قبيلة بني رشيد - الفزعة يابني عبس

إقتباس:

اقتباس من مشاركة سويلم مناحي (المشاركة 473317)

بسم الله الرحمن الرحيم
اخواني اعضاء وزوار شبكة عبس أهدي لكم هذي القصيدة التي اهديها إلى أبناء قبيلة بني رشيد (عبس)
في دولة الكويت الشقيقة بمناسبة الانتخابات البرلمانية يوم السبت القادم واتمنى التوفيق للجميــــــــــــــع
وإليكم القصيدة :

هنا نقول الحق والحق ينقال = وياجب علينا الي نشوفة نقولة
وقدام ندخل في تفصيل الاحوال = نسجد لوجه الله ونتبع رسولة
ومن بعدها مني على كل الابطال = سلام كبر الارض عرضة وطولة
ربعي سلايل عبس ماضين الأفعال= اليا جاء نهار (ن) فيه صولة وجولة
يفرح بفزعة لابتي ضايق البال = وعدونا مايقرب النوم حولة
يا لابتي ياعزوتي مابها جدال = ترى نهار السبت يوم البطولة
ويوم البطولة بلزمة قول وافعال = والعلم واضح والتكاتف رجولة
توحدوا بالرأي بلسان رجال = واذا توحدنا هدفنا نطولة
غصب (ن) على الي يشري الجاه بالمال = خبل على الهفوات يشعب ذلولة
هذاك ماله بين الابطال مدخال = إلي كلامة مايعادل فعولة
وانتم لكم في قمة المجد منزال = والعلم واضح والتكاتف رجولة

بيض الله وجهك

قصيده شامخه ومعده لصدق

نعم هذا الكلام الصحيح وهذا الشعر الحقيقي

مادام الشعر رساله وانت ارسلت الشعر وعديت به

الصدق والرجوله والتكاتف مابين الناس سوى للقبيله

او كا نصيحه لا ابناء كل قبيله وقرايب هذا هو التكاتف

هنا بين سطور هالدره الثمينه

بيض الله وجهك ووفقك الله في كل امورك
لك احترامي