يا لعنة الذكريات اللي تقديني يا سمّ الأوجاع والتابوت قدامي يا سكرة الموت لا كثرة سكاكيني الليل لا اقبل تموت بجوفه احلامي وتموت زهرة قتلها الهجر بيديني على جداول مياهه ليه انا ظامي وعلى سهول الجفا الهجران حاديني في نظرته كم تبعثر جرحي الدامي وعلى وريد الوصل ضاعت عناويني امشي على درب حزني وتنزف الآمي واطلب من خطاي "امانه لا توديني" |
| الساعة الآن +4: 03:13 AM. |
|
Powered by vBulletin® Version 3.8.2
Copyright ©2000 - 2024, Jelsoft Enterprises Ltd.
