جتني تقول اليوم حدك وحدي = وانسى الغرام اللي مضى يابن الاجواد


هات الذي لجلك كتبته بيدي = هل تذكر اللي فات مااظن ينعاد

[frame="12 70"]ياكبديّ الليّ من الحرمـان منهشمـه
فيها مـن العـام نجـارٍ بشاكوشـه
والليّ هشمها شفاتٍ دونهـا حشمـه
أرهى على الليّ تبي نفسي ولا أنوشه
حجزٍ يرّد الرجاوي من ورى خشمه
وأنّ رده الحجز والاّ ضاع فالطوشه
عمّر بيوتٍ علـى بيبانهـا رشمـه
وبطونها بأفخم الشيـراز مفروشـه [/frame]

[frame="11 50"]أناّ لوّ أبصبر عام مابـان بـي تأثيـر
وهالحين حتّى الصبر يومين ما أحتلتـه
أنا مثل صقـارٍ تولّـع بحـبّ الطيـر
ولف قلبه فـروخ الصورايـم وهبلتـه
تولعّت في فرخٍ قضيـبٍ يتـلّ السيـر
ابيّ نظرتٍ من لفتـة الحـرّ وسبلتـه
صغيرٍ بسنّه غير عندي ماهو بصغيـر
يامغلاه فـي قلبـي وياكبـر منزلتـه
أجمعله سمان الهرج خوفٍ من التقصير
والى جيت ابشرح له كلامي تهيزلتـه
يجيني منّه هيبه . معزه . سحى . تقدير
اقابلـه عنـدي علـم وأروح ماقلتـه [/frame]