هلابه كثر ما أزوّد غرامه وألمحه زوّد=هلابه كثر ما يلعب بحسبة وقتي وغيي ..!

قبل لا أقوله جاك الخفوق ،،، بذمّتك : جوّد=سبقني وقالي جوّد خفوقي : يا بعد حيي ..!

رفعت نفسي فوق هام الغمامه=أشوف زلات البشر ،، وأرفع الراس

الغلا ،، والشك ،، والخوف ،، وأنا=والوله ،، والموعد بذاك الرصيف
والألم ،، والوقت ،، وأمرار المنا=وزحمة الأفكار ،، والظن العفيف
وإنسطاع الشمس ،، وإخيوط السنا=وإنتشار العطر ،، والحمل الكثيف
وإنكسار النور حتى إنثنا=وإنفنا ،، والليل كان أحب ضيف
ساتر الأسرار ليٌل جونا=والقمر يرقابه الصبر النحيف
رف براق ٍ ومن عيني دنا=صادق الإحساس من رف الرفيف
ودنا مره ،، نحاول كلنا=نلتقي مره ولو طيفٍ وطيف
حلمنا الماضي ،، تعب من حلمنا=وأنت ،، أنا عاذرك مسكين وضعيف
وإلا أنا والعذر ،، ما أبعد قربنا=جيت ضيفٍ والهوى ماهو مضيف
سمنا ياوقت ،،، حلم وسمنا=والحجر ما تحزنه طيحة كفيف
الألم ،، والحزن ،، والدمع ،، وأنا=وخيبت الأمال ،، والجرح الكليف
والشقا ،، والضيم ،، وأكباد العنا=(( إنتساقط كالورق مثل الخريف ))

كم لي اقبّل من الضيقة صورك و أنام ؟= و كم لك يبس حلم وصلك و السما ممطره !
من كان صوتك يمّر العيد برد و سلام= و الليله العيد يمضي دون ما اشعره
كل التهاني تجي مثل التعازي : كلام= و انا ابتسم ، و انت في صدري ‪حزن‬ مقبره
اخباري اليوم ؟ زي البارحة بـ التمام= انسان ما أملك أيّّة قلب لجل اخسْره

شقيت ثوب الليل يوم احتراني
صبح ٍ يطل ابـ مبسمه في زواياي
الليلة بـ رجع طفل مملي أماني
وأشوفك أحلى ما ملكته من أشياي
ودي أرطّب كلمة ٍ في لساني ..
جفّت ..... ومعها جف ّ مايشبه الماي
معاك آبذكر ضحكة اللي نساني
لعلي أنسى ..ضيقة ٍ داخل حشاي
معاك ودي أرجع إنسان ... ثاني
وأرجع معك وياك من دون ... وياي

تدري وش أكثر شي يحسسني بالظلم ؟؟=إنك - حياتي – ،، وأنا بـ هامش حياتك .. !

( حبيبي ) وأحبه من سنه ماني بـ توّي=وحاضره ! يمتد الغلا .. من قبل ماضيه

وحناياه ! لا ضاق الصدر ، برّي وجوّي=عساني ما أعدم شعوره وجعلني مابكيه

هو يقول لا من غبت وش ناوي تسوي ؟؟=وأنا أقول وش إللي تهقى ماني مسويه !!

ياقلب لاتشره على الناس ياقلب=عندك أنا أقرب مثل !! كان توحي
تعبت أدوّر شخص يستاهل الحب= ومن التعب حبيت روحي بروحي