صحيح ما ننطح حتوفك=لاشك نوقف نزف دمك
الناس ما همها ظروفك=كود الذي يحزن لغمك
وان شلت حملك على كتوفك=بتموت ماحدٍ ترى يمك

شوفه فراق ،، ولقا ،، ليت النظر يُعطى=عينٍ بلا جفن ساترني وفاضحني
ليا أنخفض رمش عيني قلت ليه أبطى؟=وليا أرتفع قلت وش به مايصافحني
أزعل ،، وأعاتب ،، ويرضيني ،، وهو (ماأخطى)=وآخذ على خاطري مني وأسامحني
لأقدام كل المشاعر فـ / الحشا موطى=ومن جاء عزمته (وبسم الله) يمالحني

قلت : الشجر صارت عصافير وأعشاش=قلت : المطر وأبتل في دفتري ريش
قلت : الغوى وأرتج بي عطر وأفراش=قلت : الهوى وأنفك شباك بشووويش
قلت : (الودآآآع) ولا لحقني بمغباش!=قلت : الحنين ولا لحقت المطاريش
قلت : الزمن حَرٌج على الشمس خفاش=قلت : الوطن صارت حواجز وتفتيش

أضحكتني كلمتك : وين الدليل؟=عن هواي اللي تقول وتدعي

الدليل : الهم...والجسم النحيل=وارتعاش الصوت لا صرتي معي

الدليل : الدمع من عيني يسيل=يوم هزيت بوداعك مسمعي

الدليل: الجرح ... والصمت الطويل=بانتظار انك عليا ترجعي

الدليل : أني ركبت المستحيل =لجل أغير في عيونك موقعي

يوم كل عاش في ظليل=(كنت أسافر وآخذ أحزاني معي)

واعبر الدنيا كما عابر سبيل =شايل جرح الهوى في أضلعي

أدري أن الوقت لو يعطي بخيل =بس أحاول ...يمكن أنسى موجعي