|
عن صحّتي لا تسألي كيف حالي وإن قلت لك في خير والله منا بخير جنب ٍ على صاج ٍ من النار صالي وجنب على حد السيوف البواتير صرح الوفاء ماهوب سهل المجالي ونعش الهوا مادق فيه المسامير بيت الغلا راسي ولا قيل مالي لو الجفا يرسل عليه الأعاصير والغالية لامن ترقّت فبالي مجنون ليلى صرت ويقفّي الزير انا جهلت / وغلطتي من هبالي والله غفور ويقبل التّوب ويجير ماني نبي لكن ّ مابي خمالي ودينار طيبي عن ألوف الدنانير الخير في وجهك وصدرك شمالي والطّيب في عينك خضار و نواوير وصلك مهوب محال / عسر المنالي! ونا عقب فرقاك تحت المناشير ردّي لي اللي كل ماقلت غالي اغلى من اللي قلت وآقول بكثير وعن صحّتي لا تسألي كيف حالي ون قلت لك في خير / والله منا بخير |
من حكى لك في رفيق ٍ حكابك يا نبيل ومن وشالك واشي ٍ بك وكبدك غلّها ما يقود القوم من كان في نفسه هزيل من مرض نفسه نفوس الجماعة علّها يضحك بْذا عند هذا ونا صبري قليل ما تحمّل قرْب نفس الردي من قلّها ! وين مالت فيه ريح ٍ مع الهبّه يميل هبّ يا نفسه على الشّين عمره / تلّها في لحوم الخلْق ملبد ويقدح بالفتيل ولو عقد له عقدة ٍ فالحبل ما حلّها ! |
الصبح ضي وبسمتك يالغلا ضي
تبسمي خليني اصحى فديتك ..!! من سكرة العشاق بصحى لو شوي ثم رجعيني لسكرتي , لابكيتك ..!! |
|
المحبه حبل وصل وكل خاين يقطعه والخيانه جرح ماله لاعلاج ولاطبيب والمفارق سم والعربان صارت تجرعه والجروح انواع منها مايسمى بالعطيب والمثل قال الزمان انكان ماطاعك طعه والمآسي تجعل الانسان في داره غريب والله اني كل ماشفت الطيور موقعه ماذكرت الا الحبيب الي يسولف مع حبيب يوم طارت كل واحد له خويٍ يتبعه قلت ليت الناس تنضر فيك يالطير العجيب ليت كلن يوم يرحل ياخذ احبابه معه كان ماعذب صدور الناس جمرن مع لهيب |
ياوجودي وجد من فارق فهالدنيا اربعه
فارق اهل ودار ثم فارق حبيبٍ مع صحيب وياوجودي كل ماشفت الحياه مودعه وجد من راهن حياته في جروحن ماتطيب وياوجودي كل ماشفت الهموم مجمعه وجد من شاف الخيانه من رفيق له فريب |
أذكر رسمتي رسمتا فوق الأوراق
رسمتك هذي كل يوما تجيني رسمة وفاء وكتب على العقل لاضاق حبي بقلبك فالمقابل يغيني افهم وفكر لاتفكر فالافراق مافيه شكه حب يضوي كنيني نورك يثمل لمحة البرق برق سبحان من سواك ياحلا سنيني ياطيب حظ الحال والجو لاراق اقرب وقرب ياوفاء كل ديني افز في شوفك ليا جيت مشتاق افرح واشوف الناس ماهي بعيني تقبل وانا قبل ثم نقبل بلا عناق وامسك يسارك ثم تمسك يميني |
العمر فرصه وانت شوفك اطماعه ساعة لقا ننسا بها كل ما فات يرتاح قلبٍ طاري الشوق لاعه ويبدل ايام الشقا بالمسرات |
اضحك ووسع خاطرك لا يجي عمس
خل الزعل عليه يطغي سرورك سولف وابسولف معك بس بالهمس بشويش لا تجرح شعوري وشعورك خل الحكي من بيننا دوم بالرمس وانا تحت امرك وطايع لشورك |
واعْلم الكيف لاسوّيت فنجالي اضلوع صدري على طاريه منفجّه واعلْم الليل لاغنّيت موالي بإن الهواجيس وسط الخافق اتخجّه واعلْم الغيَم مايحْصل ويجَرالي احلام عمري سحايبها غدْت عجّه مابين حلمٍ قديم وحلمي التالي ماعاد ياحلمي الوردي بقا حجّه ضاقت مساحات دربي والآمل طالي يارب صدري من هموم الزمن نَجّه نّور ضميري بذكرك وانت ملجا لي ذكرك هْدوّي ليا حسيت بالضجّه وعطني على نيتي في وجه عذالي اللي على غيبتي تلقا لهم لجّه ماهو بهمي وانا ماشي على فالي مقصودي الطيب لو سجّيت لي سجّه |
|
الا واهنيك بالطرب ياحمام الدوح
تغنين وقلوب المجاريح مقهوره انا ودي ان لك في حياة السعاده روح ولااشوفك حالك بين الاغصان مذعوره تغارين ماتدرين كل الغرام جروح وكلام المجرب مايثانيه دكتوره انا كنت احسب ان المحبه فرح ومزوح واثرهاحياة(ن)بين الاحزان محصوره تغلين لكن لهفة الشوق وين اتروح مدام المحبه لك من العام مذخوره مشاعر يدونها الوله واليدين اللوح اضمك بها وافرح وتبقين مسروره حشا مايفيد العين عقب الفراق النوح ولايبعد الحرمان ونات مجبوره سوا نظرة(ن)منك وذاك الخطا مسموح واشوفك معي ياجرح قلبي ودكتوره |
لاصرت من شوفك همومي تبدد
وش حيلتي لاقلت الايام شاحت جرح قديم وجرح توه تجدد لاوحيت لي ورقا من البين ناحت ياليت لحظات السعاده تمدد ونشوة ختام المسك برضاك فاحت كان الغلا من حس به ماتردد بس البلاء لوفرصة العمر راحت |
قالت : أمانه بنشدك ؟ ومن موقفي لا ، لاتخاف اتحبّني ؟ قلت : اسمحيلي ! احسب ان به سالفه !؟ الحمد للّه والشّكر !! قولي : عسى مابه اخلاف !؟ والاّ المحبّة ، يا بري حالي ! عروقي تالفه !؟ قالت : أجل عطني الدّليل ؟! وقلت : هذا الاعتراف ( سيييد الأدلّه الاعتراف ) روحي لروحك والفه من جدّك ؟ انتي ؟ اعشقك ؟ إلاَّ بِي اسْرفتي اسراف وحدب الظّلوع العوج ، من عشقك غدت متخالفه ! |
طيِّبِ(ن) يا قلب ، لكِن ! وش تفيد الطِّيِبَه
شوفها ظاعت قِدِمْ عَينِك ، مع ل اصْحابي قد نصحتِك مير ، طبعِك ، خابره وأدري به ما يدااانِي منِّي الشَّرهَه ، وكِثر اعتابي ماتفيق إلاَّ بعد ما تِنصِدِمْ ب امصيبَه والمصيبَه ؟؟ ماتراااعِي ، ثورتِي ، واعصابِي ؟!؟ مالحقني فيك شَك ، ولا ال حقتني ريبه فيك فطنه صح ؟ لكِن ! ماحسبت احسابِي لاتقول إنِّك عضو غالِي ، وتمْلِك هَيَبَه هيبتِك ماتنفِعِك يا قلْب ، وأنت أدرى بي !! غاليِ(ن) ياقلب لكِن ! ذالغلا ؟؟ مالي بَه ؟!!؟ داااامَه اينُووووش الكرااااامه ؟ مُوُوُوُت ! لااااا تحيى بي ؟!؟ لن مووووت العز ، أشرف مِن حياااااة الخيَبَه لو على حساااااب الغلا ؟؟ والحُب ؟؟ والأحْبَابِي ؟!؟ وخلَّهااااا ، تنفعْك ، يا قلب العنا هالطِّيبَه قِد نصحتِك ، بس طبْعِك ؟ ماتِحِب اعتابِي |
نفسِ(ن) تتوق ال وصل مخلوقِ(ن) قطوع
من بِد خلق اللّه بخيص اب كيّها يشتاق له قلبي وهو ( بين الظّلوع ) وتشتاق له عيني وهو ( اصبيّها ) ؟!!؟ يفوع قلبي لا لفى طاريه فَوع خصِّ(ن) ليا جاب العلوم أخيَّها ؟!!؟ أجوع ل أوصاله ،، ولا اشبع مِنْه جَوُعْ وانهار وصله ، ما روانِي ميَّها ماني بطامِع في وصل ليل وشموع منها يكفِّيني قليل اشويَّها !! عشرة شرف ما شابها ، خِزْي ، وخنوع ولا جابها مبدا ( الذّراع وليَّها ؟!؟ ) قمَّة تفاهم بيننا ، واذرب طبوع لبَّا محيّاها ، ولبّا ضيَّها اتلى العهد به في ضحى يوم الرّبُوع في الدّيره الّي عفت عقبَه جَيَّها ذكراه في قلبي ، وتحييها الدّموع ونُوُدِ(ن) بها ريح الحِبَيِّب ، حيّها صحيح انا مسلم ، ولي قلبِ(ن) قنُوع لكن ،، ذبحني ( يوم مابه زيّها ) ؟!؟ |
يا حَمَامِ(ن) هيَّض القلب اب سِجِيعَه والعروق ابسِبِّته ، راحَت مِزايِع حَرَّك اجْرُوُحِ(ن) قِديماتِ(ن) وِجِيعَه لاعَها مِنْ وقْتَهَا تِسْعِيِن لاااايِع لو ضَحَكْ ، سِنِّي ، تَراها لِي طِبِيِعَه اضْحَكْ ، وْقَلْبِي تِوَلَّتْه الفِجَااايِع ؟!!؟ واكِلِ(ن) هَمِّي ال مَنْهُوُ يِسْتِطِيِعَه ربَّنا اللِّي ، ما غَدَتْ ، عِنْدَهْ وِدااايِعْ وكان ظاقَت بِك على الدِّنْيَا الوسِيِعَهْ اذكِر اللَّه ، وازْبِنَه ، راجِي ، وْطَايِعْ واكْثِرْ التَّسْبِيِحْ ، وامْر اللَّه طِيِعَه ماحَدِ(نْ) ب ايْمُوُتْ ، في ذالوَقْت ، جَااايِعْ وْعِزْ نفسِك عن درووب ، أهْل الخِديِعَهْ لَوْ تِشُوُفْ اربابَها ، ربْعْ وْجِمَايِعْ |
كَفْكِفْ ادمووعِك يا غزاال الرَّعابيب
الطف اب قلب(ن) مِنْك ، زااد اشتعاااله أَمَّنْتِك اللَّه دام عَزَّمْت ب اتغيب يَحْفَظْك ربِّ البَيت ،، جلَّ جَلاااااله وش فيك تنظر لي كِذا ؟ كَنِّك امْريِب قِل ؟ وش تِبي ؟؟ وْهَذي اعيوني بِداااله واللَّه ماتَنْطِقْ ابْكَلْمَه !! أبا أجِيبْ رَمْعَهْ ال قَصْدِك مِن عُيُونِك يا ........؟ لا ؟ لاتُوَصِّيني ؟؟ ولا احْتَاااج تَجْريب غَيَرِك من الخَفْراات ؟؟ ماالي ؟ وماااله حُبُّك طبع في القلب غَصْبِ(ن) بَلا طَيَب في اقْصى الضُّماير ؟؟ عاش حُبِّك ال حااله متمكِّنِ(ن) وسط الظُّلووع المحاديب وايشِب منها ظَوْ ،، صَفْراء إدلاااااله ؟!؟ واليا بَغَى يَقْدَعْ غْصُوُونِ(ن) مَراطِيب يِجْتَرْ من معْلووق قلبي افْوااله ؟!؟ وفي القَيَض ؟ ماكَنَّه ؟ ايْعَرف اللُّواهِيب أدنَات ؟ شِرْيانِ(ن) ، ايْظِلَّه إظْلااله ؟!؟ يامِرْ ويَنْهَى ابْ سِيِب ؟؟ وإنْ ظايِقَهْ سِيِب شَرَّف على أَقْصَى ظِلع ، واسْتَرْ باله ؟!!؟ تَبْغِي يِقِيِنِ(ن) تَقْطَعْ الشَّك والرَّيَب حِكْمَةْ عَرَبْ ؟؟ ماهِيِب ضِحْك وْهَبَالَه ورثت حُبَّك وَرْث ( سَدَّااح ) للطِّيِب امْسَيِّسِ(ن) لَه بَيَن ، عَمَّه وْخَالَه وْكَرَهْتْ ، بُعْدِكْ ، كُرْهْ ( سَدَّااح ) للعَيَبْ أكْرَهْ عَلَيَهْ امْن الرِّبا وَسْط مَالَه |
طفلة قدامها طفل سرق همس الشفايا
كل همه كلمة ما كل الافواه تحكيها كنها في ضحكها عيد وزغاريد وهدايا كنها في حزنها عين خورها مكتسيها بانها اللي فارد طوله مسوي بي سوايا وارتشافة قهوة انفاس تعودت احتسيها نهر حسن ضفته ستر وتواريخه عرايا صب ف عروقي وقامت ترتويه ويرتويها عندل بفراقها تكشيرة انياب المنايا كيف ما ابيع النفيس وضحكة العمر اشتريها حاولت لحظه من اللحظات تنثرني ضحايا كنها اللي تنتصر لجروح حواء وتحميها والخفوق اللي رميته بينها وبين الخطايا تشتهي جرحه وهو في عز جرحه يشتهيها كم بدت طفله تحب احلى القصص واحلى الحكايا قلت أمر اشكي عليها الهم واصبحت اشتكيها كم على الماء والذهب والرمل والبيض الضمايا إنقشت قلب وسهم وحروف حب تحتويها |
وش ورا همس الغمام ان قلت يا شح العطايا كل شيء من ملامحها يجيني قبل اجيها ما ذبح تفاح انوثتها مغاتير النوايا من قصد قصده شريف ومن ورد ماها يبيها علموها بس!والا علموا كل البرايا انها اللي عود امري من يديني في يديها والله ان تبطي وهي تختال من بين الحنايا مره تسمي علي ومره اسمي عليها |
تنسينا مشاغل الحياه وتبعدنا عن من نحب ليس جفا منا ولاكن
ظروف احكام قد لانستطيع ان نتواصل معهم عدم وجود الوسيله اتصال بينا ولاكن انهم موجودون في قلوبنا لانساهم النمر1012 |
لكل غايب عذره وصبر مفتاح الفرج
ولكل شخص ظروفه عندما نفقد صديق او اخ فعل ان هناك اسباب تمنعه عنك ولا تسرع بحكم على احد دون ان تسمع منه قد نخطي احيان ولاكن سرعان ماندرك خطانا ونسرع بتصحيحه ولاكن هناك اخطا قد تبدر منا لانقدر تصحيها عدم تقبل الشخص الاخر العذر ولاكن يبقى الامل موجود ومع مرور الوقت تتغير الاحوال فكن متأمل خيرا وعش على امل لاتفقده الانك قمت بعتذار ونتهي الامر فتاكد ان الايام سوف تحكم بينكم لاتتعجل النمر1012 |
ان يكون لك صديق او جليس او اخ
لايكون بينكم حواجز ويكون صندوق لك والاسرارك فتاكد انه هو الصديق واخ ولك بمعنى الكلمه النمر1012 |
انبعثر افكارنا احيان كي لاتجتمع وتخطف منا ابتسامه
ونشتها بضحك ونسيها ماتفكر به كي لانحزن فتكون مثل طلوع الفجر يمحى سواد النمر1012 |
والكلمه اللي جات مدري كيف جات
زلّه وشرهتها على من زلّها ياللي تقول النوم أخير من الصلاة شوري عليك أد الفروض وصلها |
ترى حلاة الشي لاجاله طرات واللي تجي في حلها في حلها شبّه وبرّاد وثلاث مهيّلات هاذيك اركدها وذيك ازلها فلة حجاج وطيب راس وطيب ذات ياقلها في وقتنا ياقلها |
انا ما هبلني كون دله وزين احكاه
الى اقبلت هلاّبي والى اقفيت يدعيني ولا من دعيته ما نزرني بقولة هاه!! ولااسمع سوى لبيه.وابشر.ومن عيني على القلب يا خفه وياثقل ماسواه يفيض الزعل لا قام بالشك يوذيني على الهون ياللي تطري البعد وش طراه ترى الشك مايصلح يجي بينك وبيني |
يا فرحتي يوم التقيتـك مـن بعـد فرقـا مْغلولـه
احساس قلبي والوله كـل ٍّ علـى بعضـه يعايـد رغم البعاد اللي قهرني ما ارتخى شوقي بنزولـه دوم يتصاعد منزلك والشوق فـي قلبـي مْتزايـد ما خنتك ابْدا ً ياالغلا وقربك غدى ملجـا و دولـه وشلون اخون ارض احتوتني من بعد ما كنت بايد في خاطري شئ ٍ يداعـب مهجتـي ودي اقولـه من زود ما حبك سحرني صرت احس الأمس عايد فيك اجتمع تفكير سن الرشد واحسـاس الطفولـه كل من قدر يجلس معك .. ياخذ من اقوالك فوايـد سلمت لك قلبٍ طغى بالشوق لين ادمـن كحولـه قلبٍ من اللهفه انكوى من كثر ماهو الحـب سايـد |
وانتي ادرى عن غلاتك لو ظْنونك خذوك
الوفا فيني طبع منكتب لـك بالعريـض درت انا حول الهوى والمناهج علّمـوك الخريف اوراق دارت على بردٍ و قيض لا يهمك ما جرى من تباريح ازعجـوك منزلك مثل البحر لو نوى مـدّه يفيـض ارفعي وقت التلاقي على اوقاتٍ جفـوك بستغل عطر اللقا قبل ما يصبح وميـض واثبت انّ اوتار قلبي أبـد مـا بدلـوك وانك الحلوه الأميره و حبي لك فريـض |
معك ساهي ارتوي بك وارتشف عطر الحروف
ألتجي حضرة جنابك واستلذ صوتـك سماعـه لو تراقص لي صبايا غير حسنك مـا اشـوف لو ترك قلبي فتونك مـا يلاقـي الا ضياعـه البصر عاشت عيونه قبل شوفك فـي كسـوف يطلب النظرات تحكي عن بصرها في خداعـه يا كثر رتْب القصايد فـوق هامـات الرفـوف فكر حرفي في خيالك يهتـوي فيـك اندفاعـه سندريلا لك جمال ٍ ما انوجد مثلـك وصـوف الأناقه في صفاتك أصل مـا جاتـك صناعـه القمر يحرس دلالك مـن معاسيـر الظـروف والفجر كسّر هدب شمسه واخذ نورك شعاعـه |
لايوجد شخص لايخطي ابدا ابدا
وتصحيح الاخطا يعتمد في معرف الاسباب الخطا وفهم العقول الجنسين بحاول ان تفهم ماذا يريد الطرف اخر حتى لاتخطي وتندم على الخطاك ولا يسعفك تداركه فبادر بالعذر فكن اكبر عقلن النمر1012 |
الله يسامح يارفيقي من يلحقك الملام
والله يحاسب من رمى واركز بقلبك خنجره والله يجازي اللي بعد شكواك مالقاك اهتمام بعض القلوب عن المحبه والغرام مشفره |
الارض تحـي لابكـى الغيـم مابـه
وتموت لاشق الغضب مشلح الشمس مثل السؤال اللـي كفـر بالاجابـه ومثل القمر لامن حضن نوره العمس ومثل الرعد لاساق مـزن السحابـه ومثل الزمن لامن حرق روعة الأمس فينا شتاء مثـل العـدو للصحابـه خافي ولكن مظهره قضبة الخمـس |
ياعاذلي وفر كلامك للنفوس الغاويه عن الذهب والماس واللولو قنوع" بهللي ونا ادري ان باقي قدم بيني وبين الهاويه وفي كل لحظه بالحواجب والعيون تلد لي عزمت افك اسر الذراع اللي زمانه لاويه هيهات انا كلي حبيس" بالحديد مكبلي هذا كياني جمرة" مسجونة" في زاويه تشعلني الاحلام ساعه وانطفي في معزلي |
[i]الصبح صحاني من فراش السهر
وصافح يمين البرق كف ءرعودها والشمس من مشراقها مدت عذر بين القنوف المقبله بعهودها ياحي صبحٍ رافقه غيم ومطر احيا بساتيني وبل ورودها واخترت من روعة بساتيني زهر باقة معاني والخيال يزودها من بعدها ياغيم انذرتك نذر وصل سلامي لا وصلت ءحدودها ريميةٍ لامن طاريها عبر تقلب موازيني على صمعودها |
يكفي من الحروف حرف يهمس للي كنه بريق من الالماس
لايتغير يضيئ قنديل الامل في حياتي النمر 1012 |
حكايات من الماضي
ليس لها عنوان ماتت في عذوبه الرحيل واخذت قلوب ليست لها ودموع بارمقها الاخير وكواكب افكار تشكو من لحظات القاء وهي ليست الا ماضي يعيش معنا دائمن من نسج الخيال وحقيقه كيان النمر1012 |
تتم هرجه بين الاسطور راحت
وتم ذكرى الامس صوره قديمه النمر 1012 |
|
خيال اللي طمس معنى الحقيقه
وواقعه مع مر الايام يشربنا قراح وعيون اللي تناظره من بد الخليقه ماتخاف الله بنظور ها يوم استراح النمر1012 |
| الساعة الآن +4: 10:08 PM. |
Powered by vBulletin® Version 3.8.2
Copyright ©2000 - 2024, Jelsoft Enterprises Ltd.
