" سهله على من كان مثلك وشرواك
مثل الثياب يغيرون المبادئ "

الحب كلمه دارجه في زمنا
كلن يقول اليوم قلبي هواوي


حنا المظاهر يا رفيقي عمنا؟
والا الزمان اليوم جاب البلاوي


الوقت ماجالي على ماتمنا
وانا على الزلات ماعدت قاوي


بعض العرب ودك لشوفه تعنا
وبعض العرب فرقاه عيد ومناوي


وبعض العرب لا طحت قام يتغنا
وده يشوفك فالمصيبات هاوي


والبعض بسم الدين دمر وطنا
يصرف على كيفه حديث وفتاوي


هذي تفاكيرن من الغرب جنا
مغررن به من تبعهم وغاوي


وختامها الله يبعد الشر عنا
حيثه على كل المواضيع قاوي

أصوغ لك من داخل القلب وأهديك
باقة مشاعر تثبـت انـي حلالـك
هذي حياتي كلهـا بيـن اياديـك
خذها كأني لحظـة ٍ مـن دلالـك
ياغاية المطلوب هذا الأمـل فيـك
ملكتنـي وأسـرت قلبـي لحالـك
أطلب وآمر يامنى القلب وأعطيك
انـا وقلبـي والقصايـد فـدالـك
أبيع كل الناس برخيص وأشريـك
ما اريد غيرك واعترف لك بذالـك
يافرحة العمـر الكبيـرة أناجيـك
وأشوف قمة بهجتي مـن خلالـك
بالقلب جنات وغصـون لمعاليـك
ما لا رآت عينك ولا جـا ببالـك
يهتز عرش القلب لا حل طاريـك
وتفتح لي ابواب الحياة بوصالـك
اموت واحيا فيك واهواك واغليـك
من ندرة عيوبك لروعة خصالـك
واظن حبـي لـك بعـد مايكفّيـك
ولا اظن يملى العين شخص ٍ بدالك

ازعل تزعل ومن بعد الزعل تدري *** ماله وجود الزعل والنفس عشقانه
يعل رمح ن بها السم في ظهري *** ان كان جاكم خطااااااا او كنت خوانه