قبيلة بني رشيد - ان قلت لي مجنون قلت اضطراري .. وان قلت جبت العيد عيدك مبارك

إقتباس:

اقتباس من مشاركة محمد الراشد (المشاركة 1183604)

ياهيه انا ماني على الوصل ضاري=من يوم حبيتك اعيش انتظارك
بس انبسط مالك ومال انتظاري=ماهو لزوم انك بضيقي تشارك
محظوظ في شخص" يحب ويداري=في كل حالاتك نعيمك ونارك
لو كان بانت بالبدايه مواري=غضيت طرفي عن تغير مسارك
وانتي بكيفك عن عيوني تواري=افرد جناحينك وكمل مطارك
ماوالله بعينك تشوف انكساري=لو عشت انا مابين نارك وغارك
ماني بمترجيك هذا اختياري=وان جيت منت بضيف نورت دارك
طبعي كذا لا اغليت والبعض داري=ولك حق في مثلي تزيد افتخارك
خذ راحتك واترك علي الطواري=لو كان صبري معك عيا يتبارك
لو منت قد الحب هذا قراري=باعيش ليلك لين يطلع نهارك
وان قلت لي مجنون قلت اضطراري=وان قلت جبت العيد عيدك مبارك
شكرا الي ذوقي وحسن اختياري=لو كان في غيري اسئت اختيارك

لو كان بانت بالبدايه مواري غضيت طرفي عن تغير مسارك
اعجبني هذا البيت و القصيده جميله ولكن يالراشد انت اخ عزيز على قلوبنا وتركت هذه القصيده بين ايدينا لكي ترى راي جمهورك وانا اول جماهيرك ولكن انا عندي ملاحظه وأود أن أبديها لك وقبل أن أبديها لايخطر في بالك أنني أتمتع حين ألاحض على القصيده التي سطرتها لنا بأحساسك الراقي والمترف بل والله أنني أتظايق عندما ألاحض عليها وملاحظتي قد تكون صائبه وقد تكون خاطئه وهي
أنت بنيت القصيده في الأبيات الأولى على لفظ المذكر ولو كان المعنى مؤنث وأنهيتها كذلك فكيف تأتي وتستخدم لفظ و(أنتي)في هذا البيت
وأنتي بكيفك عن عيوني تواري أفرد جناحينك وكمل مطارك لو قلت
وأنته بكيفك عن عيوني تواري أفرد جناحينك وكمل مطارك
لكان أبلغ في اللفظ وكانت القصيده بمجملها تلفظ المذكر ولو كان معناها بالمؤنث
وتأكد يالراشد أنني من المعجبين بشاعريتك وتقبل مروري